Pathar, Urdu Nazam By Prem Warbartani
Pathar is a famous Urdu Nazam written by a famous poet, Prem Warbartani. Pathar comes under the Love, Sad category of Urdu Nazam. You can read Pathar on this page of UrduPoint.
پتھر
پریم واربرٹنی
ترے نکھرے ہوئے جلووں نے دی تھی روشنی مجھ کو
ترے رنگیں اشاروں نے مجھے جینا سکھایا تھا
قسم کھائی تھی تو نے زندگی بھر ساتھ دینے کی
بڑے ہی ناز سے تو نے مجھے اپنا بنایا تھا
مگر پچھتا رہا ہوں اب تری بے اعتنائی پر
کہ میں نے کیوں محبت کا سنہرا زخم کھایا تھا
ترا پیکر تری بانہیں تری آنکھیں تری پلکیں
ترے عارض تری زلفیں ترے شانے کسی کے ہیں
مرا کچھ بھی نہیں اس زندگی کے بادہ خانے میں
یہ خم یہ جام یہ شیشے یہ پیمانے کسی کے ہیں
بنایا تھا جنہیں رنگین اپنے خون سے میں نے
وہ افسانے نہیں میرے وہ افسانے کسی کے ہیں
کسی نے سونے چاندی سے ترے دل کو خریدا ہے
کسی نے تیرے دل کی دھڑکنوں کے گیت گائے ہیں
کسی ظالم نے لوٹا ہے ترے جلووں کی جنت کو
مگر میں نے تری یادوں سے ویرانے سجائے ہیں
کبھی جن پر محبت کا مقدر ناز کرتا تھا
وہ یادیں بھی نہیں اپنی وہ سپنے بھی پرائے ہیں
کسے معلوم تھا منزل ہی مجھ سے روٹھ جائے گی
لرز کر ٹوٹ جائیں گے مری قسمت کے سیارے
سر بازار بک جائے گی تیرے پیار کی عظمت
چلیں گے عشق کے حساس دل پر ظلم کے آرے
بڑے ارمان سے میں نے چنا تھا جن کو دامن میں
کسے معلوم تھا وہ پھول بن جائیں گے انگارے
جہاں تو ہے وہاں ہیں نقرئی سازوں کی جھنکاریں
جہاں میں ہوں وہاں چیخیں ہیں فریادیں ہیں نالے ہیں
مری دنیا میں غم ہی غم ہیں تاریکی ہی تاریکی
تری دنیا میں نغمے ہیں بہاریں ہیں اجالے ہیں
مری جھولی میں کنکر ہیں تری آغوش میں ہیرے
ترے پیروں میں پائل ہے مرے پیروں میں چھالے ہیں
میں جب بھی غور کرتا ہوں تری اس بے وفائی پر
تو غم کی آگ میں مہر و وفا کے پھول جلتے ہیں
نہ فریادوں سے زنجیروں کی کڑیاں ٹوٹ سکتی ہیں
نہ اشکوں سے نظام وقت کے تیور بدلتے ہیں
میں بھر سکتا ہوں تیری یاد میں حسرت بھری آہیں
مگر آہوں کی گرمی سے کہیں پتھر پگھلتے ہیں
پریم واربرٹنی
© UrduPoint.com
All Rights Reserved
Pathar
Prem Warbartani
tere rangin ishaaron ne mujhe jina sikhaya tha
qasam khai thi tu ne zindagi bhar sath dene ki
baDe hi naz se tu ne mujhe apna banaya tha
magar pachhta raha hun ab teri be-e'tinai par
ki main ne kyun mohabbat ka sunahra zaKHm khaya tha
tera paikar teri banhen teri aankhen teri palken
tere aariz teri zulfen tere shane kisi ke hain
mera kuchh bhi nahin is zindagi ke baada-KHane mein
ye KHum ye jam ye shishe ye paimane kisi ke hain
banaya tha jinhen rangin apne KHun se main ne
wo afsane nahin mere wo afsane kisi ke hain
kisi ne sone chandi se tere dil ko KHarida hai
kisi ne tere dil ki dhaDkanon ke git gae hain
kisi zalim ne luTa hai tere jalwon ki jannat ko
magar main ne teri yaadon se virane sajae hain
kabhi jin par mohabbat ka muqaddar naz karta tha
wo yaaden bhi nahin apni wo sapne bhi parae hain
kise malum tha manzil hi mujh se ruTh jaegi
laraz kar TuT jaenge meri qismat ke sayyare
sar-e-bazar bik jaegi tere pyar ki azmat
chalenge ishq ke hassas dil par zulm ke aare
baDe arman se main ne chuna tha jin ko daman mein
kise malum tha wo phul ban jaenge angare
jahan tu hai wahan hain nuqrai sazon ki jhankaren
jahan main hun wahan chiKHen hain fariyaaden hain nale hain
meri duniya mein gham hi gham hain tariki hi tariki
teri duniya mein naghme hain bahaaren hain ujale hain
meri jholi mein kankar hain teri aaghosh mein hire
tere pairon mein pael hai mere pairon mein chhaale hain
main jab bhi ghaur karta hun teri is bewafai par
to gham ki aag mein mehr-o-wafa ke phul jalte hain
na fariyaadon se zanjiron ki kaDiyan TuT sakti hain
na ashkon se nizam-e-waqt ke tewar badalte hain
main bhar sakta hun teri yaad mein hasrat bhari aahen
magar aahon ki garmi se kahin patthar pighalte hain
(526) ووٹ وصول ہوئے
Related Prem Warbartani Poetry
Related Poetry
More Prem Warbartani Poetry
دور پیپل کی بوڑھی شاخوں میں
Prem Warbartani - پریم واربرٹنی
Dur Pipal Ki Budhi Shakhon Mein
تم نے لکھا ہے
Prem Warbartani - پریم واربرٹنی
Tumne Likkha Hai
گرل فرینڈ
Prem Warbartani - پریم واربرٹنی
Girl-friend
انا اور اندیشہ
Prem Warbartani - پریم واربرٹنی
Ana Aur Andesha
نغمہ نما
Prem Warbartani - پریم واربرٹنی
Naghma Numa
آخر اس کی سوکھی لکڑی ایک چتا کے کام آئی (ردیف .. ن)
Prem Warbartani - پریم واربرٹنی
Aakhir Uski Sukhi Lakdi Ek Chita Ke Kaam Aai
کون کہتا ہے کہ بے نام و نشاں ہو جاؤں گا
Prem Warbartani - پریم واربرٹنی
Kaun Kahta Hai Ki Benam-o-nishan Ho Jaunga
دیدۂ دل کو یوں نظر آیا
Prem Warbartani - پریم واربرٹنی
Dida-e-dil Ko Yun Nazar Aaya
You can read Pathar written by Prem Warbartani at UrduPoint. Pathar is one of the masterpieces written by Prem Warbartani. You can also find the complete poetry collection of Prem Warbartani by clicking on the button 'Read Complete Poetry Collection of Prem Warbartani' above.
Pathar is a widely read Urdu Nazam. If you like Pathar, you will also like to read other famous Urdu Nazam.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.