Boseeda Quba, Urdu Nazam By Professor Rasheed Hasrat

ایک ژولِیدہ و بوسِیدہ قبا تن پہ لِیئے

کیا سے کیا کُوچۂِ جاناں میں سِتم سہتا رہا

گھاؤ اِک دوستی کا اپنے دُکھی من پہ لِیئے

میں کہ خُوشیوں کا تمنّائی تھا، غم سہتا رہا

اور کُچھ روز وفاؤں کو پرکھنا ھو گا

اور کُچھ اُن سے جُدا ھو کے بسر کرنی ھے

مان دہقان کی بیٹی کا بھی رکھنا ھو گا

اور آسان اگر راھگُزر کرنی ھے

 حالِ دل دوست سے کہنے میں مزا آتا ھے

یاد کی رو ھے کہ بہنے میں  مزہ آتا ھے

ساتھ رہتا تھا میرے کوئی سدا اِس رُت میں

اور کیا بِھیگتے رہنے میں مزہ آتا ھے

سِتم جو مُجھ پہ ھے ڈھانا وہ ڈھا کے گُزرے گی

 ہزار درد یہ دِل میں جگا کے گُزرے گی

اگرچہ دِن بھی مُسلسل عذاب دیتا ھے

مگر یہ رات تو مُجھ کو مِٹا کی گُزرے گی

ایک جھونکے کی طرح آ کے گُزر جائے گا

کوئی اِلزام نیا مُجھ وہ پہ دھر جائے گا

جِس کی فِطرت میں جفاؤں کے سِوا کُچھ بھی نہیں

کیا خبر اُس کو کوئی جاں سے گُزر جائے گا

کوئی آہٹ ھو کہ شوخ ھوا کا جھونکا

جو بھی آواز سُنی دِل کا بُرا حال ھُؤا

گو کہ خُود ھم نے کنارا تیرے آنچل سے کِیا

پھر بھی مانُوس سی دستک کو سُنے سال ھُؤا