Siyasat, Urdu Nazam By Rahbar Jaunpuri

Siyasat is a famous Urdu Nazam written by a famous poet, Rahbar Jaunpuri. Siyasat comes under the Sad, Social category of Urdu Nazam. You can read Siyasat on this page of UrduPoint.

Urdu Poem English Poem

سیاست

رہبر جونپوری

مکدر ہے فضائے عالم امکاں سیاست سے

بہت بے آبرو ہے آج کل انساں سیاست سے

ضمیر و ظرف کی اس کے یہاں قیمت نہیں کوئی

جہاں میں در بدر ہیں صاحب ایماں سیاست سے

یہ احساسات تہذیب و تمدن کو مٹاتی ہے

سیاست آج کل کی کیسے کیسے گل کھلاتی ہے

نہیں شیوہ سیاست کا محبت اور رواداری

سکھاتی ہے پرستاروں کو اپنے یہ ریا کاری

نہ اس کا کوئی مسلک ہے نہ اس کا کوئی مذہب ہے

دل حرس و ہوس میں بن کے رہتی ہے یہ چنگاری

کسی کا گھر گراتی ہے کسی کا گھر سجاتی ہے

سیاست آج کل کی کیسے کیسے گل کھلاتی ہے

لڑاتی ہے یہی اک دوسرے کو ذات و مذہب پر

اسی کی شہہ پہ قتل عام ہوتا ہے یہاں اکثر

رعونت یہ سکھاتی ہے منافق حکمرانوں کو

اسی کے بطن سے ہوتے ہیں پیدا جبر و ظلم و شر

یہ اپنے محسنوں کا خون پی کر مسکراتی ہے

سیاست آج کل کی کیسے کیسے گل کھلاتی ہے

سدا یہ اتحاد باہمی پر وار کرتی ہے

تعصب کو ہوا دیتی ہے دل بیزار کرتی ہے

کہیں تعمیر کرتی ہے عبادت گاہ فتنوں سے

کہیں خود ہی عبادت گاہ کو مسمار کرتی ہے

فریب و مکر سے اپنے یہ ہر سو قہر ڈھاتی ہے

سیاست آج کل کی کیسے کیسے گل کھلاتی ہے

اسی کے دم سے فصلیں لہلہاتی ہیں فسادوں کی

یہی تکمیل کرتی ہے حکومت کے ارادوں کی

اسی کی مصلحت سے بغض کے پودے پنپتے ہیں

گرا دیتی ہے یہ دیوار باہم اعتمادوں کی

ہوا دے کر یہ بد عنوانیوں کی لو بڑھاتی ہے

سیاست آج کل کی کیسے کیسے گل کھلاتی ہے

اشارے پر اسی کے شہر قصبے گاؤں جلتے ہیں

اسی کی آستیں میں سازشوں کے ناگ پلتے ہیں

ستم گاروں پہ کرتی ہے یہ سایہ اپنے آنچل کا

اسی کی آڑ میں اشرار و قاتل بچ نکلتے ہیں

یہ قانون و عدالت کو بھی اب آنکھیں دکھاتی ہے

سیاست آج کل کی کیسے کیسے گل کھلاتی ہے

جسارت کو یہی دہشت گری کا نام دیتی ہے

یہ ہم سایے کو خود ہی جنگ کا پیغام دیتی ہے

بدلتی ہے یہی تقدیر ارباب قیادت کی

یہ اپنے وارثوں کو سر خوشی کا جام دیتی ہے

یہ وعدوں کے گھروندے ریگزاروں میں بناتی ہے

سیاست آج کل کی کیسے کیسے گل کھلاتی ہے

رہبر جونپوری

© UrduPoint.com

All Rights Reserved

Previous More Sad Poetry

Rahbar Jaunpuri Poetry in Urdu

Rahbar Jaunpuri

Siyasat

Rahbar Jaunpuri

mukaddar hai faza-e-alam-e-imkan siyasat se
bahut be-abru hai aaj-kal insan siyasat se
zamir-o-zarf ki us ke yahan qimat nahin koi
jahan mein dar-ba-dar hain sahab-e-iman siyasat se
ye ehsasat-e-tahzib-o-tamaddun ko miTati hai
siyasat aaj-kal ki kaise kaise gul khilati hai
nahin shewa siyasat ka mohabbat aur rawadari
sikhati hai parastaron ko apne ye riya-kari
na is ka koi maslak hai na is ka koi mazhab hai
dil-e-hirs-o-hawas mein ban ke rahti hai ye chingari
kisi ka ghar giraati hai kisi ka ghar sajati hai
siyasat aaj-kal ki kaise kaise gul khilati hai
laDati hai yahi ek dusre ko zat-o-mazhab par
isi ki shah pe qatl-e-am hota hai yahan aksar
raunat ye sikhati hai munafiq hukmaranon ko
isi ke batn se hote hain paida jabr-o-zulm-o-shar
ye apne muhsinon ka KHun pi kar muskuraati hai
siyasat aaj-kal ki kaise kaise gul khilati hai
sada ye ittihad-e-bahami par war karti hai
tassub ko hawa deti hai dil bezar karti hai
kahin tamir karti hai ibaadat-gah fitnon se
kahin KHud hi ibaadat-gah ko mismar karti hai
fareb-o-makr se apne ye har-su qahr Dhati hai
siyasat aaj-kal ki kaise kaise gul khilati hai
isi ke dam se faslen lahlahati hain fasadon ki
yahi takmil karti hai hukumat ke iradon ki
isi ki maslahat se bughz ke paude panapte hain
gira deti hai ye diwar baham e'timadon ki
hawa de kar ye bad-unwaniyon ki lau baDhati hai
siyasat aaj-kal ki kaise kaise gul khilati hai
ishaare par isi ke shahr qasbe ganw jalte hain
isi ki aastin mein sazishon ke nag palte hain
sitamgaron pe karti hai ye saya apne aanchal ka
isi ki aaD mein ashrar-o-qatil bach nikalte hain
ye qanun-o-adalat ko bhi ab aankhen dikhati hai
siyasat aaj-kal ki kaise kaise gul khilati hai
jasarat ko yahi dahshat-gari ka nam deti hai
ye ham-sae ko KHud hi jang ka paigham deti hai
badalti hai yahi taqdir arbab-e-qayaadat ki
ye apne warison ko sarKHushi ka jam deti hai
ye wadon ke gharaunde regzaron mein banati hai
siyasat aaj-kal ki kaise kaise gul khilati hai

Facebook Twitter Reddit Pinterest Whatsapp

(749) ووٹ وصول ہوئے

You can read Siyasat written by Rahbar Jaunpuri at UrduPoint. Siyasat is one of the masterpieces written by Rahbar Jaunpuri. You can also find the complete poetry collection of Rahbar Jaunpuri by clicking on the button 'Read Complete Poetry Collection of Rahbar Jaunpuri' above.

Siyasat is a widely read Urdu Nazam. If you like Siyasat, you will also like to read other famous Urdu Nazam.

You can also read Sad Poetry, If you want to read more poems. We hope you will like the vast collection of poetry at UrduPoint; remember to share it with others.