Kasrat-e-aulad, Urdu Nazam By Syed Mohammad Jafri

Kasrat-e-aulad is a famous Urdu Nazam written by a famous poet, Syed Mohammad Jafri. Kasrat-e-aulad comes under the Social category of Urdu Nazam. You can read Kasrat-e-aulad on this page of UrduPoint.

Urdu Poem English Poem

کثرت اولاد

سید محمد جعفری

سنیے اک ناعاقبت اندیش کی فریاد ہے

کہہ رہا ہے وہ مجھے اپنی جوانی یاد ہے

میں جسے کہتا تھا گھر وہ آج طفل آباد ہے

میری تنہا جان ہے اور کثرت اولاد ہے

''اے غم دل کیا کروں، اے وحشت دل کیا کروں''

وہ بھی کیا دن تھے کہ جب یہ مفلسی چھائی نہ تھی

''عاشقی قید شریعت میں'' ابھی آئی نہ تھی

کس قدر تھے مطمئن گو جیب میں پائی نہ تھی

کثرت اولاد کے باعث یہ رسوائی نہ تھی

''اے غم دل کیا کروں، اے وحشت دل کیا کروں''

کیا خطا میری کہ جو بچہ ہوا جڑواں ہوا

اور مع ہم زاد عاجز ہی کے گھر میہماں ہوا

میرے گھر آیا تو گویا داخل زنداں ہوا

ملک میں غلے کی قلت کا نیا عنواں ہوا

''اے غم دل کیا کروں، اے وحشت دل کیا کروں''

ہو گئے ہیں ایک درجن آج تک لخت جگر

ایک ان میں ریفری گیارہ کھلاڑی ہیں مگر

اس کھلاڑی ٹیم میں فٹ بال ہے ان کا پدر

اس کو دوڑاتے ہیں یہ بچے ادھر گاہے ادھر

''اے غم دل کیا کروں، اے وحشت دل کیا کروں''

جا کے پہلے کے لیے موٹی سفارش لاؤں گا

موقع بے موقع اعزہ کو بہت دوڑاؤں گا

اپنے سارے دوستوں کی جان کو آ جاؤں گا

اور کسی دفتر میں اس کو نوکری دلواؤں گا

''اے غم دل کیا کروں، اے وحشت دل کیا کروں''

دوسرا بیمار ہے لاؤں گا میں اس کی دوا

ڈھونڈھتا ہوں تیسرے کے داخلے کو مدرسہ

جا کے چوتھے نے جو ہمسائے سے جھگڑا کر لیا

اس کو نیکی دے خدا سے کر رہا ہوں یہ دعا

''اے غم دل کیا کروں، اے وحشت دل کیا کروں''

پانچواں ہے اور چھٹا ہے اور پتنگیں اور ڈور

ساتواں ہے، آٹھواں ہے اور نواں کرتے ہیں زور

کوئی بچہ چیختا ہے اور کوئی کرتا ہے شور

کیونکہ یہ اک دوسرے کو چھیڑ کر کرتے ہیں بور

''اے غم دل کیا کروں، اے وحشت دل کیا کروں''

ہیں جو دسویں، گیارہویں، دونوں ہیں کندھوں پر سوار

یہ دلا دو وہ دلا دو کہہ رہے ہیں بار بار

بارہواں بچہ جو ہے وہ کر رہا ہے ماں کو خوار

رات بھر روتا ہے اس کی گود میں وہ نابکار

''اے غم دل کیا کروں، اے وحشت دل کیا کروں''

گھر میں موٹر بھی برائے بار برداری نہیں

ساتھ لے جانے میں بچوں کے بجز خواری نہیں

ایک بچہ گود میں لے لوں کہ وہ بھاری نہیں

وہ مگر درجن ہیں میں انسان ہوں لاری نہیں

''اے غم دل کیا کروں، اے وحشت دل کیا کروں''

بات سچ یہ ہے کہ ہم تھے جس زمانے میں جواں

خاندانی قسم کی منصوبہ بندی تھی کہاں

اور اشیائے ضروری بھی نہ تھیں اتنی گراں

آج میں ہوں اور میری مفلسی کی داستاں

''اے غم دل کیا کروں، اے وحشت دل کیا کروں''

سید محمد جعفری

© UrduPoint.com

All Rights Reserved

Previous More Social Poetry Next

Syed Mohammad Jafri Poetry in Urdu

Syed Mohammad Jafri

Kasrat-e-aulad

Syed Mohammad Jafri

suniye ek na-aqibat-andesh ki fariyaad hai
kah raha hai wo mujhe apni jawani yaad hai
main jise kahta tha ghar wo aaj tifl-abaad hai
meri tanha jaan hai aur kasrat-e-aulad hai
ai gham-e-dil kya karun, ai wahshat-e-dil kya karun

wo bhi kya din the ki jab ye muflisi chhai na thi
aashiqi qaid-e-shariat mein abhi aai na thi
kis qadar the mutmain go jeb mein pai na thi
kasrat-e-aulad ke bais ye ruswai na thi
ai gham-e-dil kya karun, ai wahshat-e-dil kya karun

kya KHata meri ki jo bachcha hua juDwan hua
aur ma ham-zad aajiz hi ke ghar mehman hua
mere ghar aaya to goya daKHil-e-zindan hua
mulk mein ghalle ki qillat ka naya unwan hua
ai gham-e-dil kya karun, ai wahshat-e-dil kya karun

ho gae hain ek darjan aaj tak laKHt-e-jigar
ek in mein referee gyarah khilaDi hain magar
is khilaDi team mein footbaal hai in ka pidar
us ko dauDate hain ye bachche idhar gahe udhar
ai gham-e-dil kya karun, ai wahshat-e-dil kya karun

ja ke pahle ke liye moTi sifarish launga
mauqa-be-mauqa aizza ko bahut dauDaunga
apne sare doston ki jaan ko aa jaunga
aur kisi daftar mein us ko naukri dilwaunga
ai gham-e-dil kya karun, ai wahshat-e-dil kya karun

dusra bimar hai launga main us ki dawa
DhunDhta hun tisare ke daKHle ko madrasa
ja ke chauthe ne jo ham-sae se jhagDa kar liya
is ko neki de KHuda se kar raha hun ye dua
ai gham-e-dil kya karun, ai wahshat-e-dil kya karun

panchwan hai aur chhaTa hai aur patangen aur Dor
satwan hai, aaTHwan hai aur nawan karte hain zor
koi bachcha chiKHta hai aur koi karta hai shor
kyunki ye ek dusre ko chheD kar karte hain bor
ai gham-e-dil kya karun, ai wahshat-e-dil kya karun

hain jo daswin, gyarahwin, donon hain kandhon par sawar
ye dila do wo dila do kah rahe hain bar bar
barahwan bachcha jo hai wo kar raha hai man ko KHwar
raat bhar rota hai us ki god mein wo na-bakar
ai gham-e-dil kya karun, ai wahshat-e-dil kya karun

ghar mein motor bhi barae-bar-bardari nahin
sath le jaane mein bachchon ke ba-juz-KHwari nahin
ek bachcha god mein le lun ki wo bhaari nahin
wo magar darjan hain main insan hun lari nahin
ai gham-e-dil kya karun, ai wahshat-e-dil kya karun

baat sach ye hai ki hum the jis zamane mein jawan
KHandani qasam ki mansuba-bandi thi kahan
aur ashya-e-zaruri bhi na thin itni giran
aaj main hun aur meri muflisi ki dastan
ai gham-e-dil kya karun, ai wahshat-e-dil kya karun

Facebook Twitter Reddit Pinterest Whatsapp

(595) ووٹ وصول ہوئے

You can read Kasrat-e-aulad written by Syed Mohammad Jafri at UrduPoint. Kasrat-e-aulad is one of the masterpieces written by Syed Mohammad Jafri. You can also find the complete poetry collection of Syed Mohammad Jafri by clicking on the button 'Read Complete Poetry Collection of Syed Mohammad Jafri' above.

Kasrat-e-aulad is a widely read Urdu Nazam. If you like Kasrat-e-aulad, you will also like to read other famous Urdu Nazam.

You can also read Social Poetry, If you want to read more poems. We hope you will like the vast collection of poetry at UrduPoint; remember to share it with others.