Pehla Ishq By Aleena Arshad

میرا پہلا عشق کتابیں ہیں

کتابیں جس میں

ردیف و قافیہ کا پیچ و خم ہے

وہ کتابیں جو بانو قدسیہ

اور اشفاق احمد کی لازوال محبت کی

داستانوں سے بھری پڑی ہیں

وہ کتابیں جس میں پروین شاکر نے

اپنے ہجر کا غم اتارا

محسن نقوی اور وصی شاہ نے کھنکتے کنگن

اور کھلی زلفیں اسیر کی

وہ کتاب

جس میں میرا جی نے

زنجیروں کی حدوں سے نکل کر

آزاد نظموں کی کڑیاں ڈالی

مزاح نگاری کی وہ کتابیں

جو مشتاق یوسفی سے منسوب ٹھہری

اور سرسید کے آثار الصنادید،

فیض کی نسخہ ہائے وفا

شکوہ جواب شکوہ مسدس

یا منقبت کسی اولیاء کی

انتظار حسین کی جستجو یا

مجید امجد کا شب رفتہ کاواحد دیوان

وہ لمبی بحروں کو جوڑتی

مختصر بحروں کی مکمل غزلیں

میرا عشق تھیں،

لازوال مکمل عشق

عشق وہ جو جنون تھا،

فطور تھا، خیال تھا

کہکشاں کے چمکتے ستاروں نے روکا

مگر کشش کا مدار تنگ پگڈنڈیوں پر مشتمل تھا

جو کشش ثقل مانند کھینچتا ہی چلا گیا

چاند چودھویں کا تھا

مگر مدھم رہا

دور پار بانسری کی آواز مدھر سی ہونے لگی

عشق زوال پذیر ہونے لگا

مجھ کو لطف ملا تسکین نہ ملی۔

سجدہ زمیں پر کروں وہ جبیں نہ ملی

دل بھی جلتے ہوئے سوچ کے مدار میں

ایک مرکز کے گرد گھومنے لگا۔

مگر وہ کتابیں میرے کمرے کے شیلف پر

کسی گرد سے اٹی پڑی رہ گئیں

وصل کی گواہی پر

میرے عشق کو ہجر کی سزا دی گئی

مگر ہم برسوں سے الفت نبھاتے چلےآئیں ہیں

قسم عشق گردن کفر دبا آئے ہیں

تیری خاطر ہم رسموں کو توڑ آئے ہیں

کتابوں سے اپنی وفا کے لیے

دوسرے عشق کو تنہا چھوڑ آئے ہیں۔۔