Khwab Gah By Imtiaz Ahmad Mansoor

خواب گاہ اور میں

خواب گاہ اور تم

اِک ڈگر اور آئیحان ہمراہ مرے

کھیت کے درمیاں ایک راہ اور تم

تین لوگوں کی آنکھوں سے اشک رواں

تھر تھراتے ہوئے

رقص کرتے ہوئے

آئیحان اور میں دائے راہ اور تم

ایک کچا مکاں میری آمد کے باعث سے اتھل پتھل

تیرے سادہ سے لوگوں کی سادہ ہنسی

بان کی چار پائیوں کو ترتیب سے

صحن بھر میں لگائے ہوئے ہوئے منتظر

ساتھ والوں سے مانگی ہوئی کرسیاں

جیسے مہمان بس باپ بیٹا نہیں

دیکھنے کو تجھے درجنوں آئیں گے

بھاگے پھرتے ہیں سارے میں یوں اِدھر اُدھر

جیسے دو لوگ اتنے وسیع صحن میں

پورے آئیں گے شاید نہیں آئیں گے

ان کے نین و نقش تیری تصویر جیسے یہ کتنے نفس

ڈھونڈتا ہوں تمھیں اِن سے کیسی غرض

جانے چھپ کر کے بیٹھی ہوئی ہو کہاں

سب سے مایوس ہو کر کے جاتے ہیں ہم

سب کی آنکھوں سے آنسو چھپاتے ہم

گاؤں کی اک گلی سے نکلتے ہوئے

کھیت کے اک کنارے پہ چلتے ہوئے

یک بیک چونک جاتے ہیں دونوں وہاں

(میں اور آئیحاں)

اک پری کی سی صورت کشاف و نہاں

ملگجے سے کلر کی عبایا میں تم

اپنی زلفوں کے پُر لطف سایہ میں تم

بدن پر ہے ردا اور سر پر نہیں

سارے گھر پر تھے اور تم ہی گھر پر نہیں

میری حیرت پہ پلکیں اٹھاتی ہو تم

میں ہوں ہلکان اور مسکراتی ہو تم

آئیحان اور میں

سرِ راہ اور تم

میرے کندھے پہ تیری جبیں اور ہم

جھومتی رقص کرتی زمیں اور ہم

آئیحان کو گلے سے لگائے ہوئے

میرے پہلو میں خود کو چھپائے ہوئے

ایک دوجے کا جیون بہانہ ہوئے

اِک نئے سفر پر جب روانہ ہوئے

درد کی وادیاں۔۔۔۔چھوٹ کر بہت پیچھے کہیں رہ گئیں

تلخیاں، سختیاں جس جگہ ہم ملے تھے وہیں رہ گئیں

وسعتِ بے کراںواہ واہ اور تم

خواب گاہ اور میں خواب گاہ اور تم