Hum Se Urooj Sambhala Na Gaya By Javad Sattar

تیرے عشاق کا دھرتی سے کبھی حوالہ نہ گیا

یہ بھی سچ ہے ہم سے عروج سنبھالا نہ گیا

ان کی تکبیریں فضاؤں میں گونجیں اب تک

ان کی دہشت سے چٹانیں بھی ہلیں اب تک

ان کے وقار سے تھرتھرّاتے دنیا والے

ان کے نام سے کافر کو نہیں نیندیں اب تک

وہ روشن ہوئے ایسے کہ پھر اجالا نہ گیا

یہ بھی سچ ہے ہم سے عروج سنبھالا نہ گیا

وہ جہانگیر زہد و تقوی کے تھے پیکر

نام اللہ کا لیتے تھے تو گرتا خیبر

سیکھی تہذیب یہ دنیا ان میں رہ کر

وہ صاحبءایماں قرآن تھا ان کا محور

ذکر ان کا کبھی تاریخ سے ٹالا نہ گیا

یہ بھی سچ ہے ہم سے عروج سنبھالا نہ گیا

ظلم کے دہر میں اٹھتی صدائیں ان کی تھیں

لکھی تقدیر پلٹتی دعائیں ان کی تھیں

جھکی ان کے حسنءاخلاق پہ دنیا ساری

رشک دشمن کو بھی آئے کیا ادائیں ان کی تھیں

ان کی تعظیم تک کوئی تعظیم والا نہ گیا

یہ بھی سچ ہے ہم سے عروج سنبھالا نہ گیا

وہ شاہ ہو کے بھی ملتے تھے فقیروں جیسے

حبیب ایسے گویا ہاتھ میں لکیروں جیسے

علم و حکمت میں بھی تھا کوئی نہ ان جیسا

خاک رہتے تھے مگر تھے وہ ہیرو جیسے

چمنءاسلام سے ان کا کبھی نالہ نہ گیا

یہ بھی سچ ہے ہم سے عروج سنبھالا نہ گیا

وہ تھے سچے ہم جھوٹ کا پلندہ ہیں

وہ تو جیتے تھے مگر ہم محظ زندہ ہیں

وہ ناموسءمحمد پہ مر مٹتے تھے

ہم کہتے ہیں فقط بہت شرمندہ ہیں

اصول ان کا کوئی ہم سے کبھی پالا نہ گیا

یہ بھی سچ ہے ہم سے عروج سنبھالا نہ گیا