Usy Kaho Usy Mareez Us Ka Bulaye Aaye By Javad Sattar

اسے کہو اسے مریض اس کا بلائے، آئے

وفا کے بھرم کے لئے کوئی عہد وفا نبھا ئے، آئے

اسے دشوار ہےتو کہو اس کی محبت نہیں مقصود

وہ نفرت ہی کرے چاہے دل کو جلائے، آئے

کس بات سے ہے مجھ سے وہ اس قدر بدگماں

جفا بلا کی کرے کوئی قصور تو بتائے، آئے

مجھ میں سکت نہیں روز بگھتوں نئے مقدمے

کل ملا کے بنے جو بھی سزا سنائے، آئے

میرا ذکر چلے تو سرِ محفل اٹھ جاتا ہے

میں کتنا ہوں برا دنیا کو سمجھائے، آئے

اسے کہو جرم میرے جو ثابت نہیں اب تک

میں سرعام سب مانوں گا سر اٹھائے، آئے

اس کی مرضی ہے وہ جو چاہے کرے حکم جاری

میں کون جو کروں انکار! دربار لگائے، آ ئے

اسے کہو اس جیسا کسی نے کچھ نہ دیکھا مجھ میں

وہ جو خود دیکھتا تھا لوگوں کو بھی دکھائے، آئے

میرے عیب کیوں اس تک ہی محدود رہیں

ان کا چرچا کرے کسی سے کچھ نہ چھپائے، آئے

اسے کہو اپنی وفائیں بچا رکھے کسی کے لئے

مجھے رسوا کرے سر بزم مجھے ٹھکرائے، آئے

اسے کہو اس کی لگائی آگ سے میں بچ نکلا

اور کوئی جتن کرے مزید اسے بھڑکائے، آئے

گر اسے ڈر ہے کہیں میں اسے لا جواب نہ کر دوں

کچھ نہ بولوں گا اسے کہو نہ گھبرائے، آئے

اس سے پہلے کہ ڈوب جائے زندگی کا سورج

وہی مجھے قتل کرے یہ حسرت میری مٹائے، آئے

میں تو روز مرتا ہوں جاں ہے کہ نکلتی ہی نہیں

وہی کوئی دعا کرے یہ جاں بھی نکل پائے، آ ئے

جاں فشانی میں اس کے نام سے جی اٹھتا ہوں

وہ کسی طور میرا خود سے دامن چھڑائے، آئے

گر اس نےجواد' فنا ہونے کا ٹھان ہی لیا

اسے کہو ساتھ مجھے بھی لے جائے، آئے