Aakhri Mulaqat Aur Tum By Nabiha Sibtain

زندگی میں ایک بار

اظہار محبت کرنا ہے

اظہار چاہت کرنا ہے

یک طرفہ محبت ہے میری

یک طرفہ چاہت ہے میری

سن کے تم میرے دل کا حال

میرا مان رکھ لینا

چہرے پر مسکان سجا لینا

دل اپنا وسیع رکھنا

مجھے اقرار تمہارا نا ملے

مجھے ساتھ تمہارا نا ملے

میری کل کہانی سن لینا

میں خوشی سے گھر کو لوٹوں گی

نا روؤں گی نا سسکوں گی

میں تم کو دیکھ تو جاؤں گی

میں تم سے مل تو جاؤں گی

اتنا تو کہہ ہی سکتی ہوں

جب تم ہوتے ہو میرے پاس

ہر طرف سکون سا رہتا ہے

میرے دل کو قرار رہتا ہے

میرا دل خدا سے بار بار

تمہاری خوشی کی دعائیں کرتا ہے

تم آخری بار ملنے ضرور آنا

میری حسرت پوری ہو جائے گی

اتنے سالوں سے جو سوال

میرے ذہن میں الجھے ہوئے ہیں

میں ان کے جواب حاصل کر جاؤں گی

تم ہر سوال کا جواب دے دینا

میرا دل دیوانہ ہو چکا ہے

یہ اس دنیا سے دور جا چکا ہے

پرواہ نہیں نا لگتا ہے ڈر

کہ تم سے دور جانے کے بعد

کیا ہو گی منزل میری

جب خواب سارے ٹوٹیں گے

تو کیا حالت ہو گی میری

تم ساری کہانی سننے کے بعد

جو کہو گے منظور ہو گا

ہمیشہ بات مانی ہے

ہر بات کو حکم سمجھا ہے

لگتا ہے اس طرح گر

حکم نا مانا تو نافرمان ہو جاؤں گی

اس الجھن سے مجھے نجات دو

اس سولی سے رہا کرو

میں انتظار کروں گی

جب تک تم کوئی فیصلہ نہیں کرتے

اس ڈوبتی کشتی کو پار نہیں لگا لیتے

دشوار بہت ہے میرے لئے

تمہیں اپنی زندگی سے نکالنا

ہر عنصر سے جس میں تم ہی بستے ہو

میں بات ادھوری چاہتی نہیں

ادھوری بات میں امید ہے

اگر یہ بھی کہہ دو گے

مجھے اب یاد مت کرنا

میں کوشش ضرور کروں گی

اتنا اعتبار کرنا

اور اتنا جان جانا

میں جب جب بھولنے لگتی ہوں

بارش برس جاتی ہے

پھر آواز تمہاری آتی ہے

پھر یاد تمہاری آتی ہے

میں بے بس سی ہو جاتی ہوں

گم سم سی ہو جاتی ہوں

تمہارا خوب صورت چہرہ

مجھے بے چین کرتا ہے

تمہیں بہانے بہانے سے دیکھنا اچھا لگتا ہے

رات کو سونے سے پہلے کسی فرض کی طرح

تمہاری تصویر کو چھونا اچھا لگتا ہے

تمہاری آواز میرے سارے دکھ دور کرتی ہے

میری ہر پریشانی کہیں بھاگ جاتی ہے

تم بات ساری سمجھ لینا

اور جو فیصلہ کرو گے

مجھے شکایت نہیں ہو گی

کیونکہ

تین حروف سے کبھی کوئی شکایت رہی نہیں

غور کرنا تم کبھی

کس قدر تم خاص ہو

کس قدر تم خاص ہو