Hum Kandhon Pe Shehar Uthaye Phirte Hain By Noor Ush Shaoor

Hum Kandhon Pe Shehar Uthaye Phirte Hain is a famous Urdu Poetry written by a famous poet, Noor Ush Shaoor . You can also read more poetries of Noor Ush Shaoor on this page of UrduPoint.

ہم کاندھوں پہ شہر اٹھائے پھرتے ہیں

نور الشعور

لوگ اپنی آنکھوں میں کیا کیا خواب سجائے پھرتے ہیں

ہم سے پوچھو، ہم کاندھوں پہ شہر اٹھائے پھرتے ہیں

ہم جو مٹی کھود رہے ہیں، ہم جو پتھر ڈھوتے ہیں

ہم معمارِ شیش محل خود کالے فرش پہ سوتے ہیں

ہم جو راشن بیچ رہے ہیں، ہم جو کپڑے کاٹتے ہیں

ہم لوگوں میں رمضانوں کی عید کی خوشیاں بانٹتے ہیں

ہم جو کھیتوں، کھلیانوں میں اپنا خون جلاتے ہیں

اکثر اپنے بچے ہمارے فاقوں سے مر جاتے ہیں

ہم جو سڑکوں گلیوں سے لوگوں کا گند اٹھاتے ہیں

کچرے والے لوگ ہمیں کچرے والا کہہ جاتے ہیں

بڑی گاڑیاں چلتے چلتے نخرے کرنے لگتی ہیں

بڑی گاڑیوں والے اکثر ہم ’’چھوٹوں‘‘ کو ڈھونڈتے ہیں

گلی گلی ہم ہی گرمی میں ٹھنڈی قلفی بیچتے ہیں

ہم بازاروں اور دکانوں میں پھل سبزی بیچتے ہیں

بڑے بڑے خرانٹ جانور ہم سے قابو آتے ہیں

بکرا عید پہ اکثر ہم ہی عید کا چاند ہو جاتے ہیں

چنچی اور بس ٹرک اور رکشہ ہم ہی لوگ چلاتے ہیں

ہم لوگوں کو ان کی منزل ان کے گھر پہنچاتے ہیں

ہم جو دیگ پکاتے ہیں ہم جو تندور چلاتے ہیں

محفل محفل کو ہم ہی چٹخارے دار بناتے ہیں

موٹر رک جاتی ہے یا پھر گھر کا فیوز اڑ جاتا ہے

اکثر تب ایمرجنسی میں ہم کو ڈھونڈا جاتا ہے

ہم نہ ہوں تو گٹر ابل جائے سب گلیوں میں گند رہے

ہم نہ ہوں تو آدھے شہر کے نل کا پانی بند رہے

ہم جو جوتے گانٹھ رہے ہیں، ہم جو کپڑے دھوتے ہیں

ہم میں اکثر لوگ نمازوں اور سجدوں میں روتے ہیں

بڑے بڑے بنگلوں میں ہم جو جھاڑو پوچھا کرتی ہیں

بڑے صاحب کی بوڑھی ماں کی خدمت بھی ہم کرتی ہیں

ہم جو کپڑے سیتی ہیں، گھر پہ بچوں کو پڑھاتی ہیں

ہم جو صاف صفائی کر کے اپنے گھر کو سجاتی ہیں

ہم جو روز محبت سے بچوں کو کلمہ پڑھاتی ہیں

ہم سب سے آخر میں اپنے دسترخوان پہ آتی ہیں

ہم ان پڑھ مائیں جو تازی تازی روٹی پکاتی ہیں

نئی نسل کی بھاری کتابوں کا ہم بوجھ اٹھاتی ہیں

ہم سب نور کے تڑکے اٹھ کے رات کو دیر سے سوتے ہیں

کسے خبر ہے ہم سب شہر میں کتنے ضروری ہوتے ہیں

محنت کر کے کھاتے ہیں ہم اپنا خون جلاتے ہیں

ہر مشکل سے لڑ کے ہم ہی آسانی پھیلاتے ہیں

ہم کو اپنی محنت کی اجرت مشکل سے ملتی ہے

شہر کے شرفا میں ہم کو عزت مشکل سے ملتی ہے

ہم نے جب بھی جو کھایا ہے اپنے حق کا کھایا ہے

کوئی تو سمجھے ہم نے آدھے شہر کا بوجھ اٹھایا ہے

شہر کے لوگ آنکھوں میں کیا کیا خواب سجائے پھرتے ہیں

ہم سے پوچھو، ہم کاندھوں پہ شہر اٹھائے پھرتے ہیں

نور الشعور

Previous Next

نور الشعور

Facebook Twitter Reddit Pinterest Whatsapp

(217) ووٹ وصول ہوئے

Hum Kandhon Pe Shehar Uthaye Phirte Hain by Noor Ush Shaoor - Read Noor Ush Shaoor 's best Shayari Hum Kandhon Pe Shehar Uthaye Phirte Hain at UrduPoint. Here you can read the best poetry Hum Kandhon Pe Shehar Uthaye Phirte Hain of Noor Ush Shaoor . Hum Kandhon Pe Shehar Uthaye Phirte Hain is the most famous poetry by emerging poet, Noor Ush Shaoor . People love to read poetry by Noor Ush Shaoor , and Hum Kandhon Pe Shehar Uthaye Phirte Hain by Noor Ush Shaoor is best among the poetry collection by new poet Noor Ush Shaoor .

At UrduPoint, you can find the complete collection of Urdu Poetry of Noor Ush Shaoor . On this page, you can read Hum Kandhon Pe Shehar Uthaye Phirte Hain by Noor Ush Shaoor . Hum Kandhon Pe Shehar Uthaye Phirte Hain is the best poetry by Noor Ush Shaoor .

Read the Noor Ush Shaoor 's best poetry Hum Kandhon Pe Shehar Uthaye Phirte Hain here at UrduPoint; you will surely like it. Many people, who love the Urdu Shayari of the new poet Noor Ush Shaoor , regard it as the best poetry Hum Kandhon Pe Shehar Uthaye Phirte Hain of Noor Ush Shaoor .

We recommend you read the most famous poetry, Hum Kandhon Pe Shehar Uthaye Phirte Hain of emerging poet Noor Ush Shaoor , here, you will surely love it. Also, don't forget to share it with others.