Tumhain Jane Ki Ijazat Hai, Urdu Nazam By Arshad Malik

تمہیں جانے کی جلدی ہے

.......................................

ہمیں جلدی میں چھوڑے جا رہے ہو

تمہیں جاناں ------اجازت ہے

مگر سوچو

کبھی جب----- ہم نہیں ہوں گے

تو دل کی بے کلی‫‫‫‫‫‫‫---- کس کو بتاؤگے

کہو جیون کے بے آثار ستوں پر

سفر کی گرد جب

ببینائی کا سورج---- بجھا دے گی

تو پھر کس کو پکارو گے

بدن کو چیرتی تنہائی پر پھیلائے

جب ہر ایک سو ہو گی

تو اس لمحے

فراز و فیض----- کی غزلوں پہ کس سے---- گفتگو ہو گی

کسے جگجیت کے ----سسکی بھرے گیتوں میں---- ڈھونڈو گے

کسے پروین کے خوشبو میں ڈوبے شعر تم----- میسج میں بھیجو گے

کسے گلزار کی اُلجھی ہوئی----- نظمیں سناﺅ گے

کہو پھر-------- شب گئے

منٹو کے---------- افسانوں پہ ------کس سے گفتگو ہو گی

مجھے تنہائی کے صحرا میں---------- تنہا چھوڑ کر

آخر تمہیں بھی------ خوشبوﺅں کے دیس جانا ہے

جہاں خوابوں کے جگنو------ کتنی صدیوں سے

تمہارے -------منتظر ہیں

تمہیں کس منہ سے ہم روکیں------ مگر جاناں

کبھی جب ہم نہیں ہوں گے

تو اس دنیا کے میلے میں کسے اپنا کہو گے تم

کسے -------ارشد پکارو گے

بیاضِ دل پہ کس کی----- سُرمئی نظمیں اُتارو گے

اُداسی کے ستارے

جب تمہارے چار جانب

جھلملائیں گے

گئے موسم کے باشے یاد کے صحراﺅں میں -----------مٹی اُڑائیں گے

تو اس لمحے

تمہیں-------- ہم یاد آئیں گے

مگر جاناں....!!!

تمہیں جانے کی جلدی ہے