Shaheenoon Ki Si Uraan, Urdu Nazam By Ayesha Irfan Malik

شاہنیوں کی سی اڑان بھریں گے ہم

سارا عالم جان لے گا ہم میں ہے کتنا دم

خوف تھا ہم پہ طاری

اب ہے ہم میں بے خوفی جاری

ظلم و ستم سہتے گئے

درددل خود سے کہتے گئے

اس ہی ظلم و ستم کی داستاں ہم اس دل کو سناتے

جس سے ہم سیسہ پلائی دیوار بن جاتے

ان ستم گروں نے ہم پہ بے پناہ ستم ڈھائے

ہم بھی ستم کی انتہا کو سہہ گئے مگر نہ کبھی گھبرائے

قوت کا خزانہ ہمیں مل گیا

اشکوں کو پی جانے کا بہانہ مل گیا

زمانے نے ہمارا شیرازہ بکھیرا

تھا ہر طرف اندھیرا ہی اندھیرا

اپنے ارادوں سے ہے ہم نے شمع جلائی

اپنی تمام قوت خوشیوں کا آشیانہ بنانے میں لگائی

نہ ہارے ہم نہ ہار مانیں گے

چلتے ہی جائیں گے منزل کو ہم پائیں گے

کھویا ہم نے سب کچھ خوف پھر بھی نہیں

اک ضد ہے خود سے جو کبھی ٹوٹی نہیں

جو کھویا ہم نے وہ پالیں گے

اس جہاں میں اپنا لوہا منوا لیں گے

ٹوٹتے پھر جڑتے رہے اب ٹوٹے بھی تو کیا

منزل ہے اک ہماری اس کی پرواہ کسی کو کیا

ہم نے ہے ٹھائی ، کبھی ہار نہیں مانی

منزل نہیں ہماری بیگانی

اس منزل کو پانے کی آرزو میں تھک کہ رک گئے قدم

مگر ایسی تھی لگن کہ رک نہیں پائے قدم

منزل کو ہم نے پا لیا

فتح کو اپنا مقدر بنا لیا