Kon Sa Tair Gum Gashta Usay Yaad Aaya, Urdu Ghazal By DAGH DEHLVI
Kon Sa Tair Gum Gashta Usay Yaad Aaya is a famous Urdu Ghazal written by a famous poet, DAGH DEHLVI. Kon Sa Tair Gum Gashta Usay Yaad Aaya comes under the Sad category of Urdu Ghazal. You can read Kon Sa Tair Gum Gashta Usay Yaad Aaya on this page of UrduPoint.
کون سا طائر گم گشتہ اسے یاد آیا
داغؔ دہلوی
کون سا طائر گم گشتہ اسے یاد آیا
دیکھتا بھالتا ہر شاخ کو صیاد آیا
میرے قابو میں نہ پہروں دل ناشاد آیا
وہ مرا بھولنے والا جو مجھے یاد آیا
کوئی بھولا ہوا انداز ستم یاد آیا
کہ تبسم تجھے ظالم دم بیداد آیا
لائے ہیں لوگ جنازے کی طرح محشر میں
کس مصیبت سے ترا کشتۂ بیداد آیا
جذب وحشت ترے قربان ترا کیا کہنا
کھنچ کے رگ رگ میں مرے نشتر فصاد آیا
اس کے جلوے کو غرض کون و مکاں سے کیا تھا
داد لینے کے لیے حسن خداداد آیا
بستیوں سے یہی آواز چلی آتی ہے
جو کیا تو نے وہ آگے ترے فرہاد آیا
دل ویراں سے رقیبوں نے مرادیں پائیں
کام کس کس کے مرا خرمن برباد آیا
عشق کے آتے ہی منہ پر مرے پھولی ہے بسنت
ہو گیا زرد یہ شاگرد جب استاد آیا
ہو گیا فرض مجھے شوق کا دفتر لکھنا
جب مرے ہاتھ کوئی خامۂ فولاد آیا
عید ہے قتل مرا اہل تماشا کے لیے
سب گلے ملنے لگے جب کہ وہ جلاد آیا
چین کرتے ہیں وہاں رنج اٹھانے والے
کام عقبیٰ میں ہمارا دل ناشاد آیا
دی شب وصل موذن نے اذاں پچھلی رات
ہائے کم بخت کو کس وقت خدا یاد آیا
میرے نالے نے سنائی ہے کھری کس کس کو
منہ فرشتوں پہ یہ گستاخ یہ آزاد آیا
غم جاوید نے دی مجھ کو مبارک بادی
جب سنا یہ کہ انہیں شیوۂ بیداد آیا
میں تمنائے شہادت کا مزا بھول گیا
آج اس شوق سے ارمان سے جلاد آیا
شادیانہ جو دیا نالہ و شیون نے دیا
جب ملاقات کو ناشاد کی ناشاد آیا
لیجئے سنئے اب افسانۂ فرقت مجھ سے
آپ نے یاد دلایا تو مجھے یاد آیا
آپ کی بزم میں سب کچھ ہے مگر داغؔ نہیں
ہم کو وہ خانہ خراب آج بہت یاد آیا
داغؔ دہلوی
© UrduPoint.com
All Rights Reserved
(1881) ووٹ وصول ہوئے
Related DAGH DEHLVI Poetry
More DAGH DEHLVI Poetry
ملاتے ہو اسی کو خاک میں جو دل سے ملتا ہے
DAGH DEHLVI - داغؔ دہلوی
Milatay Ho Isi Ko Khaak Mein Jo Dil Se Milta Hai
تم آئینہ ہی نہ ہر بار دیکھتے جاؤ
DAGH DEHLVI - داغؔ دہلوی
Tum Aaina Hi Nah Har Baar Dekhte Jao
غم سے کہیں نجات ملے چین پائیں ہم
DAGH DEHLVI - داغؔ دہلوی
Gham Se Kahin Nijaat Miley Chain Payen Hum
پھر شب غم نے مجھے شکل دکھائی کیونکر
DAGH DEHLVI - داغؔ دہلوی
Phir Shab Gham Ne Mujhe Shakal Dikhayi Kionkar
دل مبتلائے لذت آزار ہی رہا
DAGH DEHLVI - داغؔ دہلوی
Dil Mbtlaye Lazzat Azaar Hi Raha
دل ناکام کے ہیں کام خراب
DAGH DEHLVI - داغؔ دہلوی
Dil Nakaam Ke Hain Kaam Kharab
سب لوگ جدھر وہ ہیں ادھر دیکھ رہے ہیں
DAGH DEHLVI - داغؔ دہلوی
Sab Log Jidhar Woh Hain Idhar Dekh Rahay Hain
نہ جانا کہ دنیا سے جاتا ہے کوئی
DAGH DEHLVI - داغؔ دہلوی
Nah Jana Ke Duniya Se Jata Hai Koi
You can read Kon Sa Tair Gum Gashta Usay Yaad Aaya written by DAGH DEHLVI at UrduPoint. Kon Sa Tair Gum Gashta Usay Yaad Aaya is one of the masterpieces written by DAGH DEHLVI. You can also find the complete poetry collection of DAGH DEHLVI by clicking on the button 'Read Complete Poetry Collection of DAGH DEHLVI' above.
Kon Sa Tair Gum Gashta Usay Yaad Aaya is a widely read Urdu Ghazal. If you like Kon Sa Tair Gum Gashta Usay Yaad Aaya, you will also like to read other famous Urdu Ghazal.
You can also read Sad Poetry, If you want to read more poems. We hope you will like the vast collection of poetry at UrduPoint; remember to share it with others.