Hai Aks Aaina Dil Mein Kisi Balqis Sani Ka

ہے عکس آئینہ دل میں کسی بلقیس ثانی کا

ہے عکس آئینہ دل میں کسی بلقیس ثانی کا

تصور ہے مرا استاد بہزاد اور مانی کا

غنیمت سمجھو یہ مل بیٹھنا یاران جانی کا

بھروسا کیا ہے دنیا میں دو روزہ زندگانی کا

نزاکت ہو گئی ضرب المثل ان کی زمانے میں

بھلا ہو یا الوہی اس ہماری سخت جانی کا

ہے عکس اس چشم پر نم میں کسی آبی دوپٹے کا

بنایا ہے مکاں ہم نے عجب پانی میں پانی کا

غضب کا کاٹ کر کرتی ہیں ادائیں اس پری وش کی

ابھاروں پر ہے جوبن اور عالم ہے جوانی کا

امنگوں کی کسک بے چین کرتی ہے انہیں لیکن

نزاکت روک دیتی ہے ارادہ نوجوانی کا

شب فرقت جو ٹھنڈے ٹھنڈے ہو جائے وصال اپنا

گماں ہو موت پر اپنی حیات جاودانی کا

یہ دل کیوں بجھ گیا سوز فراق شعلہ رویاں میں

تماشا ہے کیا ہے آگ نے یاں کام پانی کا

خیال اک چشم میگوں کا سدا مسرور رکھتا ہے

یہاں کیا کام ہے ساقی شراب ارغوانی کا

یہی ہیں دیکھ لو وہ شاعر معجز بیاں کیفیؔ

زمانے میں ہے چرچا آج جن کی خوش بیانی کا

دتاتریہ کیفی

© UrduPoint.com

All Rights Reserved

(354) ووٹ وصول ہوئے

Your Thoughts and Comments

Urdu Nazam Poetry of Dattatriya Kaifi, Hai Aks Aaina Dil Mein Kisi Balqis Sani Ka in Urdu. This famous Urdu Shayari is a Ghazal, and the type of this Nazam is Social Urdu Poetry. Also there are 60 Urdu poetry collection of the poet published on the site. The average rating for this Urdu Shayari by our users is 4.6 out of 5 stars. Read the Social poetry online by the poet. You can also read Best Urdu Nazam and Top Urdu Ghazal of Dattatriya Kaifi.