Ai Fairy-tail, Urdu Nazam By Hassan Akbar Kamal

Ai Fairy-tail is a famous Urdu Nazam written by a famous poet, Hassan Akbar Kamal. Ai Fairy-tail comes under the Love, Sad category of Urdu Nazam. You can read Ai Fairy-tail on this page of UrduPoint.

Urdu Poem English Poem

اے فیری ٹیل

حسن اکبر کمال

کبھی بچپن میں جو پڑھتے تھے پریوں کی کہانی میں

پری کوئی طلسماتی اثر سے

نیم شب سارے کھلونوں کو

بدل دیتی تھی جیتی جاگتی مخلوق میں

اب یوں ہوا

ایسے ہی نادیدہ اثر نے

ایک گھر میں

کچھ کھلونوں کو عطا کی زندگی

اور لمحہ بھر میں ان کو ہنسنے بولنے

اور صبح کی پہلی کرن تک

زندہ رہنے پر کیا قادر

انہی میں ایک تھا ایسا کھلونا

جو کھلونوں سے بھرے کمرے میں تنہا تھا

اسے بچے کبھی آغوش میں لیتے

کبھی ٹھوکر لگاتے تھے

اسے صوفے کے پیچھے پھینکتے اور بھول جاتے تھے

یہ ان کا کھیل تھا اور اس کی قسمت

آج وہ مظلوم بھی پل بھر میں زندہ ہو گیا تھا

وہ کھلونا

اب کوئی درد آشنا بے لوث ساتھی چاہتا تھا

اس نے اپنے پاس ہی رکھی ہوئی

گڑیا کی جانب

دوستی کا ہاتھ پھیلایا

مگر گڑیا لرز کر ہٹ گئی پیچھے

کہ جیسے کوئی دست طفل ناداں

اس کی جانب بڑھ رہا ہو

جو اسے ایذا بھی دے گا

اور شاید توڑ بھی دے گا

اسے بے مہر بچوں سے

جو دکھ ملتے رہے تھے

ان کی تلخی نے

اسے اچھے برے کے فرق سے

اور سچے جذبوں کی پذیرائی سے بیگانہ کیا تھا

وہ شاید رشتۂ احساس کی اس مہرباں تاثیر سے نا آشنا بھی تھی

جو آنکھوں میں چمک اور زندگی میں رنگ بھرتی ہے

شکستہ دل کھلونا ہاتھ واپس کھینچ کر

اب صبح کی پہلی کرن کا منتظر ہے

جب فسوں ٹوٹے اور اس سے زندگی چھن جائے

وہ پھر ایک بے احساس اور بے جان شے بن جائے

حسن اکبر کمال

Previous More Love Poetry Next

Hassan Akbar Kamal

Ai Fairy-tail

Hassan Akbar Kamal

kabhi bachpan mein jo paDhte the pariyon ki kahani mein
pari koi tilsmati asar se
nim-shab sare khilaunon ko
badal deti thi jiti-jagti maKHluq mein
ab yun hua
aise hi nadida asar ne
ek ghar mein
kuchh khilaunon ko ata ki zindagi
aur lamha bhar mein in ko hansne bolne
aur subh ki pahli kiran tak
zinda rahne par kya qadir
unhi mein ek tha aisa khilauna
jo khilaunon se bhare kamre mein tanha tha
use bachche kabhi aaghosh mein lete
kabhi Thokar lagate the
use sofe ke pichhe phenkte aur bhul jate the
ye un ka khel tha aur us ki qismat
aaj wo mazlum bhi pal-bhar mein zinda ho gaya tha
wo khilauna
ab koi dard-ashna be-laus sathi chahta tha
us ne apne pas hi rakhi hui
guDiya ki jaanib
dosti ka hath phailaya
magar guDiya laraz kar haT gai pichhe
ki jaise koi dast-e-tifl-e-nadan
is ki jaanib baDh raha ho
jo use iza bhi dega
aur shayad toD bhi dega
use be-mehr bachchon se
jo dukh milte rahe the
un ki talKHi ne
use achchhe bure ke farq se
aur sachche jazbon ki pazirai se begana kiya tha
wo shayad rishta-e-ehsas ki us mehrban tasir se na-ashna bhi thi
jo aankhon mein chamak aur zindagi mein rang bharti hai
shikasta-dil khilauna hath wapas khinch kar
ab subh ki pahli kiran ka muntazir hai
jab fusun TuTe aur is se zindagi chhin jae
wo phir ek be-ehsas aur be-jaan shai ban jae

Facebook Twitter Reddit Pinterest Whatsapp

(766) ووٹ وصول ہوئے

You can read Ai Fairy-tail written by Hassan Akbar Kamal at UrduPoint. Ai Fairy-tail is one of the masterpieces written by Hassan Akbar Kamal. You can also find the complete poetry collection of Hassan Akbar Kamal by clicking on the button 'Read Complete Poetry Collection of Hassan Akbar Kamal' above.

Ai Fairy-tail is a widely read Urdu Nazam. If you like Ai Fairy-tail, you will also like to read other famous Urdu Nazam.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.