Aaine Sach Nahi Bolte, Urdu Nazam By Jameel Ur Rahman
Aaine Sach Nahi Bolte is a famous Urdu Nazam written by a famous poet, Jameel Ur Rahman. Aaine Sach Nahi Bolte comes under the Love, Sad, Friendship, Bewafa, Heart Broken, Hope category of Urdu Nazam. You can read Aaine Sach Nahi Bolte on this page of UrduPoint.
آئینے سچ نہیں بولتے
جمیل الرحمان
تب
اُس نے آئینہ دیکھا
تو
بالوں پر جمی برف کو
چاندی نہ کہہ سکا!
،،میرے بالوں میں جمی برف
چاندی نہیں ہو سکتی
چاندی تو دنیا کے ہر بازار کو
لہو کی طرح رواں رکھتی ہے!
میں بازار نہیں
کسی غریب گلی کا وہ موڑ ہوں
جہاں کوئی نہیں رکتا
جس موڑ پر ثبت ہونے والے نقوش پا کی تاک میں
ہوائیں رہتی ہیں
اور سنار بازار سے سونے کے ریزے سمیٹ کر
اونچی حویلیوں کے آنگنوں کو
سٹاک ایکسچینج کی عمارتوں میں بدل دیتی ہیں،،!
میں خوابوں کے راستے پر بھٹکتا
جس شہر ِ بیمار میں داخل ہوا
اُس کے آئینے کائی زدہ تھے
وہ دشت ِ عذاب کے حصار میں تھا
اور
اُس کےسُکھوں کی کلیدکی چاندی
اُن شہریاروں کے قبضے میں تھی
منڈیاں جن کی ملکیت
اور نرخ
جن کی جنبش ابرو کے منتظر تھے!
میرے پاس عمر کی نقدی تھی
اور
مجھے کسی کے لئے
چاندی کی ضرورت تھی
مگر میرے بالوں میں
صحرا کی ریت اور برف بھر دی گئی
مجھے دشت ِ عذاب کا حصار توڑنے والے
سبھی اسم بھلا دیئے گئے!
میں نے دیکھا
کہ جو لوگ
جھلستی ہوئی دھوپ کو
سورج کا پگھلا ہوا سونا کہتے ہیں
اُن کے میزان کے پلڑے کبھی مساوی نہیں ہوتے
(لیکن اُنہیں پلڑے برابر دکھانے کا ہنر آتا ہے)!
دیکھو
میرے سیاہ سر سے جھانکتے سفید بال
کسی ترازو کی ڈنڈی نہیں بن سکتے
نہ کوئی کہانی بُن سکتے ہیں
جھلستی ہوئی دھوپ کے ہاتھوں
جس تماشے کی مسافت میں
سیاہ و سپید کا یہ کھیل کھیلا گیا
اُس میں یقین و گماں نے صرف
خوف کے بیج اور انہونیوں کے عذاب بوئے تھے،،!
لیکن
وہ
جو سچ اور محبت کی تلاش میں نکلا تھا
یہ کیوں نہیں سمجھتا
کہ سچ اور محبت کی راہ میں
آئینہ دیکھنے کی ضرورت ہی کیا ہے؟؟؟؟!!!!!
جمیل الرحمان
© UrduPoint.com
All Rights Reserved
(1905) ووٹ وصول ہوئے
Related Jameel Ur Rahman Poetry
Related Poetry
More Jameel Ur Rahman Poetry
زندہ رکھتے ہیں اب تو اندازے
Jameel Ur Rahman - جمیل الرحمان
Zinda Rakhte Hain Ab Tu Andaze
کب سے ہوا ہے خاک وہ بازار آئنہ
Jameel Ur Rahman - جمیل الرحمان
Kab Se Hova Hai Khak Wo Bazar E Aaina
سمندر ہو کسی بھی ابتلا کا
Jameel Ur Rahman - جمیل الرحمان
Samandar Ho Kisi Bhi Ibtala Ka
گیت
Jameel Ur Rahman - جمیل الرحمان
Geet
چوری
Jameel Ur Rahman - جمیل الرحمان
Chori
سراپا آگ ہے اور اہتمام وصل کرتی ہے
Jameel Ur Rahman - جمیل الرحمان
Sarapa Aag Hai Ehtemam Wasal Karti Hai
اب یہ عالم ہے کہ گلشن میں جہاں رہتے ہیں
Jameel Ur Rahman - جمیل الرحمان
Ab Yeh Alaam Hai K Gulshaan Main Jahan Rehte Hain
مرے چاروں طرف ہے اک دھواں کیوں
Jameel Ur Rahman - جمیل الرحمان
Mere Charoon Taraf Hai Aik Dhuwaan Kiyon
You can read Aaine Sach Nahi Bolte written by Jameel Ur Rahman at UrduPoint. Aaine Sach Nahi Bolte is one of the masterpieces written by Jameel Ur Rahman. You can also find the complete poetry collection of Jameel Ur Rahman by clicking on the button 'Read Complete Poetry Collection of Jameel Ur Rahman' above.
Aaine Sach Nahi Bolte is a widely read Urdu Nazam. If you like Aaine Sach Nahi Bolte, you will also like to read other famous Urdu Nazam.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.