Ghas Mein Chhupe Sanp, Urdu Nazam By Mohammad Haneef Rame

Ghas Mein Chhupe Sanp is a famous Urdu Nazam written by a famous poet, Mohammad Haneef Rame. Ghas Mein Chhupe Sanp comes under the Love, Sad category of Urdu Nazam. You can read Ghas Mein Chhupe Sanp on this page of UrduPoint.

Urdu Poem English Poem

گھاس میں چھپے سانپ

محمد حنیف رامے

میں گھاس ہوں

ہری بھری گھاس

پانی ملے تو ہری بھری نہ ملے تو گھاس پھوس

تھوڑی نرگسیت کی اجازت دیجیے

ارے جب اگتی ہوں تو کیا جوبن ہوتا ہے مجھ پر

نئی نئی گھاس پر سورج کی کرنیں پڑتی ہیں تو

اندھوں کی آنکھوں میں بھی طراوت اتر آتی ہے جناب

اور ہائے وہ تازہ تازہ گھاس کی خوشبو

پر افسوس جب دیر تک بارش نہ ہو تو پیلی پڑ جاتی ہوں

مگر دھوپ پہلے مجھے سونا اور پھر کندن بنا دیتی ہے

زمین پر ایستادہ ہزاروں پہاڑیوں پر میرا ہی رنگ چڑھا ہوتا ہے

آنکھ رکھنے والے کہتے ہیں

سبزے سے ڈھکی پہاڑیاں کتنی بھی حسین ہوں

سونے سے ڈھکی پہاڑیوں کی بات ہی الگ ہے

لیکن یہ میں کیا بڑ ہانکنے بیٹھ گئی

آمدن برسر مطلب میں سانپوں کے بارے میں کچھ کہنا چاہتی ہوں

سانپ جو گھاس میں چھپ کردار کرتے ہیں

گھاس سے ڈھکے لان باغ اور پارک

کروڑوں انسانوں کو تسکین دیتے ہیں

بچے گھاس پر بھاگتے دوڑتے اچھلتے کودتے اور لوٹ پوٹ ہوتے ہیں

جوان مجھ پر چلتے ہوئے محبتوں کا اظہار اور اقرار کرتے ہیں

عمر رسیدہ لوگ دور دور تک پھیلے سبزے کو دیکھ کر

دل کی گھٹن اور احساس زیاں بھول جاتے ہیں

میں خوش ہوتی ہوں کہ کسی کے کام آ ہی ہوں

لیکن میری خوشی دکھ اور شرمندگی میں بدل جاتی ہے

جب میرے اندر چھپے ہوئے سانپ انسانوں کو ڈس لیتے ہیں

سوچتی ہوں ان سانپوں کا کیا علاج کروں

سوچتی ہوں ان سانپوں کا کوئی علاج ہے بھی یا نہیں

سوچتی ہوں سانپ مجھی میں تو نہیں چھپے

وہ تو زمین کے کونے کونے میں موجود ہیں

اس کے اندر بھی اس کے باہر بھی

سوچتی ہوں جس تیزی سے سانپوں کی تعداد بڑھ رہی ہے

کل یہ ساری زمین پر نہ چھا جائیں

سوچتی ہوں کوئی سیلاب ہی آ جائے جو انہیں بہا لے جائے

پھر خیال آتا ہے یہ بہہ کر جائیں گے کہاں

آخر ایک نہ ایک دن پانی اترے گا اور یہ دوبارہ خشکی پر چڑھ آئیں گے

اور میرے ہی دامن میں پناہ لے لیں گے

سوچتی ہوں خدا نے مجھے بنایا تھا تو انہیں کیوں بنایا

اور اگر بنایا ہی تھا تو ان کے اندر زہر کیوں بھر دیا

کیوں ہو گئے یہ انسان کے دشمن

مگر سارے سانپ تو زہریلے نہیں ہوتے

اور کیا انسانوں کے اندر بھی زہر نہیں بھرتا جا رہا ہے اب

سوچتی ہوں انسان سانپ سے ڈرتا ہے تو

سانپ بھی انسان سے ڈرتا ہے

انسان نے سانپ میں شیطان کی شکل دیکھی تھی

جس نے اسے جنت سے نکلوا دیا تھا

انسان کے اندر شیطان سے برابر اترنے کی طلب رکھ دی گئی ہے

جہاں کہیں سانپ کو دیکھتا ہے اسے مارنے کی کوشش کرتا ہے

سانپ کو بھی انسان کے اس ازلی و ابدی ارادے کی خبر ہے

اسی لیے تو انسان کی آہٹ یا بو پاتے ہی بھاگ کھڑا ہوتا ہے

خرابی تو میری وجہ سے ہوتی ہے

گھاس میں چھپا سانپ انسان کو دیکھ کر بھاگتا ہے

لیکن انسان اسے دیکھ نہیں پاتا اور نا دانستہ اس کا پاؤں سانپ پر پڑ جاتا ہے

اور سانپ اپنی جان بچانے کے لیے اسے ڈس لیتا ہے

یوں میں ذریعہ بن جاتی ہوں انسان کی موت کا

مجھے اپنا یہ کردار ہرگز پسند نہیں

سوچتی ہوں انسانوں اور سانپوں نے آپس میں لڑنا ہی ہے تو

میری آڑ میں نہ لڑیں

سڑکوں پر لڑیں گھروں کے اندر لڑیں

چٹیل میدانوں میں لڑیں صحراؤں میں لڑیں

پھر خیال آتا ہے ان جگہوں پر تو پہلے ہی گھمسان کی لڑائی ہو رہی ہے

انسان انسان سے لڑ رہا ہے

اور اس نے طرح طرح کے

مہلک کیمیائی جوہری اور نفسیاتی ہتھیار ایجاد کر لیے ہیں

ایک دوسرے کو دکھ دینے اور مارنے کے لیے

سوچتی ہوں کہیں انسانوں نے مرنے کا شوق تو نہیں پال لیا

اور اگر انہوں نے مرنے ہی کی ٹھان لی ہے

تو میں کس چکر میں ان کا غم کھا رہی ہوں

مجھے یہی فکر ہے نا کہ زندگی اربوں سال کے سفر میں انسان تک پہنچی ہے

اور اب اگر انسانوں کے ہاتھوں انسان تباہ ہو گئے

اور ساتھ ہی زمین برباد ہو گئی تو میں بھی ماری جاؤں گی

زندگی ہی رخصت ہو جائے گی زمین سے

پھر خیال آتا ہے میں تو زندگی کی بہت ابتدائی صورت ہوں

اگر زندگی کا سفر کھوٹا ہو جانے کی اس قدر فکر لاحق ہے مجھے

تو انسان جو زندگی کا افضل ترین نمونہ ہیں

وہ اجتماعی خودکشی کے راستے پر کیوں چل نکلے ہیں

سانپوں سے دشمنی نباہتے نباہتے خود سانپ کیوں بن گئے ہیں

خوبصورت اور بے ضرر سانپ نہیں

زہریلے اور مہلک سانپ جو ایک دوسرے کو ڈس رہے ہیں

اور کچھ انسان تو دولت اور طاقت سمیٹ کر اژدہے بن گئے ہیں

افسوس تو یہ ہے کہ مارے زیادہ تر وہ جا رہے ہیں جن کا کوئی قصور نہیں ہوتا

اژدہوں کی لڑائی میں چھوٹے موٹے سانپ

مکھیوں اور چیونٹیوں کی طرح پس کر رہ جاتے ہیں

سوچتی ہوں کسی سیلاب نے زمین کو سانپوں سے پاک بھی کر دیا

تو سانپوں کی طرح پھٹکارتے انسانوں سے کیونکر چھٹکارا ہوگا

اسی لیے سوچ سوچ کر چپ ہو رہتی ہوں

لیکن یہ چپ اندر ہی اندر مجھے کھائے جاتی ہے

دیکھیے میں پیلی پڑتی جا رہی ہوں

ہرے بھرے سبزے سے روکھا سوکھا گھاس پھوس بنتی جا رہی ہوں

اور زمین پر سونا بکھرتا جا رہا ہے

پہاڑیاں سونے سے دمک اٹھی ہیں

مگر انسان ان سے بے نیاز

کاغذی سونے کی تلاش میں

ایک دوسرے کا گلا کاٹتے ہوئے

زمین پر مارے مارے پھر رہے ہیں

کاش انسان کاغذی سونے سے نگاہ اٹھا کر دیکھتے

کہ جس سانپ کو وہ شیطان سمجھ کر مارنے دوڑتے ہیں

وہ تو حرص کی صورت میں اس کے دل میں جا بیٹھا ہے

اور ان کے اپنے ہاتھوں کاغذ کے چند ٹکڑوں کی خاطر

نسل انسانی کو ہلاک کروا رہا ہے

سوچتی ہوں آگ اگلتے سانپوں کی طرح

کسی انسان کی پھنکار نے مجھے چنگاری دکھا دی

تو جنگل کے جنگل جل کر راکھ ہو جائیں گے

انسان کو تو اپنی نوع کی فکر نہیں

وہ زمین پر آباد زندگی کی دوسری صورتوں کی کیا پروا کرے گا

کاش اسے فرصت ہوتی دیکھنے کی

کہ جس گھاس پھوس کو وہ بے دھیانی میں جلا ڈالتا ہے

وہ زمین کا لباس ہے

اس زمین کا جس نے اسے پالا تھا

جو ساری زندگی کی طرح اس کی بھی ماں ہے

اور گھاس پھوس کو جلا کر وہ اپنی ماں کو بے ستر کر رہا ہے

لیکن میں یہ کیا پکھان لے بیٹھی ہوں

میں تو اپنا تعارف کرا رہی تھی

اور اپنے اندر چھپے سانپوں کی بات کر رہی تھی

اور چل پڑی سانپوں سے انسان کی طرف

انسانوں کی طرف جو سانپوں کی طرف چل رہے ہیں

ویسے سانپ بھی اپنے بچے کھا جاتا ہے

اور اب انسان بھی اپنے بچے کھا رہا ہے

اور میں وہی گھاس

محو یاس اداس

محمد حنیف رامے

Previous More Love Poetry Next

Mohammad Haneef Rame

Ghas Mein Chhupe Sanp

Mohammad Haneef Rame

main ghas hun
hari-bhari ghas
pani mile to hari-bhari na mile to ghas-phus
thoDi nargisiyat ki ijazat dijiye
are jab ugti hun to kya joban hota hai mujh par
nai nai ghas par suraj ki kirnen paDti hain to
andhon ki aankhon mein bhi tarawat utar aati hai janab
aur hae wo taza taza ghas ki KHushbu
par afsos jab der tak barish na ho to pili paD jati hun
magar dhup pahle mujhe sona aur phir kundan bana deti hai
zamin par istada hazaron pahaDiyon par mera hi rang chaDha hota hai
aankh rakhne wale kahte hain
sabze se Dhaki pahaDiyan kitni bhi hasin hon
sone se Dhaki pahaDiyon ki baat hi alag hai
lekin ye main kya baD hankne baiTh gai
aamdan barsar-e-matlab main sanpon ke bare mein kuchh kahna chahti hun
sanp jo ghas mein chhup kirdar karte hain
ghas se Dhake lawn bagh aur park
karoDon insanon ko taskin dete hain
bachche ghas par bhagte dauDte uchhalte kudte aur loT-poT hote hain
jawan mujh par chalte hue mohabbaton ka izhaar aur iqrar karte hain
umr-rasida log dur dur tak phaile sabze ko dekh kar
dil ki ghuTan aur ehsas-e-ziyan bhul jate hain
main KHush hoti hun ki kisi ke kaam aa hi hun
lekin meri KHushi dukh aur sharmindagi mein badal jati hai
jab mere andar chhupe hue sanp insanon ko Das lete hain
sochti hun in sanpon ka kya ilaj karun
sochti hun in sanpon ka koi ilaj hai bhi ya nahin
sochti hun sanp mujhi mein to nahin chhupe
wo to zamin ke kone kone mein maujud hain
us ke andar bhi us ke bahar bhi
sochti hun jis tezi se sanpon ki tadad baDh rahi hai
kal ye sari zamin par na chha jaen
sochti hun koi sailab hi aa jae jo unhen baha le jae
phir KHayal aata hai ye bah kar jaenge kahan
aaKHir ek na ek din pani utrega aur ye dobara KHushki par chaDh aaenge
aur mere hi daman mein panah le lenge
sochti hun KHuda ne mujhe banaya tha to unhen kyun banaya
aur agar banaya hi tha to un ke andar zahar kyun bhar diya
kyun ho gae ye insan ke dushman
magar sare sanp to zahrile nahin hote
aur kya insanon ke andar bhi zahr nahin bharta ja raha hai ab
sochti hun insan sanp se Darta hai to
sanp bhi insan se Darta hai
insan ne sanp mein shaitan ki shakl dekhi thi
jis ne use jannat se nikalwa diya tha
insan ke andar shaitan se barabar utarne ki talab rakh di gai hai
jahan kahin sanp ko dekhta hai use marne ki koshish karta hai
sanp ko bhi insan ke us azli-o-abdi irade ki KHabar hai
isi liye to insan ki aahaT ya bu pate hi bhag khaDa hota hai
KHarabi to meri wajh se hoti hai
ghas mein chhupa sanp insan ko dekh kar bhagta hai
lekin insan use dekh nahin pata aur na-danista us ka panw sanp par paD jata hai
aur sanp apni jaan bachane ke liye use Das leta hai
yun main zariya ban jati hun insan ki maut ka
mujhe apna ye kirdar hargiz pasand nahin
sochti hun insanon aur sanpon ne aapas mein laDna hi hai to
meri aaD mein na laDen
saDkon par laDen gharon ke andar laDen
chaTyal maidanon mein laDen sahraon mein laDen
phir KHayal aata hai in jaghon par to pahle hi ghamsan ki laDai ho rahi hai
insan insan se laD raha hai
aur us ne tarah tarah ke
mohlik kimiyai jauhari aur nafsiyati hathiyar ijad kar liye hain
ek dusre ko dukh dene aur marne ke liye

sochti hun kahin insanon ne marne ka shauq to nahin pal liya
aur agar unhon ne marne hi ki Than li hai
to main kis chakkar mein un ka gham kha rahi hun
mujhe yahi fikr hai na ki zindagi arbon sal ke safar mein insan tak pahunchi hai
aur ab agar insanon ke hathon insan tabah ho gae
aur sath hi zamin barbaad ho gai to mein bhi mari jaungi
zindagi hi ruKHsat ho jaegi zamin se
phir KHayal aata hai main to zindagi ki bahut ibtidai surat hun
agar zindagi ka safar khoTa ho jaane ki is qadar fikr lahiq hai mujhe
to insan jo zindagi ka afzal-tarin namuna hain
wo ijtimai KHud-kushi ke raste par kyun chal nikle hain
sanpon se dushmani nibahte nibahte KHud sanp kyun ban gae hain
KHub-surat aur be-zarar sanp nahin
zahrile aur mohlik sanp jo ek dusre ko Das rahe hain
aur kuchh insan to daulat aur taqat sameT kar azhdahe ban gae hain
afsos to ye hai ki mare ziyaada-tar wo ja rahe hain jin ka koi qusur nahin hota
azdahon ki laDai mein chhoTe-moTe sanp
makkhiyon aur chiyunTiyon ki tarah pis kar rah jate hain

sochti hun kisi sailab ne zamin ko sanpon se pak bhi kar diya
to sanpon ki tarah phaTkarte insanon se kyunkar chhuTkara hoga
isi liye soch soch kar chup ho rahti hun
lekin ye chup andar hi andar mujhe khae jati hai
dekhiye mein pili paDti ja rahi hun
hare-bhare sabze se rukha-sukha ghas-phus banti ja rahi hun
aur zamin par sona bikharta ja raha hai
pahaDiyan sone se damak uThi hain
magar insan un se be-niyaz
kaghzi sone ki talash mein
ek dusre ka gala kaTte hue
zamin par mare mare phir rahe hain
kash insan kaghzi sone se nigah uTha kar dekhte
ki jis sanp ko wo shaitan samajh kar marne dauDte hain
wo to hirs ki surat mein us ke dil mein ja baiTha hai
aur un ke apne hathon kaghaz ke chand TukDon ki KHatir
nasl-e-insani ko halak karwa raha hai

sochti hun aag ugalte sanpon ki tarah
kisi insan ki phunkar ne mujhe chingari dikha di
to jangal ke jangal jal kar rakh ho jaenge
insan ko to apni nau ki fikr nahin
wo zamin par aabaad zindagi ki dusri suraton ki kya parwa karega
kash use fursat hoti dekhne ki
ki jis ghas-phus ko wo be-dhyani mein jila Dalta hai
wo zamin ka libas hai
is zamin ka jis ne use pala tha
jo sari zindagi ki tarah us ki bhi man hai
aur ghas-phus ko jala kar wo apni man ko be-satr kar raha hai

lekin main ye kya pakhan le baiThi hun
main to apna taaruf kara rahi thi
aur apne andar chhupe sanpon ki baat kar rahi thi
aur chal paDi sanpon se insan ki taraf
insanon ki taraf jo sanpon ki taraf chal rahe hain
waise sanp bhi apne bachche kha jata hai
aur ab insan bhi apne bachche kha raha hai
aur main wahi ghas
mahw-e-yas udas

Facebook Twitter Reddit Pinterest Whatsapp

(646) ووٹ وصول ہوئے

You can read Ghas Mein Chhupe Sanp written by Mohammad Haneef Rame at UrduPoint. Ghas Mein Chhupe Sanp is one of the masterpieces written by Mohammad Haneef Rame. You can also find the complete poetry collection of Mohammad Haneef Rame by clicking on the button 'Read Complete Poetry Collection of Mohammad Haneef Rame' above.

Ghas Mein Chhupe Sanp is a widely read Urdu Nazam. If you like Ghas Mein Chhupe Sanp, you will also like to read other famous Urdu Nazam.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.