Fizaain Sog Mein Hain, Urdu Nazam By Nusrat Zehra

فضا میں کیسا دکھ رچا ہوا ہے۔۔۔۔

کہ ناگہاں تو جیسے۔۔۔۔

بس اب چند ثانیے کی بات ہے۔۔۔۔

عجیب سی اداسیاں۔۔۔۔

کہ جیسے رونے کو۔۔۔۔

کوئی بہانہ چاہتی ہیں۔۔۔۔

کوئی کونج دور کر لا رہی ہے۔۔۔۔

کوئی پرند دکھ کی ان گنت۔۔۔۔

صداؤں میں گھٹ کے سانس لے رہا ہے۔۔۔۔

کوئی مسافر اپنی آخری اڑانوں کو لئے۔۔۔۔

ہمیں میں ہے مگر وہ ماوراء ہے ہم سے۔۔۔۔

فضا میں ایسا دکھ کبھی نہیں رچا!

کبھی اداسیوں سے دم نہیں گھٹا۔۔۔۔

کبھی بھی لفظ کم نہیں پڑے۔۔۔۔

فضا میں ایسی دھند ہے۔۔۔۔

کہ دور تک دکھائی نہیں دیا ہے کچھ۔۔۔۔

کہ جیسے کوئی اپنی نیند لے چکا۔۔۔۔

اور اب تو جیسے جاگنا نصیب بن چکا۔۔۔۔

فضا میں بال کھولے جیسے رو رہا ہو کوئی نیم جاں۔۔۔۔

اداسیوں کی سسکیاں۔۔۔۔

کہ جیسے مر گیا کوئی، فضا کے آنسو ہیں رواں۔۔۔۔