Eden Garden, Urdu Nazam By Owais Ahmad Dauran

Eden Garden is a famous Urdu Nazam written by a famous poet, Owais Ahmad Dauran. Eden Garden comes under the Love, Social category of Urdu Nazam. You can read Eden Garden on this page of UrduPoint.

Urdu Poem English Poem

ایڈن گارڈن

اویس احمد دوراں

یہ ایڈن گارڈن ہمدم نگاہ و دل کی جنت ہے

یہاں حوا کی رنگیں بیٹیاں ہر شام آتی ہیں

جواں مردوں کو اپنی جاذبیت سے لبھاتی ہیں

دلوں کو شرمگیں نظروں سے پیہم گدگداتی ہیں

سہاگن ہے تو اس کی مانگ میں جھومر چمکتا ہے

کنواری ہے تو اس کے جسم سے خوشبو نکلتی ہے

گلابی مدھ بھری آنکھوں سے اک مستی ابلتی ہے

وہ مستی جو دلوں کے ساغر رنگیں میں ڈھلتی ہے

کہیں جوڑے میں کوئی پھول گوندھے کوئی لٹ کھولے

فضائے ساحل ہگلی میں رنگ و نور بھرتی ہے

بھرے مجمع میں اپنے حسن کا اعلان کرتی ہے

تماشہ دیکھنے والوں کی روحوں میں اترتی ہے

سنہری بالیاں شوخی سے رخساروں کو تکتی ہیں

کھنکتی چوڑیاں گیتوں کی میٹھی دھن سناتی ہیں

جبیں پر ننھی ننھی کہکشائیں جگمگاتی ہیں

حنائی انگلیاں لہرا کے ساجن کو بلاتی ہیں

یہ بنگالی حسیناؤں کی جلوہ گاہ ہے ہمدم

یہاں پیر و جواں آ کر متاع دل لٹاتے ہیں

جنوں انگیز لے میں نرم و شیریں گیت گاتے ہیں

نگاہوں میں نگاہیں ڈالتے ہیں مسکراتے ہیں

ٹھہر اے جذبۂ بے تاب اسی رنگین دنیا میں

لبوں کی سرخ مے سے دل کے خالی جام کو بھر لیں

شمیم زلف سے بے ربط سانسیں عنبریں کر لیں

جوانی کے بہار آگیں گلستاں میں قدم دھر لیں

اویس احمد دوراں

Previous More Love Poetry Next

Owais Ahmad Dauran

Eden Garden

Owais Ahmad Dauran

ye eden garden hamdam nigah-o-dil ki jannat hai
yahan hawwa ki rangin beTiyan har sham aati hain
jawan mardon ko apni jazbiyyat se lubhati hain
dilon ko sharmgin nazron se paiham gudgudati hain

suhagan hai to us ki mang mein jhumar chamakta hai
kunwari hai to us ke jism se KHushbu nikalti hai
gulabi madh-bhari aankhon se ek masti ubalti hai
wo masti jo dilon ke saghar-e-rangin mein Dhalti hai

kahin joDe mein koi phul gundhe koi laT khole
faza-e-sahil-e-hugli mein rang-o-nur bharti hai
bhare majmea mein apne husn ka elan karti hai
tamasha dekhne walon ki ruhon mein utarti hai

sunahri baaliyan shoKHi se ruKHsaron ko takti hain
khanakti chuDiyan giton ki miThi dhun sunati hain
jabin par nannhi nannhi kahkashaen jagmagati hain
hinai ungliyan lahra ke sajan ko bulati hain

ye bangali hasinaon ki jalwa-gah hai hamdam
yahan pir-o-jawan aa kar mata-e-dil luTate hain
junun-angez lai mein narm-o-shirin git gate hain
nigahon mein nigahen Dalte hain muskuraate hain

Thahar ai jazba-e-be-tab isi rangin duniya mein
labon ki surKH mai se dil ke KHali jam ko bhar len
shamim-e-zulf se be-rabt sansen ambarin kar len
jawani ke bahaar-agin gulistan mein qadam dhar len

Facebook Twitter Reddit Pinterest Whatsapp

(473) ووٹ وصول ہوئے

You can read Eden Garden written by Owais Ahmad Dauran at UrduPoint. Eden Garden is one of the masterpieces written by Owais Ahmad Dauran. You can also find the complete poetry collection of Owais Ahmad Dauran by clicking on the button 'Read Complete Poetry Collection of Owais Ahmad Dauran' above.

Eden Garden is a widely read Urdu Nazam. If you like Eden Garden, you will also like to read other famous Urdu Nazam.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.