Maloom Hai Janab Ka Matlab Kuch Or Hai

معلُوم ھے جناب کا مطلب کچھ اَور ھے !

معلُوم ھے جناب کا مطلب کچھ اَور ھے !

میری لُغَت میں آب کا مطلب کچھ اَور ھے

تُو نے بہت خراب کیا ھے مُجھے مگر

اس شعر میں خراب کا مطلب کچھ اَور ھے

یہ عارضی طلَب ھے، اِسے عشق مت سمجھ

لمحاتی اضطراب کا مطلب کچھ اَور ھے

تسلیم ھے کہ مَیں نے دیا ھے اُسے گُلاب

لیکن یہاں گُلاب کا مطلب کچھ اَور ھے !

صحرا نے کر تو دی ھے مُجھے گھر کی پیشکش

اس خانماں خراب کا مطلب کچھ اَور ھے

تعبیر زندگی ھی بتائی گئی مُجھے

حالانکہ میرے خواب کا مطلب کچھ اَور ھے

صحرا کے ھاں بھنور کے معانی ھیں مُختلف

دریا کے ھاں سراب کا مطلب کچھ اَور ھے !

فرھنگِ عشق دیکھ کے آیا ھُوں مَیں ابھی

اُس میں گُنہ ثواب کا مطلب کچھ اَور ھے

اس فتنہ گر ھجُوم کو سمجھائیے، جناب !

قوموں میں انقلاب کا مطلب کچھ اَور ھے

سچ ھے کہ ماھتاب سے کرتا ھُوں عشق مَیں

ھاں لفظِ ماھتاب کا مطلب کچھ اَور ھے !

گو وصل کے سوال پہ انکار ھوگیا

خوش ھُوں کہ اس جواب کا مطلب کچھ اَور ھے

ھوتی ھے اَور طرح غریبوں کی چھان بین

شاھوں کے احتساب کا مطلب کچھ اَور ھے

سوھنی کے ساتھ ڈُوب گیا مَیں چناب میں

لیکن یہاں چناب کا مطلب کچھ اَور ھے

ناراض عشق ! حُسن کی مجبوریاں سمجھ

محفل میں اجتناب کا مطلب کچھ اَور ھے

ساقی کی پیشکش نہیں محدُود جام تک

اس دعوتِ شراب کا مطلب کچھ اَور ھے

کچھ اَور ھے کتاب کو کرنا کسی کے نام

کتبے پہ انتساب کا مطلب کچھ اَور ھے

مقصد فقط چُھپانا نہیں خدّوخال کو

فارس میاں ! حجاب کا مطلب کچھ اَور ھے

رحمان فارس

© UrduPoint.com

All Rights Reserved

(567) ووٹ وصول ہوئے

Your Thoughts and Comments

Urdu Nazam Poetry of Rehman Faris, Maloom Hai Janab Ka Matlab Kuch Or Hai in Urdu. This famous Urdu Shayari is a Ghazal, and the type of this Nazam is Love, Sad, Social, Friendship, Bewafa, Heart Broken, Hope Urdu Poetry. Also there are 76 Urdu poetry collection of the poet published on the site. The average rating for this Urdu Shayari by our users is 4.1 out of 5 stars. Read the Love, Sad, Social, Friendship, Bewafa, Heart Broken, Hope poetry online by the poet. You can also read Best Urdu Nazam and Top Urdu Ghazal of Rehman Faris.