Phool Aur Kaante, Urdu Nazam By Syed Ghafir Rizvi Falak Chhaulsi

Phool Aur Kaante is a famous Urdu Nazam written by a famous poet, Syed Ghafir Rizvi Falak Chhaulsi. Phool Aur Kaante comes under the Sad, Social category of Urdu Nazam. You can read Phool Aur Kaante on this page of UrduPoint.

پھول اور کانٹے

سید غافر رضوی فلک چھولسی

حیثیت پھول کی گلشن میں نہیں ہم پہ نہاں

اس کی بغلوں میں مگر خار ہیں تیغِ برّاں

ظاہراََ ہوتا ہے محسوس، ہیں آپس میں رفیق

ان کی قربت سے عیاں ہے کہ ہیں باہم یہ شفیق

قربتِ خار کوئی پوچھے گلوں کے دل سے

زندگی کیسے گزرتی ہے ستم سہہ سہہ کے

کیسے چلتے ہیں دلِ گل پہ تبر خاروں کے

وادیِ گل میں اُگے کیسے شجر خاروں کے

ایک محفل ہے مگر پھول بھی اور کانٹے بھی

ساتھ کرتے ہیں سفر پھول بھی اور کانٹے بھی

آج کل کون سی یہ گندی سیاست ہے عیاں

خار کا تاج پہن کر ہیں گلوں کے خواہاں

جو کہ دنیا کو فقط پھول کی مالا بانٹے

حیف اس کے ہی مقدر میں ملے ہیں کانٹے

سر چڑھے پھول وہی جو کہ چمن سے نکلے

اس کو معراج ملے جو بھی وطن سے نکلے

جس نے راہوں میں پیمبر کی بچھائے کانٹے

اس نے قسمت میں فقط اپنی اُگائے کانٹے

خار جب پیر میں مرسل کے کبھی چبھتے تھے

چشمِ زہرا سے تبھی پھول برس پڑتے تھے

کربلا جنگ نہ تھی خون کے انگاروں کی

جنگ دراصل تھی وہ پھول کی اور خاروں کی

ایک انسان نے اک گل کو چبھویا کانٹا

گل تو مسکایا پہ انسان پہ رویا کانٹا

جب کبھی جنگ کے میداں میں گئے ہیں کانٹے

خوف سے پھول کے دامن میں چھپے ہیں کانٹے

ہم نے کربل میں فقط گل تو بہتّر دیکھے

ان کی ایذا کے لئے خار مکرر دیکھے

گفتگو ایسی کرو پھول دہن سے برسیں

جس کو سننے کے لئے خار بھی بے حد ترسیں

اے فلکؔ! خار کو چُن چُن کے کرو پھول الگ

پھول کے رخ پہ جمی ہو تو کرو دھول الگ

سید غافر رضوی فلک چھولسی

© UrduPoint.com

All Rights Reserved

(526) ووٹ وصول ہوئے

You can read Phool Aur Kaante written by Syed Ghafir Rizvi Falak Chhaulsi at UrduPoint. Phool Aur Kaante is one of the masterpieces written by Syed Ghafir Rizvi Falak Chhaulsi. You can also find the complete poetry collection of Syed Ghafir Rizvi Falak Chhaulsi by clicking on the button 'Read Complete Poetry Collection of Syed Ghafir Rizvi Falak Chhaulsi' above.

Phool Aur Kaante is a widely read Urdu Nazam. If you like Phool Aur Kaante, you will also like to read other famous Urdu Nazam.

You can also read Sad Poetry, If you want to read more poems. We hope you will like the vast collection of poetry at UrduPoint; remember to share it with others.