عام انتخابات میں ملک بھر سے 95 سیاسی جماعتوں نے حصہ لیا ،ْصرف 12 سیاسی جماعتیں قومی اسمبلی میں پہنچ سکیں

جمعہ 3 اگست 2018 20:20

اسلام آباد(اُردو پوائنٹ اخبار آن لائن۔ جمعہ 3 اگست 2018ء)عام انتخابات میں ملک بھر سے 95 سیاسی جماعتوں نے حصہ لیا جس میں سے صرف 12 سیاسی جماعتیں قومی اسمبلی میں پہنچ سکیں۔

(جاری ہے)

میڈیا رپورٹ کے مطابق 2018 کے عام انتخابات میں ملک بھر سے 95 سیاسی جماعتوں نے حصہ لیا جس میں سے صرف 12 سیاسی جماعتیں قومی اسمبلی میں پہنچ سکیں، خیبرپختونخوا میں 5 ،ْ بلوچستان اسمبلی میں 10 سیاسی جماعتیں پہنچ سکی، اسی طرح پنجاب اسمبلی میں 5 ،ْ سندھ اسمبلی میں 6 سیاسی جماعتیں پہنچ سکیں۔

عام انتخابات 2013 میں قومی اسمبلی میں 16 سیاسی جماعتیں پہنچ سکی تھیں۔واضح رہے کہ 25 جولائی کو ملک بھر میں عام انتخابات کا انعقاد ہوا جس کے نتیجے میں پاکستان تحریک انصاف سب سے بڑی سیاسی جماعت کے طور پر سامنے آئی ،ْتحریک انصاف نے قومی اسمبلی کی 116 نشستوں پر کامیابی حاصل کی ،ْ مسلم لیگ (ن) 63 اور پیپلزپارٹی نے 42 نشستوں پر کامیابی حاصل کی۔