Mare Shehr Ke Saray Raste Band Hain Logo

میرے شہر کے سارے رستے بند ہیں لوگو

میرے شہر کے سارے رستے بند ہیں لوگو

میں اس شہر کا نغمہ گر

جو دو اک موسم غربت کے دکھ جھیل کے آیا

تاکہ اپنے گھر کی دیواروں سے

اپنی تھکی ہوئی اور ترسی ہوئی

آنکھیں سہلاؤں

اپنے دروازے کے اترتے روغن کو

اپنے اشکوں سے صیقل کر لوں

اپنے چمن کے جلے ہوئے پودوں

اور گرد آلود درختوں کی

مردہ شاخوں پر بین کروں

ہر مہجور ستون کو اتنا ٹوٹ کے چوموں

میرے لبوں کے خون سے

ان کے نقش و نگار سبھی جی اٹھیں

گلی کے لوگوں کو اتنا دیکھوں

اتنا دیکھوں

میری آنکھیں

برسوں کی ترسی ہوئی آنکھیں

چہروں کے آنگن بن جائیں

پھر میں اپنا ساز اٹھاؤں

آنسوؤں اور مسکانوں سے جھلمل جھلمل

نظمیں غزلیں گیت سناؤں

اپنے پیاروں

درد کے ماروں کا درماں بن جاؤں

لیکن میرے شہر کے سارے رستوں پر

اب باڑ ہے لوہے کے کانٹوں کی

شہ دروازے پر کچھ پہرے دار کھڑے ہیں

جو مجھ سے اور مجھ جیسے دل والوں کی

پہچان سے عاری

میرے ساز سے

سنگینوں سے بات کریں

میں ان سے کہتا ہوں

دیکھو

میں اس شہر کا نغمہ گر ہوں

برسوں بعد کڑی راہوں کی

ساری اذیت جھیل کے اب واپس آیا ہوں

اس مٹی کی خاطر

جس کی خوشبوئیں

دنیا بھر کی دوشیزاؤں کے جسموں کی مہکوں سے

اور سارے جہاں کے

سبھی گلابوں سے

بڑھ کر ہے

مجھ کو شہر میں

میرے شہر میں جانے دو

لیکن تنے ہوئے نیزوں نے

میرے جسم کو یوں برمایا

میرے ساز کو یوں ریزایا

میرا ہمکتا خون اور میرے سسکتے نغمے

شہ دروازے کی دہلیز سے

رستے رستے

شہر کے اندر جا پہنچے ہیں

اور میں اپنے جسم کا ملبہ

ساز کا لاشہ

اپنے شہر کے شہ دروازے

کی دہلیز پہ چھوڑ کے

پھر انجانے شہروں کی شہراہوں پر

مجبور سفر ہوں

جن کو تج کر گھر آیا تھا

جن کو تج کر گھر آیا تھا

احمد فراز

© UrduPoint.com

All Rights Reserved

(13121) ووٹ وصول ہوئے

Your Thoughts and Comments

Mare Shehr Ke Saray Raste Band Hain Logo by Ahmed Faraz - Read Ahmed Faraz's best Shayari Mare Shehr Ke Saray Raste Band Hain Logo at UrduPoint. Here you can read the best poetry Mare Shehr Ke Saray Raste Band Hain Logo of Ahmed Faraz. Mare Shehr Ke Saray Raste Band Hain Logo is the most famous poetry by Ahmed Faraz. People love to read poetry by Ahmed Faraz, and Mare Shehr Ke Saray Raste Band Hain Logo by Ahmed Faraz is best among the whole collection of poetry by Ahmed Faraz.

Ahmed Faraz is the most famous Urdu Poet. Therefore, people love to read Urdu Poetry of Ahmed Faraz. At UrduPoint, you can find the complete collection of Urdu Poetry of Ahmed Faraz. On this page, you can read Mare Shehr Ke Saray Raste Band Hain Logo by Ahmed Faraz. Mare Shehr Ke Saray Raste Band Hain Logo is the best poetry by Ahmed Faraz.

Read the Ahmed Faraz's best poetry Mare Shehr Ke Saray Raste Band Hain Logo here at UrduPoint; you will surely like it. If we make a list of Ahmed Faraz's best Shayari, Mare Shehr Ke Saray Raste Band Hain Logo of Ahmed Faraz will be at the top. Many people, who love the Urdu Shayari of Ahmed Faraz, regard it as the best poetry Mare Shehr Ke Saray Raste Band Hain Logo of Ahmed Faraz.

We recommend you read the most famous poetry, Mare Shehr Ke Saray Raste Band Hain Logo of Ahmed Faraz here, you will surely love it. Also, don't forget to share it with others.