Hum LoTte Hain Wo So Rahe Hain, Urdu Ghazal By Ameer Minai

Hum LoTte Hain Wo So Rahe Hain is a famous Urdu Ghazal written by a famous poet, Ameer Minai. Hum LoTte Hain Wo So Rahe Hain comes under the Love, Sad, Heart Broken category of Urdu Ghazal. You can read Hum LoTte Hain Wo So Rahe Hain on this page of UrduPoint.

Urdu Poem English Poem

ہم لوٹتے ہیں وہ سو رہے ہیں

امیر مینائی

ہم لوٹتے ہیں وہ سو رہے ہیں

کیا ناز و نیاز ہو رہے ہیں

کیا رنگ جہاں میں ہو رہے ہیں

دو ہنستے ہیں چار رو رہے ہیں

دنیا سے الگ جو ہو رہے ہیں

تکیوں میں مزے سے سو رہے ہیں

پہنچی ہے ہماری اب یہ حالت

جو ہنستے تھے وہ بھی رو رہے ہیں

تنہا تہ خاک بھی نہیں ہم

حسرت کے ساتھ سو رہے ہیں

سوتے ہیں لحد میں سونے والے

جو جاگتے ہیں وہ رو رہے ہیں

ارباب کمال چل بسے سب

سو میں کہیں ایک دو رہے ہیں

پلکوں کی جھپک دکھا کے یہ بت

دل میں نشتر چبھو رہے ہیں

مجھ داغ نصیب کی لحد پر

لالے کا وہ بیج بو رہے ہیں

پیری میں بھی ہم ہزار افسوس

بچپن کی نیند سو رہے ہیں

دامن سے ہم اپنے داغ ہستی

آب خنجر سے دو رہے ہیں

میں جاگ رہا ہوں اے شب غم

پر میرے نصیب سو رہے ہیں

روئیں گے ہمیں رلانے والے

ڈوبیں گے وہ جو ڈبو رہے ہیں

اے حشر مدینے میں نہ کر شور

چپ چپ سرکار سو رہے ہیں

آئینے پہ بھی کڑی نگاہیں

کس پر یہ عتاب ہو رہے ہیں

بھاری ہے جو موتیوں کا مالا

آٹھ آٹھ آنسو وہ رو رہے ہیں

دل چھین کے ہو گئے ہیں غافل

فتنے وہ جگا کے سو رہے ہیں

ہے غیر کے گھر جو ان کی دعوت

ہم جان سے ہاتھ دھو رہے ہیں

صد شکر خیال ہے اسی کا

ہم جس سے لپٹ کے سو رہے ہیں

ہو جائیں نہ خشک داغ کے پھول

آنسو ان کو بھگو رہے ہیں

آئے گی نہ پھر کے عمر رفتہ

ہم مفت میں جان کھو رہے ہیں

کیا گریہ بے اثر سے حاصل

اس رونے پہ ہم تو رو رہے ہیں

فریاد کہ ناخداۓ کشتی

کشتی کو مری ڈبو رہے ہیں

کیوں کرتے ہیں غم گسار تکلیف

آنسو مرے منہ کو دھو رہے ہیں

محفل برخاست ہے پتنگے

رخصت شمعوں سے ہو رہے ہیں

ہے کوچ کا وقت آسماں پر

تارے کہیں نام کو رہے ہیں

ان کی بھی نمود ہے کوئی دم

وہ بھی نہ رہیں گے جو رہے ہیں

دنیا کا یہ رنگ اور ہم کو

کچھ ہوش نہیں ہے سو رہے ہیں

ٹھہرو دم‌ نزع دو گھڑی اور

دو چار نفس ہی تو رہے ہیں

پھول ان کو پنہا پنہا کے اغیار

کانٹے مرے حق میں بو رہے ہیں

زانو پہ امیرؔ سر کو رکھے

پہروں گزرے کہ رو رہے ہیں

امیر مینائی

Previous More Love Poetry Next

Ameer Minai

Hum LoTte Hain Wo So Rahe Hain

Ameer Minai

hum loTte hain wo so rahe hain
kya naz-o-niyaz ho rahe hain

kya rang jahan mein ho rahe hain
do hanste hain chaar ro rahe hain

duniya se alag jo ho rahe hain
takiyon mein maze se so rahe hain

pahunchi hai hamari ab ye haalat
jo hanste the wo bhi ro rahe hain

tanha tah-e-KHak bhi nahin hum
hasrat ke sath so rahe hain

sote hain lahad mein sone wale
jo jagte hain wo ro rahe hain

arbab-e-kamal chal base sab
sau mein kahin ek do rahe hain

palkon ki jhapak dikha ke ye but
dil mein nashtar chubho rahe hain

mujh dagh-nasib ki lahad par
lale ka wo bij bo rahe hain

piri mein bhi hum hazar afsos
bachpan ki nind sau rahe hain

daman se hum apne dagh-e-hasti
aab-e-KHanjar se do rahe hain

mein jag raha hun a shab-e-gham
par mere nasib sau rahe hain

roenge hamein rulane wale
Dubenge wo jo Dubo rahe hain

ai hashr madine mein na kar shor
chup chup sarkar sau rahe hain

aaine pe bhi kaDi nigahen
kis par ye itab ho rahe hain

bhaari hai jo motiyon ka mala
aaTh aaTh aansu wo ro rahe hain

dil chhin ke ho gae hain ghafil
fitne wo jaga ke sau rahe hain

hai ghair ke ghar jo in ki dawat
hum jaan se hath dho rahe hain

sad shukr KHayal hai usi ka
hum jis se lipaT ke sau rahe hain

ho jaen na KHushk dagh ke phul
aansu un ko bhigo rahe hain

aaegi na phir ke umr-e-rafta
hum muft mein jaan kho rahe hain

kya girya-e-be-asar se hasil
is rone pe hum to ro rahe hain

fariyaad ki naKHuda-e-kashti
kashti ko meri Dubo rahe hain

kyon karte hain gham-gusar taklif
aansu mere munh ko dho rahe hain

mahfil barKHast hai patange
ruKHsat shamon se ho rahe hain

hai coach ka waqt aasman par
tare kahin nam ko rahe hain

un ki bhi numud hai koi dam
wo bhi na rahenge jo rahe hain

duniya ka ye rang aur hum ko
kuchh hosh nahin hai so rahe hain

Thahro dam-e-naza do ghaDi aur
do chaar nafas hi to rahe hain

phul un ko pinha pinha ke aghyar
kanTe mere haq mein bo rahe hain

zanu pe 'amir' sar ko rakkhe
pahron guzre ki ro rahe hain

Facebook Twitter Reddit Pinterest Whatsapp

(1078) ووٹ وصول ہوئے

You can read Hum LoTte Hain Wo So Rahe Hain written by Ameer Minai at UrduPoint. Hum LoTte Hain Wo So Rahe Hain is one of the masterpieces written by Ameer Minai. You can also find the complete poetry collection of Ameer Minai by clicking on the button 'Read Complete Poetry Collection of Ameer Minai' above.

Hum LoTte Hain Wo So Rahe Hain is a widely read Urdu Ghazal. If you like Hum LoTte Hain Wo So Rahe Hain, you will also like to read other famous Urdu Ghazal.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.