Aaina Se Guzarne Wala Tha

آئنہ سے گزرنے والا تھا

آئنہ سے گزرنے والا تھا

عکس ہستی بکھرنے والا تھا

لفظ ترتیب دے رہا تھا میں

شعر مجھ پر اترنے والا تھا

دوست تصویر تو پرائی تھی

میں تو بس رنگ بھرنے والا تھا

ہم بھی کیا اس کے ساتھ مر جاتے

مرنے والا تو مرنے والا تھا

پھر اچانک بدل گیا منظر

میں جسے نقش کرنے والا تھا

پھر مجھے سامنے سے ہٹنا پڑا

آئنہ مجھ سے ڈرنے والا تھا

وہ تو ناخن نے مہربانی کی

ورنہ یہ زخم بھرنے والا تھا

پھول تھا شاخ کی ہتھیلی پر

اور ہوا میں بکھرنے والا تھا

اب کہ سورج تھا اشتہا میری

میں وہاں پاؤں دھرنے والا تھا

تم نے دیکھا تھا کتنا شرمندہ

مجھ پہ تنقید کرنے والا تھا

تشنگی تھی عروج پر اپنی

اور دریا اترنے والا تھا

حادثہ عین اس جگہ پہ ہوا

میں جہاں سے گزرنے والا تھا

زیبؔ آنکھیں نا بند کرتا اگر

خوف اندر اترنے والا تھا

اورنگزیب

© UrduPoint.com

All Rights Reserved

(441) ووٹ وصول ہوئے

Your Thoughts and Comments

Urdu Nazam Poetry of Aurang Zeb, Aaina Se Guzarne Wala Tha in Urdu. This famous Urdu Shayari is a Ghazal, and the type of this Nazam is Love, Sad, Social, Friendship, Bewafa, Heart Broken, Hope Urdu Poetry. Also there are 25 Urdu poetry collection of the poet published on the site. The average rating for this Urdu Shayari by our users is 4.7 out of 5 stars. Read the Love, Sad, Social, Friendship, Bewafa, Heart Broken, Hope poetry online by the poet. You can also read Best Urdu Nazam and Top Urdu Ghazal of Aurang Zeb.