Apne Gham Ka Mujhe Kahan Gham Hai, Urdu Ghazal By Firaq Gorakhpuri

Apne Gham Ka Mujhe Kahan Gham Hai is a famous Urdu Ghazal written by a famous poet, Firaq Gorakhpuri. Apne Gham Ka Mujhe Kahan Gham Hai comes under the Sad category of Urdu Ghazal. You can read Apne Gham Ka Mujhe Kahan Gham Hai on this page of UrduPoint.

اپنے غم کا مجھے کہاں غم ہے

فراق گورکھپوری

اپنے غم کا مجھے کہاں غم ہے

اے کہ تیری خوشی مقدم ہے

آگ میں جو پڑا وہ آگ ہوا

حسن سوز نہاں مجسم ہے

اس کے شیطان کو کہاں توفیق

عشق کرنا گناہ آدم ہے

دل کے دھڑکوں میں زور ضرب کلیم

کس قدر اس حباب میں دم ہے

ہے وہی عشق زندہ و جاوید

جسے آب حیات بھی سم ہے

اس میں ٹھہراؤ یا سکون کہاں

زندگی انقلاب پیہم ہے

اک تڑپ موج تہ نشیں کی طرح

زندگی کی بنائے محکم ہے

رہتی دنیا میں عشق کی دنیا

نئے عنوان سے منظم ہے

اٹھنے والی ہے بزم ماضی کی

روشنی کم ہے زندگی کم ہے

یہ بھی نظم حیات ہے کوئی

زندگی زندگی کا ماتم ہے

اک معمہ ہے زندگی اے دوست

یہ بھی تیری ادائے‌ مبہم ہے

اے محبت تو اک عذاب سہی

زندگی بے ترے جہنم ہے

اک تلاطم سا رنگ و نکہت کا

پیکر ناز میں دما دم ہے

پھرنے کو ہے رسیلی نیم نگاہ

آہوئے ناز مائل رم ہے

روپ کے جوت زیر پیراہن

گلستاں پر ردائے شبنم ہے

میرے سینے سے لگ کے سو جاؤ

پلکیں بھاری ہیں رات بھی کم ہے

آہ یہ مہربانیاں تیری

شادمانی کی آنکھ پر نم ہے

نرم و دوشیزہ کس قدر ہے نگاہ

ہر نظر داستان مریم ہے

مہر و مہ شعلہ ہائے ساز جمال

جس کی جھنکار اتنی مدھم ہے

جیسے اچھلے جنوں کی پہلی شام

اس ادا سے وہ زلف برہم ہے

یوں بھی دل میں نہیں وہ پہلی امنگ

اور تیری نگاہ بھی کم ہے

اور کیوں چھیڑتی ہے گردش چرخ

وہ نظر پھر گئی یہ کیا کم ہے

روکش صد حریم دل ہے فضا

وہ جہاں ہیں عجیب عالم ہے

دیئے جاتی ہے لو صدائے فراقؔ

ہاں وہی سوز و ساز کم کم ہے

فراق گورکھپوری

Previous More Sad Poetry Next

Firaq Gorakhpuri

Facebook Twitter Reddit Pinterest Whatsapp

(5830) ووٹ وصول ہوئے

You can read Apne Gham Ka Mujhe Kahan Gham Hai written by Firaq Gorakhpuri at UrduPoint. Apne Gham Ka Mujhe Kahan Gham Hai is one of the masterpieces written by Firaq Gorakhpuri. You can also find the complete poetry collection of Firaq Gorakhpuri by clicking on the button 'Read Complete Poetry Collection of Firaq Gorakhpuri' above.

Apne Gham Ka Mujhe Kahan Gham Hai is a widely read Urdu Ghazal. If you like Apne Gham Ka Mujhe Kahan Gham Hai, you will also like to read other famous Urdu Ghazal.

You can also read Sad Poetry, If you want to read more poems. We hope you will like the vast collection of poetry at UrduPoint; remember to share it with others.