Ummid, Urdu Nazam By Mohammad Haneef Rame

Ummid is a famous Urdu Nazam written by a famous poet, Mohammad Haneef Rame. Ummid comes under the Love, Sad category of Urdu Nazam. You can read Ummid on this page of UrduPoint.

Urdu Poem English Poem

امید

محمد حنیف رامے

پرسوں نے کل کو پالا تھا

پروان چڑھایا کل نے آج

اور آج کی کوکھ سے فردا جنم لے رہا ہے

جیسے زمین نے سورج سے زندگی پائی تھی

اور چاند کو زمین سے رزق پہنچ رہا ہے

سورج زمین کا ماضی اور چاند اس کا مستقبل ہے

جیسے جمادات سے نباتات سے حیوانات کے بعد انسان پیدا ہو گیا

تو زندگی کا سفر یہاں پہنچ کر رک جائے گا کیا

کیا نٹشی کا انسان بالا ''بقول زردشت'' کے اوراق ہی میں دفن ہو کر رہ جائے گا

کیا اقبال کا شاہین قصر سلطانی کے گنبد ہی میں بسیرا کر لے گا

کیا قرآن کے مطابق انسان کا منتہیٰ خدا نہیں

تو کیا ہم خدا کی جانب محو سفر ہیں

اور جب ہم خدا تک پہنچ جائیں گے تو کیا زندگی کا سفر ختم ہو جائے گا

اور کیا اس مقام پر وقت تھم جائے گا تاریخ تمام ہو جائے گی

یا وہاں سے ایک اور جہان شروع ہوگا

ایک نیا عالم ایک نئی زندگی

ایک نیا خدا؟

ویسے اگر خدا ہی ابتدا اور خدا ہی انتہا ہے

تو کیا ابتدا اور انتہا کی تخصیص بے معنی نہیں

جیسے جب دائرہ مکمل ہو جائے تو اس کی ابتدا اور انتہا دونوں مٹ جاتی ہیں

تو کیا حقیقت ایک کامل دائرہ ہے ابتدا اور انتہا کے بغیر

اگر ایسا ہے تو حرکت کہاں سے آئی

کہیں یہ دائرہ پھیلتا اور سکڑتا تو نہیں رہتا

کیا وقت کا رخ ماضی سے حال سے مستقبل کی جانب ہی رہتا ہے

یا مستقبل سے حال سے ماضی کی طرف بھی ہو سکتا ہے

کیا انسان سے حیوانات سے نباتات سے جمادات کو لوٹنا بھی ممکن ہے

اور کیا اب ایسا ہی تو نہیں ہو رہا

ظاہر ہے انسان پر خدا کا رنگ تو چڑھ نہیں رہا

البتہ حیوانی صفات نے ضرور گھر کر لیا ہے اس میں

شہر انسان سے شہر خدا کی جانب تو ہم جا نہیں رہے

کہیں ہم قدم بہ قدم جنگل کی طرف تو نہیں پلٹ رہے

کیا ہماری ماضی پرستی ہمیں

حیوانات سے نباتات سے جمادات تک تو نہیں لے جائے گی

کیا ہم پیچھے مڑ کر دیکھنے کے جرم میں پتھر کے ہو کر تو نہیں رہ جائیں گے

لیکن کہتے ہیں کہ ناامید نہیں ہونا چاہیئے کہ نا امیدی کفر ہے

آخر جمادات سے پہلے بھی تو کچھ موجود ہوگا

بھئی، خدا تو تھا اس وقت بھی

اور اگر خدا ہی ہمارا منتہیٰ ہے

تو آگے بڑھ کر نہ سہی

پیچھے مڑ کر سہی

ہم اسے پا ہی لیں گے

بس ایمان مضبوط ہونا چاہیئے

''فنا'' ''بقا'' اور ''لقا ''کی منزلیں ضرور آئیں گی

ہم پر امید ہیں

محمد حنیف رامے

Previous More Love Poetry Next

Mohammad Haneef Rame

Ummid

Mohammad Haneef Rame

parson ne kal ko pala tha
parwan chaDhaya kal ne aaj
aur aaj ki kokh se farda janm le raha hai
jaise zamin ne suraj se zindagi pai thi
aur chand ko zamin se rizq pahunch raha hai
suraj zamin ka mazi aur chand us ka mustaqbil hai
jaise jamadat se nabaatat se haiwanat ke baad insan paida ho gaya
to zindagi ka safar yahan pahunch kar ruk jaega kya
kya nietzsche ka insan-e-baala ba-qaul-e-zardshut ke auraq hi mein dafn ho kar rah jaega
kya iqbaal ka shahin qasr-e-sultani ke gumbad hi mein basera kar lega
kya quran ke mutabiq insan ka muntaha KHuda nahin
to kya hum KHuda ki jaanib mahw-e-safar hain
aur jab hum KHuda tak pahunch jaenge to kya zindagi ka safar KHatm ho jaega
aur kya is maqam par waqt tham jaega tariKH tamam ho jaegi
ya wahan se ek aur jahan shurua hoga
ek naya aalam ek nai zindagi
ek naya KHuda?
waise agar KHuda hi ibtida aur KHuda hi intiha hai
to kya ibtida aur intiha ki taKHsis be-mani nahin
jaise jab daera mukammal ho jae to us ki ibtida aur intiha donon miT jati hain
to kya haqiqat ek kaamil daera hai ibtida aur intiha ke baghair
agar aisa hai to harkat kahan se aai
kahin ye daera phailta aur sikuDta to nahin rahta
kya waqt ka ruKH mazi se haal se mustaqbil ki jaanib hi rahta hai
ya mustaqbil se haal se mazi ki taraf bhi ho sakta hai
kya insan se haiwanat se nabaatat se jamadat ko lauTna bhi mumkin hai
aur kya ab aisa hi to nahin ho raha
zahir hai insan par KHuda ka rang to chaDh nahin raha
albatta haiwani sifat ne zarur ghar kar liya hai is mein
shahr-e-insan se shahr-e-KHuda ki jaanib to hum ja nahin rahe
kahin hum qadam-ba-qadam jangal ki taraf to nahin palaT rahe
kya hamari mazi-parasti hamein
haiwanat se nabaatat se jamadat tak to nahin le jaegi
kya hum pichhe muD kar dekhne ke jurm mein patthar ke ho kar to nahin rah jaenge
lekin kahte hain ki na-umid nahin hona chahiye ki na-umidi kufr hai
aaKHir jamadat se pahle bhi to kuchh maujud hoga
bhai, KHuda to tha us waqt bhi
aur agar KHuda hi hamara muntaha hai
to aage baDh kar na sahi
pichhe muD kar sahi
hum use pa hi lenge
bas iman mazbut hona chahiye
fana baqa aur laqa ki manzilen zarur aaengi
hum pur-ummid hain

Facebook Twitter Reddit Pinterest Whatsapp

(607) ووٹ وصول ہوئے

You can read Ummid written by Mohammad Haneef Rame at UrduPoint. Ummid is one of the masterpieces written by Mohammad Haneef Rame. You can also find the complete poetry collection of Mohammad Haneef Rame by clicking on the button 'Read Complete Poetry Collection of Mohammad Haneef Rame' above.

Ummid is a widely read Urdu Nazam. If you like Ummid, you will also like to read other famous Urdu Nazam.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.

Ummid, Urdu Nazam By Mohammad Haneef Rame

امید

Ummid

Related Mohammad Haneef Rame Poetry

Related Poetry

More Mohammad Haneef Rame Poetry

Poetry Categories

Poetry Type

Legend Urdu Poets

Famous Urdu Poets

Poetry Topics