Sare Khawab Kaleeshe Hain, Urdu Nazam By Naseer Ahmed Nasir
Sare Khawab Kaleeshe Hain is a famous Urdu Nazam written by a famous poet, Naseer Ahmed Nasir. Sare Khawab Kaleeshe Hain comes under the Love, Sad, Social, Friendship, Bewafa, Heart Broken, Hope category of Urdu Nazam. You can read Sare Khawab Kaleeshe Hain on this page of UrduPoint.
سارے خواب کلیشے ہیں
نصیر احمد ناصر
پورچ کے چِپسی فرش پر
ڈاکیا خط پھینک کر چلا جاتا ہے
آنکھوں کے شہر میں
کسی دور افتادہ گاؤں کا
پس ماندہ لینڈ اسکیپ ابھر آتا ہے
دیواریں بغیر پلستر کے
ننگی سچائیوں کے ساتھ
افسردہ بچپن کی یادیں لیے
دھوپ میں استادہ ہیں
سورج ایک گوشے سے اٹھ کر
دوسرے گوشے میں بیٹھ جاتا ہے
اور ہم روشنیاں تلاش کرتے ہوئے
سایوں میں ڈھل جاتے ہیں
شام کا جادو
خوابوں کی سمفنی میں تبدیل ہو جاتا ہے
آنکھیں ایک بار
وقت کے اندھے کنویں میں گر جائیں
تو انھیں نکالنے کے لیے
ڈول ڈول عمر کا سارا پانی باہر انڈیلنا پڑتا ہے
پاؤں کی مَیل دھوئی جا سکتی ہے
لیکن ٹَیٹو کی طرح
بدن کی جلد پر نقش ہوئے
آبائی مناظر
کھرچنے سے مٹائے نہیں جا سکتے
اپنے علاقے سے نکلے ہوئے ہم،
کوئی شہر فتح کر پائے نہ محبت جیت سکے
مفتوح انسان
پرچھائیوں کے ساتھ زندگی گزارتے ہیں
اندھیرے میں دیکھنے کے لیے
کاکروچ بننا ضروری ہے
جس کی مرکب آنکھوں کی بینائی
انسان کی بصارت سے کئی گنا تیز ہوتی ہے
رات کی جھاڑیوں میں
ستارے جگنوؤں کی طرح چمکتے ہیں
یہ ٹیکنالوجی بہت سے درختوں کو سکھائی جا رہی ہے
جلد ہی چھاؤں دھوپ میں بدل جائے گی
منہ سے روشنی نکالنے والی چڑیا
اب کہیں دکھائی نہیں دیتی
اگلی فصل کے لیے
پیڑوں پر کوئی پھل باقی نہیں
دن اور رات کے سنگم پر
اب کوئی شفق رنگ دریا نہیں بہتا
سارے خواب کلیشے ہیں
دھول اور دھوئیں کے کارنیوال میں
موت گیت کی طرح گونجتی ہے
اور محبت کی آواز
کہیں سنائی نہیں دیتی ۔۔۔۔!
نصیر احمد ناصر
© UrduPoint.com
All Rights Reserved
(2721) ووٹ وصول ہوئے
Related Naseer Ahmed Nasir Poetry
Related Poetry
More Naseer Ahmed Nasir Poetry
مجھ تک آنے کے لیے
Naseer Ahmed Nasir - نصیر احمد ناصر
Mujh Tak Aane K Liye
دیکھ سکتے ہو تو دیکھو!
Naseer Ahmed Nasir - نصیر احمد ناصر
Dekh Sakte Ho Tu Dekho
کبھی تم نے اک دن گزارا ہے
Naseer Ahmed Nasir - نصیر احمد ناصر
Kabhi Tumne Ek Din Guzara Hai
نظم کہانی
Naseer Ahmed Nasir - نصیر احمد ناصر
Nazm Kahani
میں پرندوں کی طرح طلوع ہونا چاہتا ہوں
Naseer Ahmed Nasir - نصیر احمد ناصر
Main Parindoon Ki Tarhaan Tulu Hona Chahta Hoon
تاریخ سے باہر ایک آدمی
Naseer Ahmed Nasir - نصیر احمد ناصر
Tareekh Se Bahir Aik Admi
میں تمہارے مدار میں واپس نہیں آؤں گا
Naseer Ahmed Nasir - نصیر احمد ناصر
Main Tumhare Madar Main Wapis Nahi Aoon Ga
سارے خواب کلیشے ہیں
Naseer Ahmed Nasir - نصیر احمد ناصر
Sare Khawab Kaleeshe Hain
You can read Sare Khawab Kaleeshe Hain written by Naseer Ahmed Nasir at UrduPoint. Sare Khawab Kaleeshe Hain is one of the masterpieces written by Naseer Ahmed Nasir. You can also find the complete poetry collection of Naseer Ahmed Nasir by clicking on the button 'Read Complete Poetry Collection of Naseer Ahmed Nasir' above.
Sare Khawab Kaleeshe Hain is a widely read Urdu Nazam. If you like Sare Khawab Kaleeshe Hain, you will also like to read other famous Urdu Nazam.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.