Tareekh Se Bahir Aik Admi

تاریخ سے باہر ایک آدمی

دنوں کے گرد آلودہ جھروکے سے

میں اُس کو دیکھتا ہوں

چھت کے اوپر

تار پر پھیلے ہوئے کپڑوں کے پیچھے

بے صدا پرچھائیوں کے ڈھیر میں تبدیل ہوتے

اور نیچے

شور سے سہمی ڈری گلیوں میں

قدموں سے لپٹتی دھول ہے،

تاریخ چلتی ہے

دھمک سے کہنہ دیواریں لرزتی ہیں

گزرتا وقت سنگ و خشت سے آنکھیں رگڑتا ہے

دنوں کے گرد آلودہ جھروکے سے

کوئی لمحہ،

پلستر کا کوئی ٹکڑا اکھڑتا ہے

بدک کر اسپِ شاہی بھاگ اٹھتا ہے

دریچوں اور دروازوں کی درزوں سے

کئی چیخیں نکلتی ہیں

منڈیریں کانپ جاتی ہیں

دنوں کے گرد آلودہ جھروکے سے

میں اُس کو دیکھتا ہوں

سر جھکائے بے خبر چلتے ہوئے

لشکر کے بیچوں بیچ

بوسیدہ قبا پہنے

غلاموں کے ہجومِ نامشخؔص میں

دنوں کے گرد آلودہ جھروکے سے

میں اُس کو دیکھتا ہوں

تارکولی راستوں پر

دھوپ سے بچنے کی خاطر

ٹین کے چھجوں کے نیچے

یا کبھی شاموں کے کم گہرے اندھیرے میں

کتابوں کی دکانوں پر ۔۔۔۔۔۔ !

نصیر احمد ناصر

© UrduPoint.com

All Rights Reserved

(367) ووٹ وصول ہوئے

Your Thoughts and Comments

Urdu Nazam Poetry of Naseer Ahmed Nasir, Tareekh Se Bahir Aik Admi in Urdu. This famous Urdu Shayari is a Nazam, and the type of this Nazam is Love, Sad, Social, Friendship, Bewafa, Heart Broken, Hope Urdu Poetry. Also there are 28 Urdu poetry collection of the poet published on the site. The average rating for this Urdu Shayari by our users is 4.5 out of 5 stars. Read the Love, Sad, Social, Friendship, Bewafa, Heart Broken, Hope poetry online by the poet. You can also read Best Urdu Nazam and Top Urdu Ghazal of Naseer Ahmed Nasir.