Nahi Chairo Tumhare Kaam Ka Yeh Dil Nahi Rakh Do, Urdu Ghazal By Professor Rasheed Hasrat

نہیں چھیڑو تُمہارے کام کا یہ دِل نہِیں رکھ دو

مذاق ایسا محبت میں رکھا شامِل نہِیں رکھ دو

اگاہی جا رہی بیکار چِیزیں مہنگے داموں پر

ہمارا دِل ہے یہ بجلی کا کوئی بِل نہِیں رکھ دو

یہ اِک مُفلِس کا دِل ہے کوڑیوں کے بھاؤ بِکتا ہے

بہُت اچّھا تُمہارے پیار کے قابِل نہِیں رکھ دو

تُمہیں جِتنا بھی ہم پر بوجھ رکھنا ہے رکھے جاؤ

اِجازت ہے سِتمگر، قوم یہ بِسمل نہِیں رکھ دو

تعلُّق مُدّتوں کا دوستو کیا بُھول بیٹھے ہو

بڑے دِن سے ہمارے بِیچ میں محفِل نہِیں، رکھ دو

نہِیں مانیں گے ہم کیسے کِیا بھائی نے بٹوارہ

ہمارے نام پر اِس میں رکھی جو مِل نہِیں، رکھ دو

کھڑے ہو عاجزی لے کر جو اب تک چاپلُوسوں میں

کِسی صُورت بتِ مغرُور جو مائِل نہِیں، رکھ دو

مُبائل چھوڑ جاؤ، ایک گھنٹے بعد لے جانا

بنانا اِس کا اپنے واسطے مُشکِل نہِیں، رکھ دو

رشِید ایسے سفر کی رائیگانی کا ہے اندیشہ

تُمہارے سامنے جو اب تلک منزِل نہِیں، رکھ دو