پاکستان پیپلز پارٹی حکومت بنانے جا رہی ہے، وزیراعظم اور چاروں وزرائے اعلی جیالے ہوں گے،بلاول
ہم نفرت، تقسیم اور انتقام کی سیاست نہیں کریں گے۔ ہم سب کو متحد کرکے مسائل حل کریں گے،عمران خان نے 50 لاگھ گھر بنانے کا وعدہ کیا تھا، لیکن اس پر عمل نہیں کیا، بلاول بھٹو
دانش احمد انصاری پیر 15 جنوری 2024 00:04
(جاری ہے)
8 فروری کو بھی آپ اسی جذبے کے ساتھ نکلے تو کوئی طاقت جیالوں کا راستہ نہیں روک سکتی۔ انہوں نے قائدعوام شہید ذوالفقار علی بھٹو اور شہید محترمہ بینظیر بھٹو کا بھرپور ساتھ دینے پر خیرپور کے جیالوں کو خراج تحسین پیش کیا۔
چیئرمین بلاول بھٹو زرداری نے کہا کہ پاکستان مشکل میں اور عوام تکلیف میں ہیں۔ ایک طرف تاریخی بے روزگاری، مہنگائی اور غربت ہے، تو دوسری جانب دہشتگردی ایک بار پھر سر اٹھا رہی ہے۔ انہوں نے کہا کہ پرانے سیاستدانوں کی نفرت و انتقام کی سیاست نے پورے ملک کو تقسیم کردیا ہے۔ انہوں نے کہا کہ ہم نفرت، تقسیم اور انتقام کی سیاست نہیں کریں گے۔ ہم سب کو متحد کرکے مسائل حل کریں گے۔ دیگر جماعتوں کے پاس نہ نظریہ ہے اور نہ ہی منشور ہے۔ انہیں عوام کی تکالیف کا احساس تک بھی نہیں ہے۔ ان کا ایک ہی منشور ہے کہ وہ خود کو جیل سے کیسے بچائیں۔پی پی پی چیئرمین نے کہا کہ میں قائدِعوام کا نواسہ ہوں، میں شہید محترمہ بینظیر بھٹو کا بیٹا ہوں۔ میرا مقابلہ کسی سیاستدان سے نہیں ہے، میرا مقابلہ مہنگائی، بے روزگاری اور غربت سے ہے۔ جو وعدہ قائدِ عوام نے کیا تھا میں اس وعدے کو اپنے ہاتھوں سے پورا کروں گا۔ انہوں نے اپنے 10-نکاتی الیکشن منشور کو عوام کے ساتھ ایک معاشی معاہدہ قرار دیا اور عوام پر زور دیتے ہوئے کہا کہ آپ میرا ساتھ دیں، میری حکومت بنائیں، میں اپنا وعدہ پورا کروں گا۔ چیئرمین بلاول بھٹو زرداری نے اپنی تقریر میں اپنے 10-نکاتی منشور پر بات کرتے ہوئے کہا کہ تنخواہوں میں دگنا اضافہ، تعلیم اور صحت کی معیاری و مفت سہولیات کی فراہمی، غریب خاندانوں کو بجلی کے 300 یونٹس ماہانہ مفت فراہمی، محنت کشوں کی مالی معاونت کے لیے بینظیر انکم سپورٹ پروگرام میں اضافے کے ساتھ ساتھ کسان کارڈ اور مزدور کارڈ کا اجرا، نوجوانوں کے لیے یوتھ کارڈز کا اجرا اور یوتھ سینٹرز کے قیام کے ساتھ ساتھ ملک بھر میں بھوک مٹاو پروگرام کا آغاز ان کی حکومت کی اولین ترجیحات ہوں گی۔ انہوں نے کہا کہ میں ابھی لاہور سے آیا ہوں، وہاں گمبٹ جیسا ایک بھی اسپتال نہیں ہے۔ میرا یہ خواب ہے کہ پورے ملک کی عوام کے لیے صحت کی معیاری اور مفت سہولیات میسر ہوں۔پی پی پی چیئرمین نے کہا کہ عمران خان نے 50 لاگھ گھر بنانے کا وعدہ کیا تھا، لیکن اس پر عمل نہیں کیا۔ میرے پاس ایک سال تھا، دنیا بھر سے فنڈز اکٹھے کیے اور سیلاب متاثرین کے لیے گھر بنائے۔ انہوں نے کہا کہ نگران حکومت سے ہماری شکایت ہے کہ انہوں نے الیکشن کی آڑ میں سندھ میں جہاں دیگر ترقیاتی منصوبے روک دیئے ہیں، وہاں سیلاب متاثرین کے گھروں کی تعمیر کا کام بھی روک دیا ہے۔ انہوں نے متنبہ کرتے ہوئے کہا کہ سیلاب متاثرین کے گھروں کی تعمیر کے حوالے سے بیوروکریسی کی غفلت برداشت نہیں کی جائے گی۔ چیئرمین بلاول بھٹو زرداری نے کہا کہ مسلم لیگ(ن)والے کہتے ہیں کہ ملک میں پیسہ نہیں ہے۔ انہوں نے ایک بار پھر اس عزم کا اعادہ کیا کہ ان کی حکومت ان 17 وزارتوں کو بند کردے گی جن کا 18 ویں ترمیم کے بعد مرکز میں قائم رہنا بلاجواز ہے۔ انہوں نے کہا کہ مذکورہ وزارتوں پر خرچ ہونے والے 300 ارب روپے اور اشرافیہ کو سبسڈیز کی مد میں ملنے والے 1500 ارب روپے کی خطیر رقم کو عوام کی ترقی و بھبود پر سرمائیکاری کی جائے گی۔ میں آپ کا حق اسلام آباد سے چھین کر آپ کو دلاوں گا۔ ہمیں عوام کو معاشی مشکلات سے نکالنا ہے۔ پی پی پی چیئرمین نے عوام کو اپیل کی کہ وہ 8 فروری کو ہونے والے الیکشن میں ان کی جماعت کو بھرپور کامیابی دلوائیں۔ ہم مِل کر ہر سازش کا مقابلہ کریں گے، انا کی سیاست اور تقسیم کی سیاست کو دفن کریں گے، ہم عوام کی خدمت کی سیاست کریں گے۔ چیئرمین بلاول بھٹو زرداری نے ضلع خیرپور اور ضلع سکھر کے قومی و صوبائی اسیمبلیوں کے حلقوں پر نامزد پی پی پی امیدواروں سید قائم علی شاہ، سید خورشید احمد شاہ، نفیسہ شاہ، ناصر حسین شاہ، فرخ شاہ، اویس شاہ، سید فضل شاہ، سید جاوید شاہ، ساجد علی بھانبھن، شیراز راجپر، سید بچل شاہ، ہالار وسان، نعمان اسلام شیخ اور نعیم کھرل کو عوام کے سامنے کھڑا کرکے ان سے حلف لیا کہ وہ الیکشن جیتنے کے بعد عوام کو نظرانداز نہیں کریں گے، اقربا پروری نہیں کریں گے، عوام سے کیئے ہوئے وعدے نہیں بھولیں گے، بلکہ عوام کی خدمت کا فرض نبھائیں گے۔متعلقہ عنوان :
آواران میں شائع ہونے والی مزید خبریں
بلوچستان کی ترقی پا کستان کی کامیابی ہے،آرمی چیف
میرے لوگ میری پہچان ہیں اپنے لوگوں کے درمیان اور انکی محبت دیکھ کر دلی خوشی ہوئی، میر عبدالقدوس بزنجو ..
پاکستان پیپلز پارٹی حکومت بنانے جا رہی ہے، وزیراعظم اور چاروں وزرائے اعلی جیالے ہوں گے،بلاول
سائفر کیس،عمران خان اور شاہ محمود قریشی کے جوڈیشل ریمانڈ میں 10 اکتوبر تک توسیع
ڈپٹی کمشنرکا سرکاری زرعی زمینوں کی نیلامی کے حوالے سے اہم اقدام
عبدالستار ایدھی کی ساتویں برسی 8 جولائی کو منائی جائیگی
امیر المومنین حضرت علی المرتضیٰ کرم اللہ وجہہ کا یوم شہادت 12اپریل کو عقیدت و احترام کے ساتھ منایا جائے ..
ماہ فروری تا مارچ کل 159اشتہاری مجرمان گرفتار۔جبکہ 04گینگ گرفتار۔کل مال مسروقہ 1کروڑ16لاکھ50ہزار400 روپے ..
محکمہ تعلیم آواران میں مذید اساتذہ کی شمولیت‘ ڈپٹی کمشنر آواران جمعہ داد نے تعیناتی آرڈرز تقسیم کردیئے، ..
اردو ادب کے عظیم افسانہ نگار سعادت حسن منٹو کی68ویں برسی18 جنوری بدھ کو منائی جائے گی ۔
ژ*آواران میں بچوں اور مقامی لوگوں نے ایف سی بلوچستان کے ساتھ ایک دن گزارا
نبی آخر الزماں حضرت محمد مصطفیٰ ﷺ کے یوم ولادت باسعادت کے موقع پر جشن عید میلاد النبی ؐ 12ربیع الاوّل9 ..
آواران سے متعلقہ
پاکستان کی تازہ ترین خبریں
-
موبائل فونز کی درآمدات میں 180 فیصد اضافہ
-
وزیرداخلہ کانادرا سنٹر شملہ پہاڑی کا دورہ ،شہریوں نے شکایات کے انبار لگا دئیے
-
حکومت عوام کے مسائل کے حل کیلئے کوشاں ہے، جلد اچھے دن آئیں گے، چوہدری شافع حسین
-
لاہور میں مسلح افراد نے فائرنگ کرکے پولیس سب انسپکٹر کو قتل کردیا
-
تحریک انصاف مذاکرات نہیں ڈیل کی درخواستیں دے رہی ہے، وزیراطلاعات سندھ
-
پاکستان کی معیشت عالمی اتار چڑھا ؤ کے باوجود بحالی کے راستے پر ہے،گورنر اسٹیٹ بینک کا آئی سی ایم اے کانووکیشن سے خطاب،
-
بابر اعظم نے ٹی 20 میں زیادہ میچز میں کپتانی کرنے کا آسٹریلیا کے سابق کپتان ایرون فنچ کا ریکارڈ برابر کر دیا
-
جو 19 سال تک نہ ہوا، وہ آج ہو گیا
-
انصاف اس طرح ہونا چاہیے جیسا قانون کہتا ہے،چیف جسٹس نے اپنا اختیار کم کر کے پارلیمنٹ کی بالادستی کو تسلیم کیا‘ اعظم نذیر تارڑ
-
پاکستان اور برطانیہ کے درمیان تعلیم کے شعبے میں زیادہ سے زیادہ ایکسچینج پروگرامز شروع کرنے چاہئیں‘بلیغ الرحمن
-
حکومت کا کام دعویٰ کرنا نہیں، کام کر کے دکھانا ہے، شاہد خاقان عباسی
-
علی امین گنڈاپور پختونوں کے نام پر دھبہ اور غیرت پر سوالیہ نشان ہے