Bhali Si Aik Shakal Thi, Urdu Nazam By Ahmed Faraz
Bhali Si Aik Shakal Thi is a famous Urdu Nazam written by a famous poet, Ahmed Faraz. Bhali Si Aik Shakal Thi comes under the Social category of Urdu Nazam. You can read Bhali Si Aik Shakal Thi on this page of UrduPoint.
بھلی سی ایک شکل تھی
احمد فراز
بھلے دنوں کی بات ہے
بھلی سی ایک شکل تھی
نہ یہ کہ حسن تام ہو
نہ دیکھنے میں عام سی
نہ یہ کہ وہ چلے تو کہکشاں سی رہ گزر لگے
مگر وہ ساتھ ہو تو پھر بھلا بھلا سفر لگے
کوئی بھی رت ہو اس کی چھب
فضا کا رنگ روپ تھی
وہ گرمیوں کی چھاؤں تھی
وہ سردیوں کی دھوپ تھی
نہ مدتوں جدا رہے
نہ ساتھ صبح و شام ہو
نہ رشتۂ وفا پہ ضد
نہ یہ کہ اذن عام ہو
نہ ایسی خوش لباسیاں
کہ سادگی گلہ کرے
نہ اتنی بے تکلفی
کہ آئنہ حیا کرے
نہ اختلاط میں وہ رم
کہ بد مزہ ہوں خواہشیں
نہ اس قدر سپردگی
کہ زچ کریں نوازشیں
نہ عاشقی جنون کی
کہ زندگی عذاب ہو
نہ اس قدر کٹھور پن
کہ دوستی خراب ہو
کبھی تو بات بھی خفی
کبھی سکوت بھی سخن
کبھی تو کشت زعفراں
کبھی اداسیوں کا بن
سنا ہے ایک عمر ہے
معاملات دل کی بھی
وصال جاں فزا تو کیا
فراق جاں گسل کی بھی
سو ایک روز کیا ہوا
وفا پہ بحث چھڑ گئی
میں عشق کو امر کہوں
وہ میری ضد سے چڑ گئی
میں عشق کا اسیر تھا
وہ عشق کو قفس کہے
کہ عمر بھر کے ساتھ کو
وہ بد تر از ہوس کہے
شجر حجر نہیں کہ ہم
ہمیشہ پا بہ گل رہیں
نہ ڈھور ہیں کہ رسیاں
گلے میں مستقل رہیں
محبتوں کی وسعتیں
ہمارے دست و پا میں ہیں
بس ایک در سے نسبتیں
سگان با وفا میں ہیں
میں کوئی پینٹنگ نہیں
کہ اک فریم میں رہوں
وہی جو من کا میت ہو
اسی کے پریم میں رہوں
تمہاری سوچ جو بھی ہو
میں اس مزاج کی نہیں
مجھے وفا سے بیر ہے
یہ بات آج کی نہیں
نہ اس کو مجھ پہ مان تھا
نہ مجھ کو اس پہ زعم ہی
جو عہد ہی کوئی نہ ہو
تو کیا غم شکستگی
سو اپنا اپنا راستہ
ہنسی خوشی بدل دیا
وہ اپنی راہ چل پڑی
میں اپنی راہ چل دیا
بھلی سی ایک شکل تھی
بھلی سی اس کی دوستی
اب اس کی یاد رات دن
نہیں، مگر کبھی کبھی
احمد فراز
© UrduPoint.com
All Rights Reserved
(24756) ووٹ وصول ہوئے
Related Ahmed Faraz Poetry
More Ahmed Faraz Poetry
چلی ہے شہر میں کیسی ہوا اداسی کی
Ahmed Faraz - احمد فراز
Chali Hai Shehru Mein Kaisi Havaa Udasi Ki
دکھ فسانہ نہیں کہ تجھ سے کہیں
Ahmed Faraz - احمد فراز
Dukh Fasana Nahi Ke Tujh Se Kahin
اتنا سناٹا کہ جیسے ہو سکوت صحرا
Ahmed Faraz - احمد فراز
Itna Sunata Ke Jaisay Ho Sukut Sehra
دوست بن کر بھی نہیں ساتھ نبھانے والا
Ahmed Faraz - احمد فراز
Dost Ban Kar Bhi Nahi Sath Nibhane Wala
غیرت عشق سلامت تھی انا زندہ تھی
Ahmed Faraz - احمد فراز
Ghairat Ishq Slamat Thi Anaa Zindah Thi
گلہ فضول تھا عہد وفا کے ہوتے ہوئے
Ahmed Faraz - احمد فراز
Gilah Fazool Tha Ahad Wafa Kay Hotay Howay
جو قربتوں کے نشے تھے وہ اب اترنے لگے
Ahmed Faraz - احمد فراز
Jo Kurbatoun Ke Nashay Thay Woh Ab Utrney Lagey
کیوں طبیعت کہیں ٹھہرتی نیہں
Ahmed Faraz - احمد فراز
Kiyun Tabiat Kahi Theharti Nahin
You can read Bhali Si Aik Shakal Thi written by Ahmed Faraz at UrduPoint. Bhali Si Aik Shakal Thi is one of the masterpieces written by Ahmed Faraz. You can also find the complete poetry collection of Ahmed Faraz by clicking on the button 'Read Complete Poetry Collection of Ahmed Faraz' above.
Bhali Si Aik Shakal Thi is a widely read Urdu Nazam. If you like Bhali Si Aik Shakal Thi, you will also like to read other famous Urdu Nazam.
You can also read Social Poetry, If you want to read more poems. We hope you will like the vast collection of poetry at UrduPoint; remember to share it with others.