Dosti Ka Haath, Urdu Nazam By Ahmed Faraz
Dosti Ka Haath is a famous Urdu Nazam written by a famous poet, Ahmed Faraz. Dosti Ka Haath comes under the Social category of Urdu Nazam. You can read Dosti Ka Haath on this page of UrduPoint.
دوستی کا ہاتھ
احمد فراز
گزر گئے کئی موسم کئی رتیں بدلیں
اداس تم بھی ہو یارو اداس ہم بھی ہیں
فقط تمہیں کو نہیں رنج چاک دامانی
کہ سچ کہیں تو دریدہ لباس ہم بھی ہیں
تمہارے بام کی شمعیں بھی تابناک نہیں
مرے فلک کے ستارے بھی زرد زرد سے ہیں
تمہارے آئنہ خانے بھی زنگ آلودہ
مرے صراحی و ساغر بھی گرد گرد سے ہیں
نہ تم کو اپنے خد و خال ہی نظر آئیں
نہ میں یہ دیکھ سکوں جام میں بھرا کیا ہے
بصارتوں پہ وہ جالے پڑے کہ دونوں کو
سمجھ میں کچھ نہیں آتا کہ ماجرا کیا ہے
نہ سرو میں وہ غرور کشیدہ قامتی ہے
نہ قمریوں کی اداسی میں کچھ کمی آئی
نہ کھل سکے کسی جانب محبتوں کے گلاب
نہ شاخ امن لئے فاختہ کوئی آئی
تمہیں بھی ضد ہے کہ مشق ستم رہے جاری
ہمیں بھی ناز کہ جور و جفا کے عادی ہیں
تمہیں بھی زعم مہا بھارتا لڑی تم نے
ہمیں بھی فخر کہ ہم کربلا کے عادی ہیں
ستم تو یہ ہے کہ دونوں کے مرغزاروں سے
ہوائے فتنہ و بوئے فساد آتی ہے
الم تو یہ ہے کہ دونوں کو وہم ہے کہ بہار
عدو کے خوں میں نہانے کے بعد آتی ہے
تو اب یہ حال ہوا اس درندگی کے سبب
تمہارے پاؤں سلامت رہے نہ ہاتھ مرے
نہ جیت جیت تمہاری نہ ہار ہار مری
نہ کوئی ساتھ تمہارے نہ کوئی ساتھ مرے
ہمارے شہروں کی مجبور و بے نوا مخلوق
دبی ہوئی ہے دکھوں کے ہزار ڈھیروں میں
اب ان کی تیرہ نصیبی چراغ چاہتی ہے
جو لوگ نصف صدی تک رہے اندھیروں میں
چراغ جن سے محبت کی روشنی پھیلے
چراغ جن سے دلوں کے دیار روشن ہوں
چراغ جن سے ضیا امن و آشتی کی ملے
چراغ جن سے دیئے بے شمار روشن ہوں
تمہارے دیس میں آیا ہوں دوستو اب کے
نہ ساز و نغمہ کی محفل نہ شاعری کے لئے
اگر تمہاری انا ہی کا ہے سوال تو پھر
چلو میں ہاتھ بڑھاتا ہوں دوستی کے لئے
احمد فراز
© UrduPoint.com
All Rights Reserved
(24035) ووٹ وصول ہوئے
Related Ahmed Faraz Poetry
More Ahmed Faraz Poetry
ایسا ہے کہ سب خواب مسلسل نہیں ہوتے
Ahmed Faraz - احمد فراز
Aisa Hai Ke Sab Khawaab Musalsal Nahi Hotay
گل بھی گلشن میں کہاں غنچہ دہن تم جیسے
Ahmed Faraz - احمد فراز
Gul Bhi Gulshan Mein Kahan Guncha E Dahan Tum Jaise
کس بوجھ سے جسم ٹوٹتا ہے
Ahmed Faraz - احمد فراز
Kis Boojh Se Jism Toot-ta Hai
جان سے عشق اور جہاں سے گریز
Ahmed Faraz - احمد فراز
Jan Se Ishq Aur Jahan Se Guraiz
ہر کوئی جاتی ہوئی رُت کا اشارہ جانے
Ahmed Faraz - احمد فراز
Hai Koi Jati Hoe Rut Ka Isharah Jane
عشق نشہ ہے نہ جادو جو اتر بھی جائے
Ahmed Faraz - احمد فراز
Ishq Nasha Hai Nah Jadu Jo Utar Bhi Jaye
وحشت دل صلۂ آبلہ پائی لے لے
Ahmed Faraz - احمد فراز
Wahshat Dil Sila Abla Payi Lay Lay
اس قدر مسلسل تھیں شدتیں جدائی کی
Ahmed Faraz - احمد فراز
Is Qader Musalsal Theen Shidatain Judai Ki
You can read Dosti Ka Haath written by Ahmed Faraz at UrduPoint. Dosti Ka Haath is one of the masterpieces written by Ahmed Faraz. You can also find the complete poetry collection of Ahmed Faraz by clicking on the button 'Read Complete Poetry Collection of Ahmed Faraz' above.
Dosti Ka Haath is a widely read Urdu Nazam. If you like Dosti Ka Haath, you will also like to read other famous Urdu Nazam.
You can also read Social Poetry, If you want to read more poems. We hope you will like the vast collection of poetry at UrduPoint; remember to share it with others.