MENU Open Sub Menu

DUKAN KY NIZARY

دکان کے نظارے

دکان کے نظارے

دیکھو یارو کیا کیا ہیں دکان کے نظارے

بوتل چائے اور نان کے نظارے

گندی مندی ٹکی اور پکوان کے نظارے

ٹوٹے پھوٹے برتن اور سامان کے نظارے

دیکھو یارو کیا کیا ہیں دکان کے نظارے

سکول میں سجی ہے اک دکان میاں

بکتے ہیں یاں ٹکی اور نان میاں

دیکھاہے یاں حیرت کا سامان میاں

کرسی ومیز نہ کوئی شان میاں

دیکھو یارو کیا کیا ہیں دکان کے نظارے

چنگیر ہے نہ کوئی پلیٹ وہاں

کسی بندے کا نہیں ریٹ وہاں

کچھ بھرتے ہیں کھڑے ہو کر پیٹ وہاں

کئی کھا کے ہوتے ہیں لم لیٹ وہاں

دیکھو یارو کیا کیا ہیں دکان کے نظارے

کچھ دیوانے ہیں صرف پور چور کے

کوئی کھائے نان چٹنی میں کھور کھور کے

کوئی تلوائے ٹکی نان پر توڑ کے

کوئی ڈالے نان جیب میں مروڑ کے

دیکھو یارو کیا کیا ہیں دکان کے نظارے

سوچتا ہوں یہ کوئی لٹو ہے کہ ٹکی ہے

شکل میں کتنی بھدی اور تیکھی ہے

اندر سے کچی اور ذائقے میں پھیکی ہے

دو روپے کی چیز سات روپے میں بکی ہے

دیکھو یارو کیا کیا ہیں دکان کے نظارے

یاںاک ہستی کی ہے جان ٹکی

رکھتے ہیں جیب میں وہ نان ٹکی

بن گئی ہے ان کی پہچان ٹکی

کیا خوب ملی ہے تجھے شان ٹکی

دیکھو یارو کیا کیا ہیں دکان کے نظارے

کس شان سے نان کو جیب سے نکالتے ہیں

پھر عجب انداز سے منہ میں ڈالتے ہیں

پھر شاہانہ اداﺅں سے منہ مارتے ہیں

ہمارے جذبات کو بھی ابھارتے ہیں

دیکھو یارو کیا کیا ہیں دکان کے نظارے

کوئی پیئے چائے اور کوئی کوکا کولا

کوئی سادہ پانی اور تسبیح پر مولا مولا

کسی نے بے سود جیب کو ٹٹولا

کسی نے سچ میں بٹوہ کھولا

دیکھو یارو کیا کیا ہیں دکان کے نظارے

کسی نے پی لی کسی اور کی چائے

کوئی دیکھ کے چائے کو ہاتھ ملائے

کوئی ویسے ہی پہنچے بن بلائے

کوئی بیٹھا کرسی کو آگے پیچھے ہلائے

دیکھو یارو کیا کیا ہیں دکان کے نظارے

کہیں دنیا میں نیک بے نمازی دیکھے

کئی چور ، چغل خور نمازی دیکھے

کہیں سستی کاہلی کے عادی دیکھے

لکھتا وہی ہے جو امیر فاروق آبادی دیکھے

دیکھو یارو کیا کیا ہیں دکان کے نظارے

امیر فاروق آ بادی

© UrduPoint.com

All Rights Reserved

(194) ووٹ وصول ہوئے

Your Thoughts and Comments

Urdu Poetry of AMEER FAROOQABADI, DUKAN KY NIZARY in Urdu. Also there are 39 Urdu poetry collection of the poet published on the site. The average rating for this Urdu Shayari by our users is 4.7 out of 5 stars. You can also read Best Urdu Nazam and Top Urdu Ghazal of AMEER FAROOQABADI.