سعودی عرب میں دہشت گردوں کا فوج پر حملہ، شہادتیں

بریدہ میں چیک پوائنٹ پر دہشت گردوں کی فائرنگ، سعودی افسر سمیت دو افراد جاں بحق، سکیورٹی فورسز کی جوابی کارروائی میں دو حملہ آور ہلاک

پیر 9 جولائی 2018 16:57

جدہ (اُردو پوائنٹ اخبار آن لائن۔ پیر 9 جولائی 2018ء)سعودی عرب کے شہر بریدہ میں ایک چیک پوائنٹ پر دہشت گردوں کے حملے میں ایک افسر اور ایک شہری جاں بحق ہوگیا ہے جبکہ سعودی سکیورٹی فورسز کی جوابی کارروائی میں دو حملہ آور ہلاک ہوگئے ہیں۔

(جاری ہے)

سعودی وزارت داخلہ نے ایک بیان میں کہا ہے کہ القصیم ریجن کے دارالحکومت بریدہ میں تین دہشت گردوں نے سکیورٹی فورسز کے ایک چیک پوائنٹ پر حملہ کیا ،دہشت گردوں کی فائرنگ کے بعد سکیورٹی افسروں نے بھی جوابی کارروائی کی جس کے نتیجے میں دو دہشت گرد موقع پر ہلاک ہوگئے اور ایک زخمی ہوگیا۔اس کو زخمی حالت میں اسپتال منتقل کردیا گیا ہے۔