UD Kar Suragh-e-kucha-e-dilbar Lagaiye, Urdu Ghazal By Agha Hajju Sharaf
UD Kar Suragh-e-kucha-e-dilbar Lagaiye is a famous Urdu Ghazal written by a famous poet, Agha Hajju Sharaf. UD Kar Suragh-e-kucha-e-dilbar Lagaiye comes under the Love, Sad category of Urdu Ghazal. You can read UD Kar Suragh-e-kucha-e-dilbar Lagaiye on this page of UrduPoint.
اڑ کر سراغ کوچۂ دلبر لگائیے
آغا حجو شرف
اڑ کر سراغ کوچۂ دلبر لگائیے
کس طرح دونوں بازوؤں میں پر لگائیے
اک تیر دل پر ایک جگر پر لگائیے
حصہ لگائیے تو برابر لگائیے
پھولوں میں توپئے مجھے نازک دماغ ہوں
للہ اس لحد میں نہ پتھر لگائیے
جب بزم یار میں ہے تکلف رسائی کا
خلوت سرائے خاص میں بستر لگائیے
ہر دم کیا کرے رگ جاں مرحبا کا شور
اس نوک جھونک سے کوئی نشتر لگائیے
برسوں سے بے قرار ہے تسکین کے لیے
جھکئے ذرا جگر سے مرے سر لگائیے
کیا بستنی قفس کی یہ بلبل کو بھیجئے
حصے میں اس کے پھولوں کی چادر لگائیے
جا اپنے دل میں دیجئے مجھ صاف قلب کو
آئینے میں شبیہ سکندر لگائیے
یاور نصیب ہو تو حسینوں کو چاہئے
دل ان سے آزما کے مقدر لگائیے
اکثر وہ کہتے ہیں کہ جو بوسہ طلب کرے
اس گفتگو پہ منہ اسے کیوں کر لگائیے
آئے دہان زخم سے آواز اور اور
اس اس ادا و ناز سے خنجر لگائیے
پرزے مرے اڑائیے بھیجا ہے میں نے خط
بے جرم کیوں کباب کبوتر لگائیے
صورت جو ایک ایک کی تکتا ہے آئنہ
حسرت یہ ہے سراغ سکندر لگائیے
ہیں آپ تو تمام خدائی کے ناخدا
میرا جہاز بھی لب کوثر لگائیے
برہم مزاج ہو کے وہ برگشتگی کرے
دفتر میں جس کے فرد مقدر لگائیے
دولت جو مجھ غریب کی لوٹی ہے آپ نے
کیا کیجئے گا حصۂ لشکر لگائیے
جتنوں کی جانیں لیں ہیں انہیں خوں بہا ملے
پورا حساب دیکھ کے دفتر لگائیے
اس گل کی آ ہی جائے گی خوشبو دماغ میں
چلیے ریاض عشق میں چکر لگائیے
افشا کیا جو عشق تو جھنجھلا کے بولے وہ
لکھوا کے اشتہار یہ گھر گھر لگائیے
سو جا سے دل پھٹا ہے کلیجا ہے چاک چاک
پیوند پھاڑ پھاڑ کے چادر لگائیے
پھر اٹھ کے تیرے ہاتھ سے کٹوائیے گلا
کیوں کر دوبارہ جسم میں پھر سر لگائیے
ساتھ اس قدر ہیں اس شہ خوباں کے سرفروش
برسوں حساب کثرت لشکر لگائیے
کہتے ہیں لخت دل کو وہ بازار حسن میں
سودا یہ میرے اردو سے باہر لگائیے
مجھ سے لگاوٹ آپ کی شمشیر کرتی ہے
مرتا ہوں اس پہ اس کو مرے سر لگائیے
سیلاب اشک نے مرے رستے کیے ہیں بند
کشتی منگا کے متصل در لگائیے
خلعت شہید ناز کو بھجواتے ہیں جواب
کشتی میں پہلے پھولوں کی چادر لگائیے
پہونچا کے خط حلال ہوا ہے یہ اے شرفؔ
آنکھوں سے لے کے خون کبوتر لگائیے
آغا حجو شرف
© UrduPoint.com
All Rights Reserved
UD Kar Suragh-e-kucha-e-dilbar Lagaiye
Agha Hajju Sharaf
kis tarah donon bazuon mein par lagaiye
ek tir dil par ek jigar par lagaiye
hissa lagaiye to barabar lagaiye
phulon mein topiye mujhe nazuk-dimagh hun
lillah is lahad mein na patthar lagaiye
jab bazm-e-yar mein hai takalluf rasai ka
KHalwat-sara-e-KHas mein bistar lagaiye
har dam kiya kare rag-e-jaan marhaba ka shor
is nok-jhonk se koi nashtar lagaiye
barson se be-qarar hai taskin ke liye
jhukiye zara jigar se mere sar lagaiye
kya bastani qafas ki ye bulbul ko bhejiye
hisse mein us ke phulon ki chadar lagaiye
ja apne dil mein dijiye mujh saf-qalb ko
aaine mein shabih-e-sikandar lagaiye
yawar nasib ho to hasinon ko chahiye
dil un se aazma ke muqaddar lagaiye
aksar wo kahte hain ki jo bosa talab kare
is guftugu pe munh ise kyunkar lagaiye
aae dahan-e-zaKHm se aawaz aur aur
is is ada-o-naz se KHanjar lagaiye
purze mere uDaiye bheja hai main ne KHat
be-jurm kyun kabab-e-kabutar lagaiye
surat jo ek ek ki takta hai aaina
hasrat ye hai suragh-e-sikandar lagaiye
hain aap to tamam KHudai ke naKHuda
mera jahaz bhi lab-e-kausar lagaiye
barham-mizaj ho ke wo bargasht-agi kare
daftar mein jis ke fard-e-muqaddar lagaiye
daulat jo mujh gharib ki luTi hai aap ne
kya kijiyega hissa-e-lashkar lagaiye
jatanon ki jaanen lin hain unhen KHun-baha mile
pura hisab dekh ke daftar lagaiye
us gul ki aa hi jaegi KHushbu dimagh mein
chaliye riyaz-e-ishq mein chakkar lagaiye
ifsha kiya jo ishq to jhunjhla ke bole wo
likhwa ke ishtihaar ye ghar ghar lagaiye
sau ja se dil phaTa hai kaleja hai chaak chaak
paiwand phaD phaD ke chadar lagaiye
phir uTh ke tere hath se kaTwaiye gala
kyun-kar dobara jism mein phir sar lagaiye
sath is qadar hain us shah-e-KHuban ke sarfarosh
barson hisab kasrat-e-lashkar lagaiye
kahte hain laKHt-e-dil ko wo bazar-e-husn mein
sauda ye mere urdu se bahar lagaiye
mujh se lagawaT aap ki shamshir karti hai
marta hun us pe is ko mere sar lagaiye
sailab-e-ashk ne mere raste kiye hain band
kashti manga ke muttasil-e-dar lagaiye
KHilat shahid-e-naz ko bhijwate hain jawab
kashti mein pahle phulon ki chadar lagaiye
pahuncha ke KHat halal hua hai ye ai 'sharaf'
aankhon se le ke KHun-e-kabutar lagaiye
(703) ووٹ وصول ہوئے
Related Agha Hajju Sharaf Poetry
Related Poetry
More Agha Hajju Sharaf Poetry
ہم ہیں اے یار چڑھائے ہوئے پیمانۂ عشق
Agha Hajju Sharaf - آغا حجو شرف
Hum Hain Ai Yar Chadhae Hue Paimana-e-ishq
موسم گل میں جو گھر گھر کے گھٹائیں آئیں
Agha Hajju Sharaf - آغا حجو شرف
Mausam-e-gul Mein Jo Ghir Ghir Ke Ghataen Aain
سناٹے کا عالم قبر میں ہے ہے خواب عدم آرام نہیں
Agha Hajju Sharaf - آغا حجو شرف
Sannate Ka Aalam Qabr Mein Hai Hai Khwab-e-adam Aaram Nahin
درپیش اجل ہے گنج شہیداں خریدیے
Agha Hajju Sharaf - آغا حجو شرف
Darpesh Ajal Hai Ganj-e-shahidan Kharidiye
خلوت سرائے یار میں پہنچے گا کیا کوئی (ردیف .. ن)
Agha Hajju Sharaf - آغا حجو شرف
Khalwat-sara-e-yar Mein Pahunchega Kya Koi
ناحق و حق کا انہیں خوف و خطر کچھ بھی نہیں
Agha Hajju Sharaf - آغا حجو شرف
Nahaq O Haq Ka Unhen Khauf-o-khatar Kuchh Bhi Nahin
کیا خدا ہیں جو بلائیں تو وہ آ ہی نہ سکیں
Agha Hajju Sharaf - آغا حجو شرف
Kya Khuda Hain Jo Bulaen To Wo Aa Hi Na Saken
چاہئیں مجھ کو نہیں زریں قفس کی پتلیاں
Agha Hajju Sharaf - آغا حجو شرف
Chahiyen Mujhko Nahin Zarrin Qafas Ki Putliyan
You can read UD Kar Suragh-e-kucha-e-dilbar Lagaiye written by Agha Hajju Sharaf at UrduPoint. UD Kar Suragh-e-kucha-e-dilbar Lagaiye is one of the masterpieces written by Agha Hajju Sharaf. You can also find the complete poetry collection of Agha Hajju Sharaf by clicking on the button 'Read Complete Poetry Collection of Agha Hajju Sharaf' above.
UD Kar Suragh-e-kucha-e-dilbar Lagaiye is a widely read Urdu Ghazal. If you like UD Kar Suragh-e-kucha-e-dilbar Lagaiye, you will also like to read other famous Urdu Ghazal.
You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.