Demarcation

ڈیمارکیش

وہ ہمیں ملنے آتے ہیں

ہواؤں اور بارشوں کے ساتھ

دروازوں کے پاس

ان کی سرگوشیاں سنائی دیتی ہیں

اور خالی برآمدے

کپڑوں کی سرسراہٹ

اور جسموں کی مہک سے بھر جاتے ہیں

دیواریں الانگتے، چھتوں اور چھجوں سے پھسلتے

بےآواز قدموں سے چلتے ہوئے

بادلوں کے سایوں کی طرح

نیم پختہ دالانوں کے سناٹے میں

آنکھیں انہیں دیکھتی ہیں

دسترس سے دور

طویل فاصلوں کی طرف جاتے ہوئے

کھڑکیاں منہ کھولے ہوئے

اونگھتی ہیں

اور سوچتی ہیں

کہ زمین کو پچھاڑ کر

اس کے سینے پر بیٹھے

فتح مندی سے آسمان کی طرف دیکھتے ہوئے

ان پہاڑوں سے پرے بھی

کوئی جھیل ہو گی

اور پرندے

اور سفید بادل

اور ایک دوسرے میں مدغم ہوتے ہوئے

گھنے درختوں کے جھنڈ

ناہموار گھاس کے میدان

ریوڑ اور تنہا گڈریے

اور دور جاتے ہوئے راستے ہوں گے

کوئی گاؤں، کوئی شہر ہو گا

یا پھر کوئی دوسرا ملک

جہاں کوئی شاعر بیٹھا

نظمیں لکھ رہا ہو گا

کاغذوں پر حدیں بادھنا آسان ہے

چند نقطوں اور لکیروں سے

پہاڑ، ندیاں، نالے، نشیب

کھیت، بستیاں، علاقے، عملداریاں

درے اور خفیہ راستے

یہاں تک کہ قلعے اور فصیلیں

اور فصیلوں پر

آہنی سروں کی قطاریں بن جاتی ہیں

مگر دیواریں الانگتے سایوں

دروازوں، کھڑکیوں، دالانوں

اور دلوں کے دوردراز منطقوں تک پھیلے

سناٹوں اور فاصلوں کی نشاندہی کرتے ہوئے

زمیبن کے نقشے پر

دھوپ اور بارش کا رنگ بدل جاتا ہے

نصیر احمد ناصر

© UrduPoint.com

All Rights Reserved

(347) ووٹ وصول ہوئے

Your Thoughts and Comments

Urdu Nazam Poetry of Naseer Ahmed Nasir, Demarcation in Urdu. This famous Urdu Shayari is a Nazam, and the type of this Nazam is Love, Sad, Social, Friendship, Bewafa, Heart Broken, Hope Urdu Poetry. Also there are 28 Urdu poetry collection of the poet published on the site. The average rating for this Urdu Shayari by our users is 4.9 out of 5 stars. Read the Love, Sad, Social, Friendship, Bewafa, Heart Broken, Hope poetry online by the poet. You can also read Best Urdu Nazam and Top Urdu Ghazal of Naseer Ahmed Nasir.