Hassam Qazi Ki Yaad Main, Urdu Nazam By Professor Rasheed Hasrat

 اور یہ بھی نہیں اُن سے گہرائی تھی

یا مُلاقات کا تھا کوئی سِلسِلہ

پِھر بھی ھم اِتفاقا جو مِلتے کبھی

ہیلو ھائے" سے بڑھ کر کوئی سِلسِلہ"

بڑھنے پایا نہ تھا، صِرف اتنا ھُؤا

اُس کے لہجے کی خُوشبُو

دھنک رنگ سی تِتلِیوں میں ڈھلی

اُس کے ھونٹوں پہ مُسکان سی اِک دُعا

آج بھی آسماں کی طرف محوِ پرواز ھے

اُن کی آنکھوں میں قندیل روشن دِکھی

راہبوں کی طرح

جو کہ دُنیا سے ترکِ تعلّق کے بعد

جنگل و بیاباں میں جا کے رہیں، اور

رات کے اندھیروں میں قندیل اک

کر کے روشن

وُہ بھٹکے ھُوؤں کے لیئے

اُونچی سی اِک جگہ پر جو رکھ لیتےتھے

تا کہ بھٹکے ھُوؤں کا  اُدھر سے گُزر

ھو تو اِس روشنی کے طُفیل

سِیدھے رستے کا اُن کو پتہ مِل سکے

ھم بھی بھٹکے ھُوئے تھے ہمیں

روشنی دے کے خُود اُس طرف چل دیئے

جس طرف روشنی ماند پڑتی نہیں

لاکھوں جُگنُو دُعاؤں سے روشن ھُوئے

جو کہ ابدی سفر میں اُنہیں

روشنی اور راحت کا پیغام دیں

نُوری مخلوق کی ی

ایسی چاہت مِلے

ھے دُعا اُن کو جنّت کی راحت مِلے