Raal Tipkati Shitaniyat, Urdu Nazam By Safia Hayat

ہر لمحہ محرک سیارے کے دستور

عجیب نرالا پن رکھتے ھیں۔

خوشبو کی بوتلیں

بارود سے بھری جارہی ھیں۔

فضا میں سانسوں کی چیخیں گونج اٹھنے سے

عورتوں نے

حاملہ ھو نے سے انکار کر کے

شاہی درباریوں سے وابستگی اختیار کی ھے۔

محل کے بائیں جانب کنواں

اور پلاسٹک شاپرز کی مشین تیار ھے

جو۔۔۔۔۔۔۔

رات کی سیاہی میں

عیش و عشرت کے خاص تحفے

نوزائیدگاں کی پہلی آواز کو

چیخ بننے سے پہلے

باندھ کر پھینکنے کے لئے استعمال ھوں گے۔

پھولوں نے خوشنما رنگوں سے انکار کر کے

ماتمی رنگ کا انتخاب کیا ھے۔

انسان نما مخلوق نے

بہروپی زمیں کے سب اصول بدل ڈالے ہیں۔

لڑکیاں بیاہ پہ بیاہ کرتی ھیں۔

لڑکے ایک ھی ذائقہ چھکتے

سالوں کی رفاقت بھلا کر

نیا ذائقہ ڈھونڈتے ھیں۔

نپے تلے انداز میں رھنے والے

اب خوف اوڑھ کر سوتے ھیں۔

جانے کب بدلتے زمانے کے

طوفانی تھپیڑے

آن کی آن میں لپیٹ لیں۔

زخمی آوازیں

سماعتوں کو بہرہ بنا کر

کوئی پرانا انتقام لیتی ھیں۔

آسمان نے اب

کنکریاں پھیکنے سے انکار کر کے

ازلی اصولوں سے بغاوت کر دی ھے۔

کیونکہ بچےقبل از وقت

جوانی کی سر شاری گھٹا گھٹ پیتے ہیں

تو انکے چہروں سے

شیطانیت کی رال ٹپکنے لگتی ھے