LaDaku ChiDa, Urdu Nazam By Kaif Moradaabadi

LaDaku ChiDa is a famous Urdu Nazam written by a famous poet, Kaif Moradaabadi. LaDaku ChiDa comes under the Love, Sad category of Urdu Nazam. You can read LaDaku ChiDa on this page of UrduPoint.

Urdu Poem English Poem

لڑاکو چڑا

کیف مرادآبادی

میرے کمرے کے بڑے طاق میں اک آئینہ

صورتیں سب کو دکھانے کے لئے رکھا ہے

سامنے آئنے کے بیٹھ کے روز ایک چڑا

جانے کیوں عکس سے اپنے ہی لڑا کرتا ہے

کبھی پنجوں سے کبھی چونچ سے حملے کر کے

یہ سمجھتا ہے اسے جیت یقینی ہوگی

اس حماقت سے اگر باز نہیں آئے گا

چونچ کیا اس کی تو رگ رگ کبھی زخمی ہوگی

جب کوئی کام نہ ہوگا اسے لڑنے کے سوا

سانس بھی لے نہ سکے گا کبھی بے خوف و ہراس

پھر کسی دن یہ تماشا بھی نظر آئے گا

ننھی سی لاش پڑی ہوگی اس آئنے کے پاس

سوچتا ہوں کہ مرے ملک کے لاکھوں بچے

روز آپس میں اسی طرح لڑا کرتے ہیں

فائدہ اس سے کسی کو بھی نہیں ہوتا ہے

کچھ نہ کچھ اپنا ہی نقصان کیا کرتے ہیں

یہی عادت جو بنا لی تو وہ دن بھی ہے قریب

چین سے رہ نہ سکیں گے یہ لڑائی کے بغیر

کوئی بھی پاس سے گزرا تو خوشی کا کیا ذکر

کچھ بھی تو کہہ نہ سکیں گے یہ لڑائی کے بغیر

بے سبب لڑنے کے جذبہ کو جو روکا نہ گیا

لوگ عاقل ہوں کہ نادان لڑے جائیں گے

اپنی فطرت ہی بنا لیں گے جو باہم لڑنا

جانور ہوں کہ ہوں انسان لڑے جائیں گے

وہ مخالف نہ سہی اپنا کوئی عکس سہی

مل ہی جائے گا انہیں کوئی جھگڑنے کے لئے

آئنے سامنے رکھ کر یہی سرکش بچے

بیٹھ جائیں گے ہر اک صبح کو لڑنے کے لئے

سب رہے جائیں گے آپس میں اگر مل جل کر

ہر جگہ ملک میں گلزار نظر آئیں گے

اور اگر بغض و عداوت کا یہی جوش رہا

جا بجا لاشوں کے انبار نظر آئیں گے

کیف مرادآبادی

Previous More Love Poetry

Kaif Moradaabadi

LaDaku ChiDa

Kaif Moradaabadi

mere kamre ke baDe taq mein ek aaina
suraten sab ko dikhane ke liye rakkha hai
samne aaine ke baiTh ke roz ek chiDa
jaane kyun aks se apne hi laDa karta hai

kabhi panjon se kabhi chonch se hamle kar ke
ye samajhta hai use jit yaqini hogi
is himaqat se agar baz nahin aaega
chonch kya us ki to rag rag kabhi zaKHmi hogi

jab koi kaam na hoga use laDne ke siwa
sans bhi le na sakega kabhi be-KHauf-o-hiras
phir kisi din ye tamasha bhi nazar aaega
nannhi si lash paDi hogi us aaine ke pas

sochta hun ki mere mulk ke lakhon bachche
roz aapas mein isi tarah laDa karte hain
faeda is se kisi ko bhi nahin hota hai
kuchh na kuchh apna hi nuqsan kiya karte hain

yahi aadat jo bana li to wo din bhi hai qarib
chain se rah na sakenge ye laDai ke baghair
koi bhi pas se guzra to KHushi ka kya zikr
kuchh bhi to kah na sakenge ye laDai ke baghair

be-sabab laDne ke jazbe ko jo roka na gaya
log aaqil hon ki nadan laDe jaenge
apni fitrat hi bana lenge jo baham laDna
jaanwar hon ki hon insan laDe jaenge

wo muKHalif na sahi apna koi aks sahi
mil hi jaega unhen koi jhagaDne ke liye
aaine samne rakh kar yahi sarkash bachche
baiTh jaenge har ek subh ko laDne ke liye

sab rahe jaenge aapas mein agar mil-jul kar
har jagah mulk mein gulzar nazar aaenge
aur agar bughz-o-adawat ka yahi josh raha
ja-ba-ja lashon ke ambar nazar aaenge

Facebook Twitter Reddit Pinterest Whatsapp

(498) ووٹ وصول ہوئے

You can read LaDaku ChiDa written by Kaif Moradaabadi at UrduPoint. LaDaku ChiDa is one of the masterpieces written by Kaif Moradaabadi. You can also find the complete poetry collection of Kaif Moradaabadi by clicking on the button 'Read Complete Poetry Collection of Kaif Moradaabadi' above.

LaDaku ChiDa is a widely read Urdu Nazam. If you like LaDaku ChiDa, you will also like to read other famous Urdu Nazam.

You can also read Love Poetry, If you want to read more poems. We hope you will like the vast collection of poetry at UrduPoint; remember to share it with others.