Hamd

حم

ہزار تصویر رکھتے ہوئے بھی بے تصور ہے تُو

کہ اس جہان و کائنات کا مصور ہے تُو

زمیں سے دیکھیں تو سمآ و سمک میں ہے تُو

چہار سُو دیکھیں تو شفق و افق میں ہے تُو

تُو ہے دریاوٴں میں صحراوٴں میں ، تُو ہے موجوں کی روانی میں

حکمتیں تری آشکار،سمندر کی تہہ میں، ستاروں کی درخشانی میں

روز دیکھتے ہیں ہم تری تصویر کو نئے رنگ میں

کہیں ا ذان سحر میں، تو کہیں طاوٴس و چنگ میں

پلتے ہیں کیڑے کہیں بطون خشت و سنگ میں

لباس گل ہے پوشیدہ کلیوں کے ننگ میں

یہ زنجیر لیل و نہار ،یہ نظام کائنات ہے کارسازی تری

فقط وائے دیدہٴ آدم کیلئے ہے یہ ساری آئینہ داری تری

نظارے تری قدرتوں کے خزاں و بہار میں

خود تُو ہے خلوت میں،جلوت ہے تری گل و گلزار میں

بے مثال و بے نظیر ہے تُو اپنی ہی نظیر میں

میری جنبش چشم سے تغیر آجاتا ہے میری تصویر میں

تُو خالق کائنات ہے ، تُو مالک ہے عرش بریں کا

تُو ہی داتا ، تُو ہی مشکل کشا ہے خلق زیریں کا

یہ چرند و پرند، شجرو حجر پات و گل ترے ثنا خواں

زباں والے کیا وہ بھی تری حمد کرتے ہیں جو ہیں بے زباں

یوں تخلیق عالم تو ہوئی تھی خاطر انساں

کیا یہ مدہوش و بد مست و غافل ہے ترا خلیفہ و انساں

ان خطاکاروں کو بخشا ہے پرہیز گاروں سے بلند مقام تُو نے

اک انساں کی خاطر بنا کر یہ کائنات کیا لیا ہے اس سے کام تُونے

عیاں تُو پنہاں تُو ، جہاں کوئی نہیں وہاں تُو

اک ایسی بھی دنیا ہے ، نہیں ہے جہاں تُو

جس قلب میں نور لاالہ نہیں، نہیں ہے وہاں تُو

دل میں بنا لے اس کا مسکن ، ڈھونڈتا ہے اسے کہاں تُو

اس ضعیف و نا تواں میں ہمت نہیں کہ اتار سکے ترا احساں

اتنی سعی ضرور کر ، ذکر خدا سے تر کر اپنی زباں تُو !

سردار زبیر احمد

© UrduPoint.com

All Rights Reserved

(2478) ووٹ وصول ہوئے

Your Thoughts and Comments

Urdu Nazam Poetry of Sardar Zubair Ahmed, Hamd in Urdu. This famous Urdu Shayari is a Hamd, and the type of this Nazam is Islamic Urdu Poetry. Also there are 33 Urdu poetry collection of the poet published on the site. The average rating for this Urdu Shayari by our users is 5 out of 5 stars. Read the Islamic poetry online by the poet. You can also read Best Urdu Nazam and Top Urdu Ghazal of Sardar Zubair Ahmed.