Buhat Dekhe Hain Hum Ne Apni Zindagi Main Nasheeb O Faraz, Urdu By Sardar Zubair Ahmed

بہت دیکھے ہیں ہم نے اپنی زندگی میں نشیب و فراز

تُو چھو کر دیکھ میری طبیعت کی طرح میرا دل بھی ہے گداز

بڑا اصرار کیا یاروں نے کہ سنا داستاں اپنی

زخم دل تازہ ہو گئے شدت غم سے اور رندھ گئی میری آواز

کبھی سنایا تھا میں نے فسانہٴ دل اپنے گلستاں میں

طائران چمن بھی سُن کر یہ فسانہ کر گئے تھے پرواز

ترے گیسو ا ڑ اڑ کے گرتے رہے ترے عارض پر

مصور بھی نہ بنا سکے سر قرطاس ترے وہ حسین طراز

بہت شغل کیے ہم نے یہاں دل لگانے کیلئے

پھر بھی پیدا نہ کر سکا وہ لذت ترا حسین ساز

عروس شب کا زیور درخشاں کر دیا ماہتاب نے

مگر ان بھولے بھالے ستاروں پہ بھی نہ کھل سکا یہ راز

برسوں سے ہم پڑھتے رہے تجھ سے سبق خوشخرامی کا

آج تم نے بھی مانند رُت بدل دیے ہیں اپنے انداز

تری محفل میں تری خاطر رسوا ہم ہوئے

میری خوش قسمتی کہ مجھے ہی ملا تری خاطر رسوائی کااعزاز

تو روٹھتا رہا ہم مناتے رہے تجھے اے صنم

کچھ تو احساس رحم پیدا کر ، کب تک ا ٹھاوٴں گا ترے ناز

ہم اپنی غزلو ں میں تری عکسبندی کرتے رہے

وہ ترے عارض آتشیں، تری زلفیں اور تری چشم نیم باز

تم ستم کرتے رہے میری زباں پہ لفظ شکوہ بھی نہ آیا

برسوں سے تو نہ بنا سکا ا پنی ستم ظریفیوں کا کوئی جواز

مری فطرت میں احساس زہد بھی ہے احساس رندی بھی

ہم نے بھی مد ت سے پال رکھا ہے قلب میں شوق سیر حجاز

میری داستاں بھی بڑی عجیب ہے بڑی نرالی ہے

مجھے خود پتا نہیں کہاں ہے اس کا اختتام اور کہاں ہے آغاز

میرے شعر ہی، میرے سوزش جگر کیلئے مرہم بن گئے

ترے فلسفہ و حکمت میں کوئی دوا ہے تو بتا اے صاحب اعجاز!