BesveN Sadi Ka Ehd Saz Shair .... Munir Niazi
بیسویں صدی کا عہد ساز شاعر ۔۔۔۔ منیر نیازی
وہ موضوعات جو ایک عام شاعر کے قلم کے بس کے نہیں ہوتے، منیرنیازی کے ہاں گہرے مشاہدے، شب و روز کے تفکر، عمیق تجربے اور زبان و بیان کی خوبیوں کے باعث قاری پر ایک سحر کی صورت طاری ہو جاتے ہیں
تحریر: نوید صادق
منیرنیازی کی شاعری رنگا رنگ خیالات اور انوکھے امیجز سے عبارت ہے۔وہ موضوعات کہ ایک عام شاعر کے قلم کے بس کے نہیں ہوتے، منیرنیازی کے ہاں گہرے مشاہدے، شب و روز کے تفکر، عمیق تجربے اور زبان و بیان کی خوبیوں کے باعث قاری پر ایک سحر کی صورت طاری ہو جاتے ہیں۔
اپنے گرد و پیش کی قدرتی اور مادی دنیا میں خوبصورتی کی تلاش، زبان اور زاویہ نظر میں اشیاء کی اصل کی تلاش اور اس کا بیان منیر نیازی کے بنیادی مسائل ہیں۔
(جاری ہے)
تجسس کا انداز بھی اس بچے سا ہے جس نے ابھی ابھی اس کائنات میں آنکھیں کھولی ہیں۔
معاملاتِ محبت ہوں کی دنیاوی پیچیدگیوں اور الجھنوں سے خوف کا عالم، ماضی کی تلخ و شیریں حکایات ہوں اورا مروز کی مسائل سے بھری پُری زندگی یا فردا کے حسین خواب،رنج و الم سے بھری کیفیات کا بیان ہو کہ انانیت اور خودپرستی کا اشتہار اور وجوہات،زندگی کی رنگینیوں سے دلچسپی کے عوامل ہوںکہ موت کے لیے کشش،عصری اور سماجی معاملات ہوں کہ مابعدالطبعیاتی مسائل۔
منیر نیازی کے ہاں ماضی کا حوالہ بار بار ملتا ہے۔ وہ جگہ جگہ ماضی کے حوالے سے سوالات اٹھاتے نظر آتے ہیں۔تلمیحات کے استعمال سے عبرت دلانے کی کوشش کرتے ہیں۔ وہ ’’ماضی‘‘ کا رونا نہیں روتے۔ اِس پر نکتہ چیں دکھائی دیتے ہیں۔کیا ہوا؟ کیوں ہوا؟ اور نتیجتاً یہ تجزیہ ’’حال‘‘ میں مثبت پیش رفت کی بنیاد بنتا ہے۔
منیر نیازی اپنے عصر کی صورتِ حال کی تصویر کشی کچھ اس انداز سے کرتے ہیںکہ ان کا کہا، ان کا لکھا قاری اور سامع کو اپنے دل کی آواز محسوس ہوتا ہے۔وہ بھرے پُرے شہروں میں انسان کی تنہائی پر نوحہ خواں ہیں۔لیکن یہ ماحول، یہ تاریکی۔۔۔۔۔۔شاعر پرامید ہے کہ نظام کائنات تبدیل ہو گا۔وہ نہ صرف خود اپنے اور اپنے لوگوں کے مسائل کا دراک کرتا ہے بلکہ دوسروں تک اپنی آواز بھی پہنچاتا ہے۔اس کواپنے تمام روحانی اور مادی مسائل کا واحد حل اللہ رب العزت کے حضور گڑگڑانے اورحضرت محمد صلی اللہ علیہ وسلم کے احکامات پر عمل پیرا ہونے میں سوجھتا ہے۔
منیر نیازی کی نظم " محبت اب نہیں ہو گی" ملاحظہ فرمائیے:
ستارے جو دمکتے ہیں
کسی کی چشمِ حیراں میں
ملاقاتیں جو ہوتی ہیں
جمالِ ابر و باراں میں
یہ نا آباد وقتوں میں
دلِ ناشاد میں ہو گی
محبت اب نہیں ہو گی
یہ کچھ دن بعد میں ہو گی
گزر جائیں گے جب یہ دن
یہ اُن کی یاد میں ہو گی
منیر نیازی کی غزل سے چند اشعار پیشِ خدمت ہیں:
میں جو منیرؔ اک کمرے کی کھڑکی کے پاس سے گزرا
اس کی چک کی تیلیوں سے ریشم کے شگوفے پھوٹے
جانتا ہوں ایک ایسے شخص کو میں بھی منیرؔ
غم سے پتھر ہو گیا لیکن کبھی رویا نہیں
مہک عجب سی ہو گئی پڑے پڑے صندوق میں
رنگت پھیکی پڑ گئی ریشم کے رومال کی
بارشوں میں اس سے جا کے ملنے کی حسرت کہاں
کوکنے دو کوئلوں کو، اب مجھے فرصت کہاں
سن بستیوں کا حال جو حد سے گزر گئیں
اُن اُمتوں کا ذکر جو رستوں میں مر گئیں
میں تو منیرؔ آئینے میں خود کو تک کر حیران ہوا
یہ چہرہ کچھ اور طرح تھا پہلے کسی زمانے میں
یاد بھی ہیں اے منیرؔ اس شام کی تنہائیاں
ایک میداں، اک درخت اور تو خدا کے سامنے
قدیم قریوں میں موجود تو خدائے قدیم!
جدید شہروں میں بھی تجھ کو رونما دیکھا
چار چپ چیزیں ہیں: بحر و بر ، فلک اور کوہسار
دل دہل جاتا ہے ان خالی جگہوں کے سامنے
اک اور دریا کا سامنا تھا منیرؔ مجھ کو
میں ایک دریا کے پار اُترا تو میں نے دیکھا
اک چیل ایک ممٹی پہ بیٹھی ہے دھوپ میں
گلیاں اجڑ گئی ہیں مگر پاسباں تو ہے
واپس نہ جا وہاں کہ ترے شہر میں منیرؔ
جو جس جگہ پہ تھا وہ وہاں پر نہیں رہا
ڈر کے کسی سے چھپ جاتا ہے جیسے سانپ خزانے میں
زر کے زور سے زندہ ہیں سب خاک کے اس ویرانے میں
فروغِ اسمِ محمد ہو بستیوں میں منیرؔ
قدیم یاد، نئے مسکنوں سے پیدا ہو
(6103) ووٹ وصول ہوئے
Related Articles
ادب نامہ کی طرف سے شاہد ذکی کی شاعری سے انتخاب
Shahid Zaki Ki Shaeri Se Intikhab By Adab Nama
خواب کمخواب
Khawb Kamkhawb
اردو کی جدید نظم کے ممتاز شاعر اختر حسین جعفری ( خالد محمود )
Akhtar Hussain Jafri
گل نوخیز اختر کا خصوصی انٹرویو
Gul Naukhez Akhtar Ka Khasoosi Interview
اور ڈھنگ سے خواب لکھنے والا شاعر ۔۔۔۔۔ دانیال طریر
Aor Dhang Se Khawb Likhnay Wala Shaair ...daniyal Tareer
استاد قمر جلالوی کا تعارف اور انکی شاعری سے انتخاب (خالد محمود )
Ustad Qamar Jalalvi
ادب نامہ کی طرف سے نصراللہ حارث کی شاعری سے انتخاب
Nasar Ullah Haris Ki Shaeri Se Intikhab By Adab Nama
گلزار صاحب کا تعارف اور کچھ منتخب کلام
Gulzar
الیاس بابر اعوان کی شاعری پر شمس الرحمن فاروقی صاحب کا مضمون
Iliyas Babur Aewan Ki Shaairi Par Shams Ur Rehman Farooqi Sahib Ka Mazmon
ادب نامہ کی طرف سے فیاض اسود کی شاعری سےانتخاب
Fiaz Aswad Ki Shaeri Se Intikhab
شاہین عباس کی شاعری میں سے انتخاب
Shaheen Abbas Ki Shaairi Se Intekhab
سرسری دل کی واردات نہیں ( نوید صادق )
Sarsari Dil Ki Wardat
ادب نامہ کی طرف سے شاہین عباس کی شاعری سے انتخاب
Adab Na Ma Ki Taraf Se Shaheen Abbas Ki Shairi Se Intikhab
احمد فراز ایک عظیم شاعر
Ahmad Faraz
علامتوں کے تنوع کا شاعر ____ابرار احمد
Alaamton Ki Tanu Ka Shaair
ادب نامہ کی جانب سے ممتاز گرمانی کی شاعری سے انتخاب
Mumtaz Gurmani Ki Shaeri Se Intikhab By Adab Nama
BesveN Sadi Ka Ehd Saz Shair .... Munir Niazi - Read Urdu Article
BesveN Sadi Ka Ehd Saz Shair .... Munir Niazi is a detailed Urdu Poetry Article in which you can read everything about your favorite Poet. BesveN Sadi Ka Ehd Saz Shair .... Munir Niazi is available to read in Urdu so that you can easily understand it in your native language.
BesveN Sadi Ka Ehd Saz Shair .... Munir Niazi in Urdu has everything you wish to know about your favorite poet. Read what they like and who their inspiration is. You can learn about the personal life of your favorite poet in BesveN Sadi Ka Ehd Saz Shair .... Munir Niazi.
BesveN Sadi Ka Ehd Saz Shair .... Munir Niazi is a unique and latest article about your favorite poet. If you wish to know the latest happenings in the life of your favorite poet, BesveN Sadi Ka Ehd Saz Shair .... Munir Niazi is a must-read for you. Read it out, and you will surely like it.