Qamar Raza Shahzad Sb K Muntakhib Ashaar
ممتاز شاعر قمر رضا شہزاد صاحب کیے مجموعہء کلام یاددہانی کے بعد کہے گئے " تازہ کلام سے منتخب اشعار انتخاب : عتیق الرحمن صفی
ممتاز شاعر قمر رضا شہزاد صاحب کیے مجموعہء کلام یاددہانی کے بعد کہے گئے " تازہ کلام سے منتخب اشعار" آپ سب دوستوں کے ذوقِ مطالعہ کی نذر ...
ممتاز شاعر قمر رضا شہزاد صاحب کیے مجموعہء کلام یاددہانی کے بعد کہے گئے " تازہ کلام سے منتخب اشعار" آپ سب دوستوں کے ذوقِ مطالعہ کی نذر ...
مجھے خبر ہے خدا میرے انتظار میں ہے
میں آ رہا ہوں صفِ گمرہاں سے ہوتے ہوئے
۔۔۔۔۔۔۔۔۔۔۔
کئی زمانوں کے اسرار پار کرنے پڑے
میں اپنے آپ تک آیا کہاں سے ہوتے ہوئے
۔۔۔۔۔۔۔۔۔۔۔
چھوا ضرور تھا لیکن مجھے نہیں معلوم
کہاں گیا وہ مرے جسم و جاں سے ہوتے ہوئے
۔۔۔۔۔۔۔۔۔۔۔
سکوتِ شب میں اور کیا بنائوں گا
میں لفظ جوڑ کر صدا بنائوں گا
۔۔۔۔۔۔۔۔۔۔۔
یہی بہت جو اِک چراغ بن سکے
میں اِس سے بڑھ کے اور کیا بنائوں گا
۔۔۔۔۔۔۔۔۔۔۔
یہ جنگ ہے تو پھر مرے عزیز میں
مکان کو بھی مورچہ بنائوں گا
۔
(جاری ہے)
دو چار ہیں پار اُترنے والے
میں نائو کو بھر نہیں رہا ہوں
۔۔۔۔۔۔۔۔۔۔۔
تلوار بھی کھینچ لی ہے میں نے
اور وار بھی کر نہیں رہا ہوں
۔۔۔۔۔۔۔۔۔۔۔
مری روشنی سے رواں تھی روشنی دہر میں
میں بجھا تو نور کسی دیے میں نہیں رہا
۔۔۔۔۔۔۔۔۔۔۔
کوئی میری طرح کا سر پھرا ترے دشت میں
کبھی تھا مگر مرے حافظے میں نہیں رہا
۔۔۔۔۔۔۔۔۔۔۔
سمجھ رہا ہے جسے تُو کسی چراغ کی لو
یہ کائنات اسی لو سے جلنے والی ہے
۔۔۔۔۔۔۔۔۔۔۔
لہو سے گوندھنے والے کو بھی کہاں معلوم
یہ خاک کون سی صورت میں ڈھلنے والی ہے
۔۔۔۔۔۔۔۔۔۔۔
اب اور کون سی وسعت مجھے سنبھالے گی
میں فکر مند تھا کون و مکان چھوڑتے وقت
۔۔۔۔۔۔۔۔۔۔۔
بھڑک اُٹھا تھا میں اپنے نواح میں شہزاد
دیے کی لو پہ لبوں کے نشاں چھوڑتے وقت
۔۔۔۔۔۔۔۔۔۔۔
مجھے نہ ماننے والے ضرور دیکھیں گے
کسی زمانہء آئندہ میں ظہور مرا
۔۔۔۔۔۔۔۔۔۔۔
کوئی بھی شے یہاں ترتیب میں نہیں مرے دوست
یہ کائنات بھی دراصل ہے فتور مرا
۔۔۔۔۔۔۔۔۔۔۔
مرا تو"میں" کی رفاقت میں سانس گھٹتا ہے
سو آئے اور کوئی توڑ دے غرور مرا
۔۔۔۔۔۔۔۔۔۔۔
ابھی زمیں کے ہونٹ تر نہیں ہوئے
ابھی پیالہ خون سے بھرا نہیں
۔۔۔۔۔۔۔۔۔۔۔
میں ایک شاہ جس کے اختیار میں
کوئی محل کوئی حرم سرا نہیں
۔۔۔۔۔۔۔۔۔۔۔
ہر طرف میری خامشی کا شور
ان کہا ان سنا کلام ہوں میں
۔۔۔۔۔۔۔۔۔۔۔
سوچ لینا یہ جنگ سے پہلے
صلح کا آخری پیام ہوں میں
۔۔۔۔۔۔۔۔۔۔۔
تُو مجھے مت سمجھ کھنڈر شہزاد
اِک عمارت کا انہدام ہوں میں
۔۔۔۔۔۔۔۔۔۔۔
میرے حجرے میں رکھے ہوئے ماہ و انجم ہٹائو میاں
یہ نہ ہو ایک دن سب کے سب میں بجھا دوں کسی لہر میں
۔۔۔۔۔۔۔۔۔۔۔
دیکھئے اب کسی سے بھی میری ملاقات ممکن نہیں
جوبھی آیا ہے کہہ دو چلا جائے اِس آخری پہر میں
۔۔۔۔۔۔۔۔۔۔۔
محبتوں کے کئی واقعے سنائے گا
اگر کبھی کسی دریا سے تم کلام کرو
۔۔۔۔۔۔۔۔۔۔۔
یہاں تو ہم بھی نہیں آج کل
سو آئو تم ہمارے حجرہء تنہائی میں قیام کرو
۔۔۔۔۔۔۔۔۔۔۔
سنائی جائے کوئی داستاں محبت کی
مین تھک چکا ہوں مجھے تازہ دم کیا جائے
۔۔۔۔۔۔۔۔۔۔۔
فلک کو سونپ دیئے جائیں یہ فلک زادے
زمیں کے بوجھ کو تھوڑا سا کم کیا جائے
۔۔۔۔۔۔۔۔۔۔۔
لے گئے جھولیاں بھر بھر کے مجھے شہر کے لوگ
اپنے حصے میں بھی آیا نہ بچایا ہوا میں
۔۔۔۔۔۔۔۔۔۔۔
آگ کو روکنے والا نہیں کوئی شہزاد
ہر طرف پھیلتا جاتا ہوں جلایا ہوا میں
۔۔۔۔۔۔۔۔۔۔۔
بس یاد رہ گیا تھا مجھے عشق عشق عشق
پھر یہ بھی لفظ میری زباں سے الگ ہوا
۔۔۔۔۔۔۔۔۔۔۔
دل کون سے محاذ پہ ہارا ہے اپنی جان
یہ آخری سپاہی کہاں سے الگ ہوا
۔۔۔۔۔۔۔۔۔۔۔
نکلنا چاہتا ہوں اپنی ذات سے
مگر یہ دشت پار ہو نہیں رہا
۔۔۔۔۔۔۔۔۔۔۔
میں خیر ہوں کہ شر مجھے بتائیے
مرا کہیں شمار ہو نہیں رہا
۔۔۔۔۔۔۔۔۔۔۔
یہ شہر جل رہا ہے اور کمال ہے
کوئی بھی سوگوار ہو نہیں رہا
۔۔۔۔۔۔۔۔۔۔۔
شاعر: قمر رضا شہزاد
(5682) ووٹ وصول ہوئے
Related Poet
Related Articles
ادب نامہ کی طرف سے احمد خیال کی شاعری سے انتخاب
Ahmad Khiyal Ki Shaeri Se Intikhab By Adab Nama
ادب نامہ کی طرف سے نصراللہ حارث کی شاعری سے انتخاب
Nasar Ullah Haris Ki Shaeri Se Intikhab By Adab Nama
عدنان بشیر کی شاعری میں سے انتخاب
Adnan Basheer Ki Shaairi Me Se
افتخار نسیم کی شاعری اور شخصیت
Ifti Naseem Ki Shaeri Aur Shakhsiyat
عذرا عباس کی نظمو ں کا مو ضوعا تی تنوع
Azra Abbas Ki Nazmoon Ka Maozuati Tanao
ادب نامہ کی طرف سے عزیز فِصل کی شاعری سے انتخاب
Aziz Faisal Ki Shaeri Se Intikhab By Adab Nama
ادب نامہ کی جانب سے عمدہ شاعر اظہر فراغ کی شاعری سے انتخاب
Adan Nama Ki Taraf Se Azhar Faragh Ki Shaeri Se Kiya Gaya Intikhab
کچھ شاعری کے بارے میں ( نوید صادق )
Shairi K Baray Me
نور محمد نور کپورتھلوی کے کلام میں عصری آ گہی کا شعور
Noor Mohammad Noor Kapoor Thalavi
ادب نامہ کی طرف سے شاہد ذکی کی شاعری سے انتخاب
Shahid Zaki Ki Shaeri Se Intikhab By Adab Nama
زبان ہے تو جہان ہے
Zuban Hae Tu Jahan Hae
ہارون طارق کا خصوصی انٹرویو
Haroon Tariq Ka Khasoosi Interview
احمد شہریار کے مجموئے اقلیم میں سے انتخاب
Ahmed Shehryaar K Mjmoay Aqleem Me Se Intekhab
راستوں کا دل دادہ ۔۔۔۔۔ کاشف حسین غائر
Raastoon Ka Dil Daada
اداسی کا خا لق ۔ابرار احمد۔ از ۔فہیم جوزی (معروف شاعر، نقاد و براڈ کا سٹر
Udasi Ka Khaaliq Abrar Ahmed By Faheem Jozi
ضیا المصطفی ترک کی شاعری میں سے انتخاب
Zia Turk Ki Shairi Me Se Intekhab By Hammad Niazi
Qamar Raza Shahzad Sb K Muntakhib Ashaar - Read Urdu Article
Qamar Raza Shahzad Sb K Muntakhib Ashaar is a detailed Urdu Poetry Article in which you can read everything about your favorite Poet. Qamar Raza Shahzad Sb K Muntakhib Ashaar is available to read in Urdu so that you can easily understand it in your native language.
Qamar Raza Shahzad Sb K Muntakhib Ashaar in Urdu has everything you wish to know about your favorite poet. Read what they like and who their inspiration is. You can learn about the personal life of your favorite poet in Qamar Raza Shahzad Sb K Muntakhib Ashaar.
Qamar Raza Shahzad Sb K Muntakhib Ashaar is a unique and latest article about your favorite poet. If you wish to know the latest happenings in the life of your favorite poet, Qamar Raza Shahzad Sb K Muntakhib Ashaar is a must-read for you. Read it out, and you will surely like it.