Qamar Raza Shahzad Sb K Muntakhib Ashaar
ممتاز شاعر قمر رضا شہزاد صاحب کیے مجموعہء کلام یاددہانی کے بعد کہے گئے " تازہ کلام سے منتخب اشعار انتخاب : عتیق الرحمن صفی
ممتاز شاعر قمر رضا شہزاد صاحب کیے مجموعہء کلام یاددہانی کے بعد کہے گئے " تازہ کلام سے منتخب اشعار" آپ سب دوستوں کے ذوقِ مطالعہ کی نذر ...
ممتاز شاعر قمر رضا شہزاد صاحب کیے مجموعہء کلام یاددہانی کے بعد کہے گئے " تازہ کلام سے منتخب اشعار" آپ سب دوستوں کے ذوقِ مطالعہ کی نذر ...
مجھے خبر ہے خدا میرے انتظار میں ہے
میں آ رہا ہوں صفِ گمرہاں سے ہوتے ہوئے
۔۔۔۔۔۔۔۔۔۔۔
کئی زمانوں کے اسرار پار کرنے پڑے
میں اپنے آپ تک آیا کہاں سے ہوتے ہوئے
۔۔۔۔۔۔۔۔۔۔۔
چھوا ضرور تھا لیکن مجھے نہیں معلوم
کہاں گیا وہ مرے جسم و جاں سے ہوتے ہوئے
۔۔۔۔۔۔۔۔۔۔۔
سکوتِ شب میں اور کیا بنائوں گا
میں لفظ جوڑ کر صدا بنائوں گا
۔۔۔۔۔۔۔۔۔۔۔
یہی بہت جو اِک چراغ بن سکے
میں اِس سے بڑھ کے اور کیا بنائوں گا
۔۔۔۔۔۔۔۔۔۔۔
یہ جنگ ہے تو پھر مرے عزیز میں
مکان کو بھی مورچہ بنائوں گا
۔
(جاری ہے)
دو چار ہیں پار اُترنے والے
میں نائو کو بھر نہیں رہا ہوں
۔۔۔۔۔۔۔۔۔۔۔
تلوار بھی کھینچ لی ہے میں نے
اور وار بھی کر نہیں رہا ہوں
۔۔۔۔۔۔۔۔۔۔۔
مری روشنی سے رواں تھی روشنی دہر میں
میں بجھا تو نور کسی دیے میں نہیں رہا
۔۔۔۔۔۔۔۔۔۔۔
کوئی میری طرح کا سر پھرا ترے دشت میں
کبھی تھا مگر مرے حافظے میں نہیں رہا
۔۔۔۔۔۔۔۔۔۔۔
سمجھ رہا ہے جسے تُو کسی چراغ کی لو
یہ کائنات اسی لو سے جلنے والی ہے
۔۔۔۔۔۔۔۔۔۔۔
لہو سے گوندھنے والے کو بھی کہاں معلوم
یہ خاک کون سی صورت میں ڈھلنے والی ہے
۔۔۔۔۔۔۔۔۔۔۔
اب اور کون سی وسعت مجھے سنبھالے گی
میں فکر مند تھا کون و مکان چھوڑتے وقت
۔۔۔۔۔۔۔۔۔۔۔
بھڑک اُٹھا تھا میں اپنے نواح میں شہزاد
دیے کی لو پہ لبوں کے نشاں چھوڑتے وقت
۔۔۔۔۔۔۔۔۔۔۔
مجھے نہ ماننے والے ضرور دیکھیں گے
کسی زمانہء آئندہ میں ظہور مرا
۔۔۔۔۔۔۔۔۔۔۔
کوئی بھی شے یہاں ترتیب میں نہیں مرے دوست
یہ کائنات بھی دراصل ہے فتور مرا
۔۔۔۔۔۔۔۔۔۔۔
مرا تو"میں" کی رفاقت میں سانس گھٹتا ہے
سو آئے اور کوئی توڑ دے غرور مرا
۔۔۔۔۔۔۔۔۔۔۔
ابھی زمیں کے ہونٹ تر نہیں ہوئے
ابھی پیالہ خون سے بھرا نہیں
۔۔۔۔۔۔۔۔۔۔۔
میں ایک شاہ جس کے اختیار میں
کوئی محل کوئی حرم سرا نہیں
۔۔۔۔۔۔۔۔۔۔۔
ہر طرف میری خامشی کا شور
ان کہا ان سنا کلام ہوں میں
۔۔۔۔۔۔۔۔۔۔۔
سوچ لینا یہ جنگ سے پہلے
صلح کا آخری پیام ہوں میں
۔۔۔۔۔۔۔۔۔۔۔
تُو مجھے مت سمجھ کھنڈر شہزاد
اِک عمارت کا انہدام ہوں میں
۔۔۔۔۔۔۔۔۔۔۔
میرے حجرے میں رکھے ہوئے ماہ و انجم ہٹائو میاں
یہ نہ ہو ایک دن سب کے سب میں بجھا دوں کسی لہر میں
۔۔۔۔۔۔۔۔۔۔۔
دیکھئے اب کسی سے بھی میری ملاقات ممکن نہیں
جوبھی آیا ہے کہہ دو چلا جائے اِس آخری پہر میں
۔۔۔۔۔۔۔۔۔۔۔
محبتوں کے کئی واقعے سنائے گا
اگر کبھی کسی دریا سے تم کلام کرو
۔۔۔۔۔۔۔۔۔۔۔
یہاں تو ہم بھی نہیں آج کل
سو آئو تم ہمارے حجرہء تنہائی میں قیام کرو
۔۔۔۔۔۔۔۔۔۔۔
سنائی جائے کوئی داستاں محبت کی
مین تھک چکا ہوں مجھے تازہ دم کیا جائے
۔۔۔۔۔۔۔۔۔۔۔
فلک کو سونپ دیئے جائیں یہ فلک زادے
زمیں کے بوجھ کو تھوڑا سا کم کیا جائے
۔۔۔۔۔۔۔۔۔۔۔
لے گئے جھولیاں بھر بھر کے مجھے شہر کے لوگ
اپنے حصے میں بھی آیا نہ بچایا ہوا میں
۔۔۔۔۔۔۔۔۔۔۔
آگ کو روکنے والا نہیں کوئی شہزاد
ہر طرف پھیلتا جاتا ہوں جلایا ہوا میں
۔۔۔۔۔۔۔۔۔۔۔
بس یاد رہ گیا تھا مجھے عشق عشق عشق
پھر یہ بھی لفظ میری زباں سے الگ ہوا
۔۔۔۔۔۔۔۔۔۔۔
دل کون سے محاذ پہ ہارا ہے اپنی جان
یہ آخری سپاہی کہاں سے الگ ہوا
۔۔۔۔۔۔۔۔۔۔۔
نکلنا چاہتا ہوں اپنی ذات سے
مگر یہ دشت پار ہو نہیں رہا
۔۔۔۔۔۔۔۔۔۔۔
میں خیر ہوں کہ شر مجھے بتائیے
مرا کہیں شمار ہو نہیں رہا
۔۔۔۔۔۔۔۔۔۔۔
یہ شہر جل رہا ہے اور کمال ہے
کوئی بھی سوگوار ہو نہیں رہا
۔۔۔۔۔۔۔۔۔۔۔
شاعر: قمر رضا شہزاد
(5684) ووٹ وصول ہوئے
Related Poet
Related Articles
سید علی عباس جلالپوری تحریر : پروفیسر لالہ رخ بخاری
Syed Ali Abbas Jalalpuri
ادب نامہ کی طرف سے احمد خیال کی شاعری سے انتخاب
Ahmad Khiyal Ki Shaeri Se Intikhab By Adab Nama
مجید امجد کی نظم نگاری
Majeed Amjad Ki Nazm Nigari
بھینسیں پالنے والا شاعر
Bhaensain Palnay Wala Shaer
ادب نامہ کی جانب سے ممتاز گرمانی کی شاعری سے انتخاب
Mumtaz Gurmani Ki Shaeri Se Intikhab By Adab Nama
خواب کمخواب
Khawb Kamkhawb
سرسری دل کی واردات نہیں ( نوید صادق )
Sarsari Dil Ki Wardat
اور یہ دوستی رہے گی ابھی (ابرار احمد ) از قلم۔نصیر احمد ناصر
Aor Yeh Dosti Rahay Gi Bhi
فاخرہ بتول کا تعارف اور ان کا منتخب کلام
Fakhara Batool
گلزار صاحب کا تعارف اور کچھ منتخب کلام
Gulzar
زوللفقار عادل کے مجموعہ سے چند منتخب اشعار (ابرار احمد)
Zulfiqar Adil Ki Shaeri Se Intikhab
غلام محمد قاصر
Ghulam Muhammad Qasir
ادب نامہ کی طرف سے فیاض اسود کی شاعری سےانتخاب
Fiaz Aswad Ki Shaeri Se Intikhab
کراچی لٹریچر فیسٹیول کا احوال
Karachi Festival Ka Ehwal
علامتوں کے تنوع کا شاعر ____ابرار احمد
Alaamton Ki Tanu Ka Shaair
ہارون طارق کا خصوصی انٹرویو
Haroon Tariq Ka Khasoosi Interview
Qamar Raza Shahzad Sb K Muntakhib Ashaar - Read Urdu Article
Qamar Raza Shahzad Sb K Muntakhib Ashaar is a detailed Urdu Poetry Article in which you can read everything about your favorite Poet. Qamar Raza Shahzad Sb K Muntakhib Ashaar is available to read in Urdu so that you can easily understand it in your native language.
Qamar Raza Shahzad Sb K Muntakhib Ashaar in Urdu has everything you wish to know about your favorite poet. Read what they like and who their inspiration is. You can learn about the personal life of your favorite poet in Qamar Raza Shahzad Sb K Muntakhib Ashaar.
Qamar Raza Shahzad Sb K Muntakhib Ashaar is a unique and latest article about your favorite poet. If you wish to know the latest happenings in the life of your favorite poet, Qamar Raza Shahzad Sb K Muntakhib Ashaar is a must-read for you. Read it out, and you will surely like it.