مشق نمبر 9
دن9
عنوان:۱) حر کی آمد
۲) زمین کربلا پر
۳) عمر بن سعد کی آمد
۴) پانی بند کرنے کا حکم
سوال نمبر1:حسینی قافلہ کس مقام پر خیمہ زن ہوا؟
جواب نمبر1:حسینی قافلہ کوہ ِ ذی حشم کے مقام پر پہنچ کر خیمہ زن ہوا۔
سوال نمبر2:حر بن یزید کتنے سواروں کے ساتھ آپ کو گرفتار کرنے آیا؟
جواب نمبر2:حر بن یزید حکومت یزید کی طرف سے آپ کو گرفتار کرنے کے لئے ایک ہزار مسلح سواروں کے ساتھ پہنچا۔
سوال نمبر3:عصر کے وقت امام عالی مقام نے اپنے ساتھیوں کو کیا حکم دیا؟
جواب نمبر3:جب عصر کا وقت ہوا تو امام عالی مقام نے اپنے ساتھیوں کو حکم دیا کہ سب روانہ ہونے کے لئے تیار ہوجائیں۔
(جاری ہے)
سوال نمبر4:خطوط کے بھیجنے پر حر کے انکار کے بعد آپ نے کیا کیا؟
جواب نمبر4:اس پر آپ نے خطوط کے تھیلے کو منگوا کر سب کے سامنے اُلٹا دیا۔
سوال نمبر5:جب حر کے لشکر نے آپ کا راستہ روکا تو آپ نے کیا فرمایا؟
جواب نمبر5:حضرت امام حسین نے فرمایا: تیری ماں تجھے روئے تو کیا چاہتا ہے۔
سوال نمبر6:ابن زیاد کی طرف سے آنے والے خط میں حر کے لئے کیا پیغام تھا؟
جواب نمبر6:ابن زیاد کی طرف سے آنے والے خط میں لکھا تھا کہ جس وقت میرا قاصد میرا خط لے کر تمہارے پا س پہنچے تو اسی وقت سے حسین پر سختی کرواوراس جگہ کے سوا جہاں نہ کوئی بستی ہو اور نہ پانی ،کسی اور جگہ نہ اترنے دو۔
سوال نمبر7:حر کی باتیں سننے کے بعد حضرت امام حسین نے کونسا راستہ اختیار کیا؟
جواب نمبر7:آپ نے حر کی بات سننے کے بعدعذیب اور قادسیہ جانے والے راستے سے بائیں جانب جانے والا راستہ اختیار فرمایا۔
سوال نمبر8:خط میں لکھا پیغام سننے کے بعد حضرت امام حسین نے اپنے ساتھیوں کو کہاں اترنے کا فرمایا؟
جواب نمبر8:آپ نے اپنے ساتھیوں سے نینوا، غاضریہ اور شیفتہ میں اترنے کافرمایا۔
سوال نمبر9:حضرت امام حسین کربلا کے مقام پر کس تاریخ کو خیمہ زن ہوئے؟
جواب نمبر9:۶۱ ہجری محرم کی ۲ تاریخ جمعرات کے دن امام عالی مقام اپنے اہل و عیال اور ساتھیوں سمیت خیمہ زن ہوئے۔
سوال نمبر10:حضرت ام سلمہ کی روایت کے مطابق جبرائیل امین نے آپ ﷺ کو کیا کہا؟
جواب نمبر10:جبرائیل نے آپ ﷺ کو کہا: اے محمد ﷺ بیشک آپ ﷺ کی امت میں سے ایک جماعت آپ ﷺ کے اس بیٹے حسین کو آپ ﷺ کے بعد قتل کر دے گی۔
سوال نمبر11:جبرائیل نے آپ ﷺ کو کیا دیا؟
جواب نمبر11:جبرائیل امین نے آپ ﷺ کو حضرت امام حسین کی جائے شہادت کی تھوڑی سی مٹی دی۔
سوال نمبر12:حضرت ام سلمہ نے مٹی کو کس چیز میں رکھا اور اس کو روز دیکھ کر کیا فرماتی تھیں؟
جواب نمبر12:حضرت ام سلمہ نے مٹی کو بوتل میں رکھ دیا تھا وہ ہر روز دیکھتی تھیں اور فرماتیں کہ جس دن یہ مٹی خون ہوجائے گی وہ دن عظیم دن ہوگا۔
سوال نمبر13:عمر بن سعد کتنے سپاہیوں کے ہمراہ اور کس تاریخ کو کوفہ سے کربلا مقابلہ کے لئے پہنچا؟
جواب نمبر13:عمر بن سعد ۳ محرم کو ۴۰۰۰ سپاہیوں کے ساتھ مقابلہ کے لئے کوفہ سے کربلا پہنچ گیا۔
سوال نمبر14:ابن زیاد نے یہ لشکر کس کے لئے تیار کیا تھا؟
جواب نمبر14:ابن زیاد نے یہ لشکر ویلم کے لئے تیار کیا تھا۔
سوال نمبر15:پانی بند کرنے کا حکم کب ہوا؟
جواب نمبر15:پانی بند کرنے کا حکم امام عالی مقام کی شہادت سے ۳ دن پہلے یعنی ۷ محرم کو ہوا۔
