مشق نمبر8
دن8
عنوان:۱) روانگی مکہ سے کوفہ
۲) اہل کوفہ کے نام خط
۳) شہادت مسلم بن عقیل کی خبر
سوال نمبر 1:حضرت امام حسین مکہ سے کوفہ کے لئے کب روانہ ہوئے؟
جواب نمبر1:حضرت امام حسینمکہ مکرمہ سے ۸ ذو الحج کو کوفہ کے لئے روانہ ہوئے۔
سوال نمبر 2:کوفہ کے راستے میں صفاح کے مقام پر آپ کی ملاقات کس سے ہوئی؟
جواب نمبر2:کوفہ کے راستے میں صفاح کے مقام پر آپ کی ملاقات عرب کے مشہور شاعر فرزوق سے ہوئی۔
سوال نمبر 3:حضرت امام حسین کے لوگوں کے بارے میں پوچھنے پر فرزوق نے کیا جواب دیا؟
جواب نمبر3:فرزوق نے کہا کہ لوگوں کے دل تو آپ کے ساتھ ہیں مگر ان کی تلواریں بنو امیہ کے ساتھ ہیں۔
(جاری ہے)
سوال نمبر 4:حضرت امام حسین کے پاس حضرت عبداللہ بن جعفر کا خط لے کر کون آیا؟
جواب نمبر4:حضرت امام حسین کے پاس حضرت عبداللہ بن جعفر کا خط لے کر ان کے فرزند حضرت محمد اور حضرت عون آئے۔
سوال نمبر 5:حضرت عبداللہ بن جعفر نے حضرت امام حسین کو خط بھیجنے کے لئے کس کو کہا؟
جواب نمبر5:حضرت عبداللہ بن جعفر نے امیر مکہ عمرو بن سعید سے ملاقات کی اور اسے کہا کہ حضرت امام حسین کو ایک خط بھیج دیں۔
سوال نمبر 6:حضرت امام حسین نے واپس جانے سے انکار کرتے ہوئے اپنے خواب کے بارے میں کیا فرمایا؟
جواب نمبر6:حضرت امام حسین نے واپس جانے سے انکار کرتے ہوئے فرمایا: رسول اللہ ﷺ نے مجھے ایک کام سر انجام دینے کا حکم فرمایا ہے۔ جس کو میں ہر حالت میں سرانجام دوں گا۔ خواب کے بارے میں پوچھنے پر آپ نے فرمایا:” یہ خواب میں کسی کو نہیں بتاؤں گا یہاں تک کہ میں اپنے رب سے جا ملوں“۔
سوال نمبر 7:قیس بن مسہرحیداوی کو حضرت امام حسین نے کس مقام سے خط دے کر کوفہ روانہ کیا؟
جواب نمبر7:حضرت امام حسین نے قیس بن مسہرحیداوی کو مقام حاجرسے خط دے کر کوفہ روانہ کیا۔
سوال نمبر 8:حضرت قیس جب قادسیہ پہنچے تو ان کو کس نے گرفتار کیا؟
جواب نمبر8:حضرت قیس جب خط لے کر قادسیہ پہنچے تو حصین بن نمیرنے قیس کو گرفتار کرکے ابن زیاد کے پاس بھیج دیا۔
سوال نمبر 9:ابن زیاد نے قیس کو جان بچانے کے لئے کیا کہا؟
جواب نمبر9:ابن زیاد نے کہا اگر تم اپنی جان بچانا چاہتے ہو تو گورنر ہاؤس کی چھت پر چڑھ کر حسین بن علی کے خلاف تقریر کرو اور ان کو برا بھلا کہو۔
سوال نمبر 10:حضرت قیس کی تقریر سن کر ابن زیاد نے کیا کیا؟
جواب نمبر10:حضرت قیس کی تقریر سن کر ابن زیاد سخت غضب ناک ہوگیااور حکم دیا کہ اسے چھت کے اوپر سے نیچے گرا دو تاکہ اس کے ٹکرے ٹکڑے ہوجائیں۔
سوال نمبر 11:حضرت امام حسین کو حضرت مسلم بن عقیل اور حضرت ہانی بن عروہ کی شہادت کی خبر کس مقام پر ملی؟
جواب نمبر11:حضرت امام حسین کو حضرت مسلم بن عقیل اور حضرت ہانی بن عروہ کی شہادت کی خبر ” ثعلبہ “ کے مقام پر ملی۔
سوال نمبر 12:بنی اسد کے آدمی سے کوفہ کے لوگوں کے بارے میں پوچھا گیا تو اس نے کیا جواب دیا؟
جواب نمبر12:اس نے کہا کے خدا کی قسم! جب میں کوفہ سے نکلا تو مسلم بن عقیل اور ہانی بن عروہ قتل ہوچکے تھے۔
ان کو ٹانگوں سے پکڑ کر بازاروں میں گھسیٹا جارہا تھا۔
سوال نمبر 13:عبداللہ اور منذر کی بات سن کر مسلم بن عقیل کے تینوں بھائیوں نے کیا کہا؟
جواب نمبر13:مسلم بن عقیل کے تینوں بھائی کھڑے ہوگئے اور جوش میں آکر کہا خدا کی قسم ہم واپس نہیں ہوں گے۔ جب تک مسلم کے خون کا بدلہ نہیں لیں گے یا ہم بھی ان کی طرح قتل نہیں ہوجائیں گے۔
سوال نمبر 14:حضرت امام حسین کو ” زرود“ کے مقام پر کس کے قتل کی خبر ملی؟
جواب نمبر14:حضرت امام حسین کو ” زرود“ کے مقام پر اپنے قاصد حضرت قیس کے قتل کی خبر ملی۔