Zamin Abbas Kazmi Ki Shaeri Se Intikhab By Adab Nama
ادب نامہ کی طرف سے ضامن عباس کاظمی کی شاعری سے انتخاب
ساہیوال سے تعلق رکھنے والے ایک نوجوان شاعر جنہوں نے انجینئرنگ یونیورسٹی لاہور سے جیولوجیکل انجینئرنگ کی اور آج کل روزگار کے سلسلے میں لاہور مقیم ہیں۔ یونیورسٹی دور میں ادبی سرگرمیوں میں بڑھ چڑھ کر حصہ لیا اور یونیورسٹی کی ادبی تنظیم کے صدر بھی رہے۔
ساہیوال سے تعلق رکھنے والے ایک نوجوان شاعر جنہوں نے انجینئرنگ یونیورسٹی لاہور سے جیولوجیکل انجینئرنگ کی اور آج کل روزگار کے سلسلے میں لاہور مقیم ہیں۔ یونیورسٹی دور میں ادبی سرگرمیوں میں بڑھ چڑھ کر حصہ لیا اور یونیورسٹی کی ادبی تنظیم کے صدر بھی رہے۔ ان کے کلام سے کچھ اشعار آپ کی خدمت میں پیش ہیں
ایک دو بار تو روکوں گا مروت میں تجھے
سینکڑوں بار تو اصرار نہیں کر سکتا
باغ میں ایک بھی پھول ایک بھی پھل کے ہوتے
تو مجھے زیست سے بیزار نہیں کر سکتا
جیسے میں دوستوں سے ہنس کے گلے ملتا ہوں
کوئی معمولی اداکار نہیں کر سکتا
کیوں نہ دنیا پہ نئی بات میں کالم لکھ دوں
ختم تو میں اسے سرکار نہیں کر سکتا
۔۔
(جاری ہے)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قوت۔فکر بھی دی ایسے کہ اک حد میں رہو
یعنی بیکار سمجھدار بناۓ گئے ہم
اولیں ہجر سے دو چار کیا حق نے ہمیں
مستزاد اس پہ کہ تجھ سے بھی ملاۓ گئے ہم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مرگ۔احساس پہ اس درجہ خموشی۔۔۔ دنیا
کوئی اعلان نہیں کوئی منادی بھی نہیں
یہ الگ بات مرا مسئلہ مادہ ہے مگر
دیکھا جاۓ تو مرا مسئلہ مادی بھی نہیں
۔
چل آ کہ دہر سے کذب و ریا کشید کریں
کسی کے جرم سے اپنی سزا کشید کریں
ہم ایسے خانہ بدوشوں کی کیا حدیں ہیں یھاں
جو وقت ہاتھ میں لے کر جگہ کشید کریں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈائری کے پھول دیمک کھا گئی
تیری فرقت بے نشانی ہو گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یاد۔یاراں بھی چھین لی تو نے
اے غم۔روزگار بس کر دے
آگ میں جھونک دے محبت کو
بس بھی کر دے او یار بس کر دے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کسی کی اک غلط فہمی
کسی کی زندگی کا دکھ
تمھارے بولنے کا ڈر
تمہاری خامشی کا دکھ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارشمیدس نے تو لیور پہ اٹھا لی دنیا
ہم سے اک شخص کا آزار اٹھایا نہ گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ کہہ رہا تھا برائی ، برائی جنتی ہے
سو اسکے واسطے لے کر کنول گیا ہوں میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ سوگ ختم کیا جاۓ یا کیا جاۓ
تمھارے ہجر کو گنگا بہا دیا جاۓ ؟
ہیں کامیابی پہ حاسد شکست پر برہم
بتاؤ ایسے مزاجوں کا کیا کیا جاۓ
یہ سرد شام جو کہرے میں لپٹی جاتی ہے
تو کیا خیال ہے نصرت لگا دیا جاۓ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پہلے بھی جس پہ مرے صبر کی حد ختم ہوئی
تو نے کر دی نا وہی بات دوبارہ مرے دوست
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ جس کو آپ نے نایاب پینٹنگ کہا ہے
مجھے تو پانچ چھ رنگوں کے چار خانے لگے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہوتی پرکھ ہے اچھے برے کی اسی جگہ
جب وسوسے میں ڈال کے شیطان چھوڑ دے
پانی چھڑک رہا ہے وہ میرے غبار پر
اس سے کہو کہ اب تو مری جان چھوڑ دے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہجر ہوگا نہ کوئی ہجر نوحہ ہوگا
باز آتے ہیں محبت سے ۔۔جو ہوگا ۔۔ہوگا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہماری بات کاٹی جا رہی ہے
کسی کا حوصلہ بڑھتا رہا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپ کو حق ہے ۔۔ فخر کر لیجے
آپ کا ان سے رابطہ ٹھہرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کون بھلا دل سے رونے پر خوش ہوتا ہے
نیلی چھتری والے ۔۔۔تیری مرضی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شجر کی چھال پر جو آڑھی ترچھی سی لکیریں ہیں
انہیں دیکھا تو مجھ کو اپنی قسمت کا گماں گزرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایک سگریٹ ہے ہاتھ میں سلگا
اور سینے میں دل بجھا ہوا ہے
ہاں مجھے ایک بات یاد آئ
دیر سے ناشتہ پڑا ہوا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں جو کہتا ہوں مجھ سے دور رہو
یہ نصیحت ہے التماس نہیں
تجھ کو مروایں گی تری آنکھیں
میرا دعویٰ ہے یہ قیاس نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہمیں سمجھنے کا دعویٰ ہے سر بسر جھوٹا
تمہیں ہمارا پتا ہے درست ہے پھر بھی
سوال۔وصل پہ اک بار اور غور کریں
بجا کہ سوچ لیا ہے درست ہے پھر بھی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تمہاری بات سے اتنا بھی دکھ نہیں پھنچا
مگر جو پھنچا تمھاری وضاحتوں سے مجھے
وہی زمیں تھی وہی لوگ تھے وہی باتیں
طعام مل گیا اچھا زیارتوں سے مجھے
(3293) ووٹ وصول ہوئے
Related Poet
Related Articles
ذوالفقار عادل کی شاعری (ںوید صادق)
Zulfiqar Adil Ki Shaeri (naveed Sadiq)
مجید امجد کی شاعری میں کَونیاتی اور سائنسی وژن ( سہ ماہی کاراں )
Majeed Amjad Ki Shaeri Me Koniyati Science Ka Vision
ادب نامہ کی طرف سے ذیشان حیدر کی شاعری سے انتخاب
Zeeshan Haider Ki Shaeri Se Intikhab
ممتاز شاعر قمر رضا شہزاد صاحب کیے مجموعہء کلام یاددہانی کے بعد کہے گئے " تازہ کلام سے منتخب اشعار انتخاب : عتیق الرحمن صفی
Qamar Raza Shahzad Sb K Muntakhib Ashaar
ادب نامہ کی طرف سے عمران عامی کی شاعری سے انتخاب
Imran Aami Ki Shaeri Se Intikhab
ادب نامہ کی طرف سے خرم آفاق کی شاعری سے کیا جانے والا انتخاب
Khurum Afaq Ki Shaeri Se Intikhab By Adab Nama
گل نوخیز اختر کا خصوصی انٹرویو
Gul Naukhez Akhtar Ka Khasoosi Interview
ادب نامہ کی جانب سے حماد نیازی کی شاعری سے انتخاب
Hammad Niazi Ki Shaeri Se Intikhab By Adab Nama
حسن عباسی کا خصوصی انٹرویو
Hassan Abbasi Ka Khasoosi Interview
کئی زمانوں کا شاعر ۔۔۔ افضل خان
Kaee Zamanoon Ka Shaair ..afzal Khan
ادب نامہ کی جانب سے عمدہ شاعر اظہر فراغ کی شاعری سے انتخاب
Adan Nama Ki Taraf Se Azhar Faragh Ki Shaeri Se Kiya Gaya Intikhab
استاد قمر جلالوی کا تعارف اور انکی شاعری سے انتخاب (خالد محمود )
Ustad Qamar Jalalvi
افتخار نسیم کی شاعری اور شخصیت
Ifti Naseem Ki Shaeri Aur Shakhsiyat
احمد ندیم قاسمی کی برسی پر خصوصی تحریر ( نوید صادق)
Ahmad Nadeem Qasmi Ki Barsi Par Khasoosi Tehreer (naveed Sadiq)
ظفر گورکھپوری ۔۔۔۔۔۔ ایک عہد، ایک شاعر
Zafar Gurakhpuri .... Aik Ehd, Aik Shair
اور یہ دوستی رہے گی ابھی (ابرار احمد ) از قلم۔نصیر احمد ناصر
Aor Yeh Dosti Rahay Gi Bhi
Zamin Abbas Kazmi Ki Shaeri Se Intikhab By Adab Nama - Read Urdu Article
Zamin Abbas Kazmi Ki Shaeri Se Intikhab By Adab Nama is a detailed Urdu Poetry Article in which you can read everything about your favorite Poet. Zamin Abbas Kazmi Ki Shaeri Se Intikhab By Adab Nama is available to read in Urdu so that you can easily understand it in your native language.
Zamin Abbas Kazmi Ki Shaeri Se Intikhab By Adab Nama in Urdu has everything you wish to know about your favorite poet. Read what they like and who their inspiration is. You can learn about the personal life of your favorite poet in Zamin Abbas Kazmi Ki Shaeri Se Intikhab By Adab Nama.
Zamin Abbas Kazmi Ki Shaeri Se Intikhab By Adab Nama is a unique and latest article about your favorite poet. If you wish to know the latest happenings in the life of your favorite poet, Zamin Abbas Kazmi Ki Shaeri Se Intikhab By Adab Nama is a must-read for you. Read it out, and you will surely like it.