پنجاب میں حکومت بنانے کیلئے مطلوبہ تعداد موجود ہے ،ْنعیم الحق

صوبہ خیبرپختونخوا اور صوبہ پنجاب کے وزراء اعلیٰ کے ناموں کیلئے مشاورت کی جارہی ہے ،ْ جلد ہی اعلان کردیا جائیگا انتخابات میں شکست کھانے والے منفی سیاست کررہے ہیں ،ْمولانا فضل الرحمن ذمہ داری کا مظاہرہ کریں ،ْ میڈیا سے بات چیت

اتوار 29 جولائی 2018 17:00

اسلام آباد(اُردو پوائنٹ اخبار آن لائن۔ اتوار 29 جولائی 2018ء)پاکستان تحریک انصاف کے ترجمان نعیم الحق نے کہا ہے کہ ان کی پارٹی کے پاس پنجاب میں حکومت بنانے کیلئے مطلوبہ تعداد موجود ہے۔اتوار کو میڈیا سے بات چیت کرتے ہوئے پی ٹی آئی کے ترجمان نعیم الحق نے ایک مرتبہ پھر اس بات کو دہرایا ہے کہ مرکز اور پنجاب میں حکومت بنانے کا حق رکھتی ہے۔

نعیم الحق نے کہا کہ صوبہ خیبرپختونخوا اور صوبہ پنجاب کے وزراء اعلیٰ کے ناموں کیلئے مشاورت کی جارہی ہے اور جلد ہی ان کا اعلان کردیا جائے گا جس کے بعد اٴْمید کی جارہی ہے کہ قومی اسمبلی کے بعد صوبائی اسمبلیوں کے اجلاس بھی طلب کرلیے جائیں گے۔گورنر سندھ کے حوالے سے پوچھے گئے سوال کے جواب میں نعیم الحق نے کہا کہ میں بتایا چاہتا ہوں کہ پی ٹی آئی کے کسی بھی اجلاس میں گورنر سندھ کے حوالے سے کوئی بات نہیں ہوئی ہے۔

(جاری ہے)

چوہدری پرویز الہی کے حوالے سے پوچھے گئے ایک سوال کے جواب میں پی ٹی آئی کے ترجمان نے کہا کہ انہیں مسلم لیگ (ق) کی قیات کے عمران خان یا کسی اور رہنما سے ملاقات کی معلومات نہیں ہیں لیکن جیسے ہی انہیں کچھ معلوم ہوگا تو میڈیا کو آگاہ کردیں گے۔نعیم الحق نے کہا کہ پنجاب کا وزیراعلیٰ تحریک انصاف سے ہوگا، انہوں نے واضح کیا کہ انتخابات میں شکست کھانے والے منفی سیاست کررہے ہیں۔

انہوں نے جمعیت علمائے اسلام (ف) کے سربراہ کا نام لے کر کہا کہ مولانا فضل الرحمن بڑی پارٹیوں کی طرح ذمہ داری کا مظاہرہ کریں اور شکست تسلیم کریں۔پی ٹی آئی کے ترجمان نے کہا کہ افغان صدر اشرف غنی نے عمران خان کو فون کرکے انتخابات میں کامیابی پر مبارکباد دی اور ساتھ ہی انہوں نے عمران خان کو وزارت عظمیٰ کا عہدہ سنبھالنے کے بعد افغانستان کے دورے کی دعوت دی۔نعیم الحق نے کہا کہ عمران خان نے وزارت عظمیٰ کا عہدہ سنبھالنے کے بعد دورہ افغانستان پر اتفاق کیا۔