Mumtaz Gurmani Ki Shaeri Se Intikhab By Adab Nama
ادب نامہ کی جانب سے ممتاز گرمانی کی شاعری سے انتخاب
پیدائش 02 مئی 1975۔ ضلع ڈیرہ غازیخان کی تحصیل تونسہ کے ایک گائوں لٹڑی شمالی سے تعلق ہے۔ خوبصورت لب و لہجے کے شاعر اور نفیس انسان
پیدائش 02 مئی 1975۔ ضلع ڈیرہ غازیخان کی تحصیل تونسہ کے ایک گائوں لٹڑی شمالی سے تعلق ہے۔ خوبصورت لب و لہجے کے شاعر اور نفیس انسان ۔ بچپن میں پولیو مرض کے باعث بیساکھی کا سہارا لیتے ہیں اور اپنے ہی گائوں میں زمینداری کرتے ہیں۔ مجموعہ کلام ابھی منظر۔ عام پر نہیں آیا۔
ان کے خوبصورت کلام سے چند اشعار آپ احباب کی محبتوں کی نظر
کھنچتی لکیر سہہ نہ سکا گھر کے صحن میں
آخر ضعیف باپ کو گھر چھوڑنا پڑا
اے دوست، میری وحشت۔
تجھ کو بھی چھوڑ دوں گا، اگر چھوڑنا پڑا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم نے اک عمر کتابوں کے حوالے کی ہے
تب کہیں جا کے کتابوں کے حوالے ہوئے ہیں
آئینہ بن کے کھڑے ہیں ترے در پر چپ چاپ
کب ترے سامنے ہم بولنے والے ہوئے ہیں
۔
(جاری ہے)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پہلا عشق بھلانا ہے تو دوجا کر لے
عشق کا زہر تو عشق ہی زائل کر سکتا ہے
۔
ہم کو منظور نہیں پھر سے بچھڑنے کا عذاب
اس لیے تجھ سے ملاقات نہیں چاہتے ہیں
کب تلک در پہ کھڑے رہنا ہے، اُن سے پوچھو
کیا وہ محشر کا تماشہ بھی یہیں چاہتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سرخ آنچل میں لپٹا ھوا بانکپن، مجھ کو حیرانیوں کے جہاں دے گیا
جیسے دلہن گلابوں بھری سیج پر، منہ دکھائ میں دولہے سے جاں مانگ لے
بھر لوں آنکھوں میں پکھراج و نیلم سبھی، سرخ یاقوت بھی، لعل و مرجان بھی
میں سجا لوں دکان_ جواہر ذرا، پھر وہ چاھے تو پوری دکاں مانگ لے
میرے ھونٹوں پہ ھر دم سجی رہ گئ ، اک دعا میری حسرت بنی رہ گئ
اس ملاقات میں اپنے رخسار پر، کیا خبر میرے لب کے نشاں مانگ لے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں خلاؤں کے سفر پر ہوں نکلنے والا
چاند سورج میرے زینوں سے پرے ہٹ جائیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ دشمنوں کی صف میں تھا، اسی لیے کلام بھی
کمان کھینچ کر کیا کہ رابطہ بنا رہے
اسے پسند آ گئیں پلک پلک پہ جھالریں
سو میں نے ان کو تر کیا کہ رابطہ بنا رہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ اور بات شجر سر نگوں پڑا ہوا تھا
زمیں سے اس نے مگر رابطہ رکھا ہوا تھا
اندھیرے نوچ رہے تھے جمال دھرتی کا
مری زمین کا سورج کہیں گیا ہوا تھا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہے موج موج مخالف مرے سفینے کی
اور اس پہ کھولنے والا ہوں بادبان کو میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پانی بھرنے ایک کنویں پر جاتی تھی
اس کا پانی میٹھا ہوتا جاتا تھا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجھے ستاروں کی گردشوں سے ڈرائے گا کیا نصیب میرا
کہ میں بگولوں کے ساتھ صحرا میں رقص کرتا جواں ہوا تھا
بڑا تعجب ہے، تیری آنکھوں کی اک تجلی سے جل گیا ہوں
وگرنہ شعلوں کی آنکھ پر میں گراں گزرتا جواں ہوا تھا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اک پری زاد نے آنکھوں میں بھرا تھا کاجل
اب وہ کاجل مری آنکھوں کا زیاں ہے بابا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اس نے تکیے پہ کاڑھ دیں بیلیں
میری آنکھوں میں پھول اگ آئے
پہلے آنکھوں میں ایک گلاب کھلا
پھر قطاروں میں پھول اگ آئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں ایسے شعر کہوں گا کہ تو نظر آۓ
سماعتوں میں بصارت بھرا کروں گا میں
نہ کوئ جھانکتی آنکھیں، نہ ادھ کھلی کھڑکی
یوں اس کے شہر میں کب تک پھرا کروں گا میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چھین کر ناز ہرنیوں کے بھی
اس کی رفتار کو دیے گۓ تھے
شعر کہتا ھے ، مار دیتا ھے
مجھ کو الزام دو دیے گۓ تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں نے کچھ رنگ چراۓ تھے کسی تتلی کے
اور پھر عمر حفاظت میں بتانی پڑی تھی
کل کسی عشق کے بیمار پہ دم کرنا تھا
پیر_کامل کو غزل میری سنانی پڑی تھی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الجھنا آسمانوں سے تھا مجھ کو
زمیں والے مجھے اچھے لگے تھے
خدا جانے یہ بارش کب تھمے گی
مری بستی کے بچے کہہ رھے تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اس کی آنکھوں کو میں ہاتھوں سے چھپا لیتا ہوں
پھر وہ لڑکی مجھے پہچان لیا کرتی ہے
اک شکاری ہے بہت شوخ نگاہوں والا
ایک چڑیا ہے نشانے پہ جیا کرتی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اب بھی اس راجکماری کے بدن کی خوشبو
آنے لگتی ھے مجھے صحن کی ویرانی سے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پتے گرے تو جسم چھپانے کے واسطے
پیڑوں نے اپنا آپ پرندوں سے بھر لیا
میں نے کہا کہ رات کی رانی سے کر گریز
خوشبو نے میری بات کا الٹا اثر لیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سبز بیلیں گلی میں اتر آئ تھیں
دل نے مجھ سے کہا، میں نہیں جا رھا
روح سے جسم نے وقت_رخصت کہا
اپنی گٹھڑی اٹھا، میں نہیں جا رھا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تم اپنا وار کرو ، رائیگاں نہیں ھوگا
خدا کا شکر کہ اس نے گلا دیا ھے مجھے
میں اپنا عشق مکرتا ھوں، داغدار نہ ھو
کسی شریف کی چادر کا سوچنا ھے مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
برتن برتن چیخ رہی تھی کون سمجھتا اس کی بات
دل کا برتن خالی تھا اس برتن بیچنے والی کا
گال کی جانب جھکتی ھے، شرماتی ھے، ہٹ جاتی ھے
آج ارادہ ٹھیک نہیں ھے جان تمہاری بالی کا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہوا بہت ہی تیز تھی، میں اس کی بارگاہ تک
خبر نہیں کہ کس طرح سنبھال کر دیا گیا؟
وہ تتلیوں کے رنگ دیکھ کر نہ شاخ چھوڑ دے
گلاب کو بھی صاحب۔۔ جمال کر دیا گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں یوں بھی ناقدین سے رہتا ہوں دور دور
کمبخت کھال اتارنے لگتے ہیں بال کی
اب تاج اتار دیجیے صاحب یہ دشت ہے
یہ جا نہیں حضور کے جاہ و جلال کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتازگورمانی
(5358) ووٹ وصول ہوئے
Related Poet
Related Articles
غلام محمد قاصر
Ghulam Muhammad Qasir
کاشف مجید کی شاعری سے انتخاب
Kashif Majeed Ki Shaairi Se Intekhab
جناب انور شعور کی شاعری سے انتخاب
Anwer Shaoor Ki Shairi Se Intikhab
ثمینہ تبسم ۔۔۔ ایک باشعور شاعرہ (سعید اللہ قریشی)
Samina Tabassum Aik Ba Shaoor Shaira (saeed Ullah Qureshi)
ابرار احمد کی نظم کا تجزیاتی مطالعہ۔۔۔۔۔۔ عارفہ شہزاد
Abrab Ahmed Ki Nazm Ka Tajziyati Matalea By Arifa Shehzaz
قیس کے قبیلے کا فرد ۔۔ مبشر سعید
Qais K Qabeelay Ka Fard
وسیع کینوس کا شاعر ۔۔ شاہین عباس
Wasee Canvas Ka Shaair, Shaheen Abbas
ادب نامہ کی طرف سے شاہین عباس کی شاعری سے انتخاب
Adab Na Ma Ki Taraf Se Shaheen Abbas Ki Shairi Se Intikhab
استاد قمر جلالوی کا تعارف اور انکی شاعری سے انتخاب (خالد محمود )
Ustad Qamar Jalalvi
گل نوخیز اختر کا خصوصی انٹرویو
Gul Naukhez Akhtar Ka Khasoosi Interview
افتخار نسیم کی شاعری اور شخصیت
Ifti Naseem Ki Shaeri Aur Shakhsiyat
اور ڈھنگ سے خواب لکھنے والا شاعر ۔۔۔۔۔ دانیال طریر
Aor Dhang Se Khawb Likhnay Wala Shaair ...daniyal Tareer
قابل اجمیری
Qabil Ajmairi
گلزار صاحب کا تعارف اور کچھ منتخب کلام
Gulzar
ادب نامہ کی جانب سے حماد نیازی کی شاعری سے انتخاب
Hammad Niazi Ki Shaeri Se Intikhab By Adab Nama
ظفر گورکھپوری ۔۔۔۔۔۔ ایک عہد، ایک شاعر
Zafar Gurakhpuri .... Aik Ehd, Aik Shair
Mumtaz Gurmani Ki Shaeri Se Intikhab By Adab Nama - Read Urdu Article
Mumtaz Gurmani Ki Shaeri Se Intikhab By Adab Nama is a detailed Urdu Poetry Article in which you can read everything about your favorite Poet. Mumtaz Gurmani Ki Shaeri Se Intikhab By Adab Nama is available to read in Urdu so that you can easily understand it in your native language.
Mumtaz Gurmani Ki Shaeri Se Intikhab By Adab Nama in Urdu has everything you wish to know about your favorite poet. Read what they like and who their inspiration is. You can learn about the personal life of your favorite poet in Mumtaz Gurmani Ki Shaeri Se Intikhab By Adab Nama.
Mumtaz Gurmani Ki Shaeri Se Intikhab By Adab Nama is a unique and latest article about your favorite poet. If you wish to know the latest happenings in the life of your favorite poet, Mumtaz Gurmani Ki Shaeri Se Intikhab By Adab Nama is a must-read for you. Read it out, and you will surely like it.